Isayas 32:1 - Fanawbuid tagsibaliwas Fakayabian

¹ E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 32:1 ပူးပေါင်းရင်းမြစ်များ

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

Alubad. 45:1

Ku fagnanlongun sas fun at masine tua fag ngay longan tagsi ku amatanganan. Mafalong ktua at masine kata sik taw tagsaful fia gfaturunan nu garingang.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 11:5

Kanya mafalganan gugat gugali at matuyan ay at mafangesug, kata sik taw tagsulun at famutus at fagwan laman mafalganan namakamulun.

Isayas 16:5

Ay Dabid ban at kasugfunanan at sadi nanfunan ke fakesugun ay ke fagmatuyanun. Kanya ban matuyan nu gfawabilugan, ay maseganama nu gfakamulun sat masine.

Isayas 28:6

Ay namon sa sangay tagwabilug sik amatanganan laman matuyan nu gfawabilugan. Ay namabitsug ngay tagulit sanya fag furuan laman namawayan at ngay fawayan.

Isayas 33:5

Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.

Isayas 4:6

Ay at fagmasuloun kata sik famalanbung gina maroy ay sik fagsarirungan gina gfulug.

Eremyas 33:14

Yawi nalong yangay fia te, “Sik menit ban namafasludan au ku nafatuyanan fag fagmasineun sa sangay taw Israel.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Esekyel 37:24

“ ‘Ku fagsuguan Dabid at kasugfunanan namagtainan ban anya fagayu. Sadi way ban tagalaga anya fagayu. Ay kanya ban fagayu gfaning tua ku ngay suguan ay ku ngay faugali.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Ruma 5:21

Nu katanya, asalanan gfunan sas fagayu taw ay nafadasug sas fakabulun. Ay siginan Dius at fagmagalangun, kanya gtap fagayu taw kata nu yud e asalanan ay gfadasug sas leleg at yud e fakatabuan siginan tam Fun Isus.

At Nafasure 17:14

Kanya fagayu namawayan Tupa Riangan, dewa katanya, Tupa Riangan gbabo way, aroro kanya wan fagayu dius at Dius ay fagayu fun at Fun. Ay at ngay nauro ay at ngay nafili ay fagayu at matuyan nu gfaning anya namabo yangay gfasfuan anya.”

At Nafasure 19:11

Ay sanya ginan nalag au banwa nu maluangan. Ay si ku salubangan sik kabayu malaksi. Ay tagsakay sanya at ngayan Mafanud ay Matuyan, aroro kanya matuyan nu ginsaful taw at asalanan ay nu gfawayan.