Isayas 32:17 - Fanawbuid tagsibaliwas Fakayabian

¹⁷ Ay fagmatuyanun at rawvg, fagmanabayanun, ay di e fagafanawaun kabavn ban.

Isayas 32:17 ပူးပေါင်းရင်းမြစ်များ

Ester 9:30

Ay Mardukyu nafabuba kanya fag rirukan sas sandan duak safulu e fituk afud talun sis fun Akasuerus at fagfagtainanan. Kafag rirukan nafae fagmasunun ay fagmanabayanun,

Alubad. 119:165

Fagayu takesug am faugali manabayan tua nu gbanwan, ay di gasalanan.

Alubad. 85:10

Fagmafangesugun ay fagmatuyanun masadi; fagmanabayanun ay fagyudun e malong masadi yangay.

Alubad. 85:8

Nandungugan au Dius at longan. Kanya namatuyanan fagmanabayanun sa antam at nafili ay at matuyan fag ngay taw. Nu katanya, lag ban tam kafoli ya sa tam fagyudun mamatanganan.

Fangatulun 1:33

Dewa katanya, takaylat gdungugan angku, gbanwan tua manabayan, ay kalangfe tua siginans fagidapun, ay di e fakalimuun ya.”

Fangatulun 14:26

Sik taw nu gsuyu tua Yawi, e fagmanabayanun tua, ay at talnayan kasun tua.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 11:13

Taw Israel di ban galabian ya ngay taw Uda, ay taw Uda di ban kadotama ya ngay taw Israel.

Isayas 26:3

Yawi, foni sik maksvn fag fagmanabayanun sanya fag ngay taw tagamatangan kabavn sabaliwa emu, aroro gafanud tua sa emu.

Isayas 28:12

Katatuy Yawi at longan, “Ste ay fagfiangalayan. Am fag ngay mamomuy, fiangalayi.” Dewa katanya, kanya fagayu wa kaylat gdungugan.

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 55:12

Am fag ngay taw Israel, duksuni useganani siginans talun Babilunya, aroro Dius wan tagufud ayu. Ngay buksul ay ngay fungsu kata sik ngay taw tagalubad guseganan. Ay fagayu fun kayu kata wa sik ngay taw tagfantalaptapan.

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Isayas 66:12

Aroro Yawi glong te, “Namaramraman kban furuan Erusalem. Ay tiba bank talun namuba sa anya at ngay ramraman, kata ban sik liskung nu glugwak. Ngay taw Erusalem umkata ban am sik ngenge; at mina galaga, gsalilian ay gfasusu, ay gugwan anya.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Esekyel 39:29

Kwa ban gfabayan kanya fag ngay taw siginan nu gfadasug au ku Falad sa anya fagayu. Au, Fun Dius Yawi taglong tuy.”

Ruma 14:17

Dius nu gfagtainan taw wa siginans fakonun ay fanginum, nu bunway siginan tua nu gbanwan matuyan ay manabayan, ay at ke fagusegananun siginan at Masine fag Falad.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

Ebreu 12:11

Kaduge nu gatul antam, wa tam guseganan nu bunway gidapan way tam. Dewa katanya nu nafaning tua tam at fangatulun, masine tua tam fakamulun, ay umke fagmanabayanun tua ban tam.

Ebreu 6:11

Ay em fakaylatun galay am at sadi nu gfataglayun tuam ay fakamulun nu gugatan am gfalag ay fagmatuyanun sa ay ngay faduksay sitsigon bans fakatabuan laman ban mul tuam ay fagsegun.

1 Uan 4:17

Katanya tam Dius at balyawvtan nu kesug fia antam, laman ban di tam kalimu gina ndasug fanginsafulan asalanan fag menit, aroro tam ugali ste swa daga kata tua Isus at ugali.