Isayas 32:16 - Fanawbuid tagsibaliwas Fakayabian

¹⁶ Ay sis talun at yud e taw ay sit masine fag daga, nu e gfawabilugan, matuyan tua.

Isayas 32:16 ပူးပေါင်းရင်းမြစ်များ

Isayas 11:9

Wa ban e mananrasras ya Siun, ku filian fag buksul at yud e malong. Aroro fagdaul daga at ngay taw tumoglag ban Yawi, kata mamam nu nkapnu sas dagat.

Isayas 28:6

Ay namon sa sangay tagwabilug sik amatanganan laman matuyan nu gfawabilugan. Ay namabitsug ngay tagulit sanya fag furuan laman namawayan at ngay fawayan.

Isayas 33:5

Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 42:11

Segi anya, fagayu am fag ngay furuan sat magong fag talun ay anggan am fag ngay taw Kedar. Ngay taw Sela, alubadi useganani. Uroi useganani tagsis sangay tungud buksul.

Isayas 42:4

Kanya ban di kamomuy ay di umyud e fagsegun yakmay ban nafae fagmatuyanun sas fagdaul daga. Anggan ngay taw tagsiginan tangayayu fag ngay talun tagsis wabilug dagat gfanya at ngay foyungan.”

Isayas 48:18

Nu nafaning di am ku ngay suguan, anke fagmanabayanun tua ro am, kata sik familugan mamam, ay anke fagmatuyanun tua ro am kata sik lugwak sis tigyangan dagat.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Sakaryas 8:3

Nangafoli au sas Siun, Erusalem fag furuan, ay namanwan au sanya. Ay gfangayan ban Erusalem te, at matuyan fag furuan, ay ku fagagbilugun fag buksul gfangayan te, at yud e malong fag buksul.