Isayas 31:9 - Fanawbuid tagsibaliwas Fakayabian

⁹ Fagayu at ngay tagfawayan lumagyu aroro kalimu, ay at ngay fagtainan wa nasaful te, tain ro at fakamulun gina nalag at ngay fawayan gfabat at famasaful fag ramit. Katanya Yawi at longan, at nafae afuy sis Siun, sis furuan Erusalem.

Isayas 31:9 ပူးပေါင်းရင်းမြစ်များ

Isayas 10:16

Nu katanya, tam Fun, Yawi at Mabalyanan, namae fakasaitun ban ngay taw Asirya at ngay tagfawayan at mabitsug, ay namadasug ban sik afuy daul tagigang laman nangirug kafag fun at fagmabitsugun ay at ramraman fagayu.

Isayas 10:17

Yawi wan at yud e malong fag Dius, ay sia wan taw Israel at salung. Kanya kata sik afuy tagigang at nangirug Asirya at fun, kata ngay tanum at madugi nu kairug, kaduge way sik menit.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 13:2

Fabati sik fakatoglagan fag ramit sas tungud buksul at yud e kayu. Ay uroi daul ay yafei sa sangay tagfawayan laman nanakbo ay namawayan at mabalyanan fag ngay taw at furuan.

Isayas 17:13

Dewa katanya, dewa garingang ngayu kata sik lugwak nu gfawas, kanya ban fagayu lumagyu kaduge Dius gagras anya, kata sik naglayapan tagsis buksul, tagmara nu gfalayug, ay kata sik nagutan tagbaribungan fag fulug nu gfalayug.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 26:1

Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 27:7

Yawi di nafaurianan ngay taw Israel, kata nu gfauri ay nu gfabul at ngay tagfawayan.

Isayas 29:6

Ay au, Yawi at Mabalyanan, namamatang kban furuan Erusalem, ay umdasug kban gasfuan lingsi, ay uig, ay sik awang, ay tagbaribungan fag tagmara, ay fulug, ay tagigang fag afuy.

Isayas 30:33

Glugo wan nu mafalganan at buknga daga at fagnangirugan Asirya at fun. Kanya tagbia wan ay nangabasad wan, ay mafalganan yangay ngayu fag famaygang. Yawi at engasan kata sik afuy asupre tagfalabe kafag famaygang fagayu.

Isayas 37:37

Nu katanya, Senakerib noli sas Ninibe ay nanamanwan sanya.

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Isayas 5:26

Ay kanya gyafe at daluap sa sangay taw sa tangayayu ngay talun, ay giful laman ngay taw tagbanwan sa tangayayu fag fatuan daga. Ay masakit kadasug sa Erusalem laman namawayan at ngay taw.

Isayas 66:15

Dungugani! Yawi kadasug wan, gbuba afuy. Kanya gsakay sit ngay famawayan fag ngay faguyudan ay kata sik fulug tagbaribungan. Kanya namalag at dotama sat ngay fawayan, ay namaurianan anya fagayu siginan sik igang.

Lebitiku 6:13

Faygangi tua gugat sis fagirugan fanggalangun ay lag gfabayan nu karabung.

Sakaryas 2:5

Yawi nalong te, ‘Au ban sik dingding alad afuy sas furuan Erusalem, ay au yangay ban tagfae fagmasuloun kafag furuan.’ ”

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Deuterunumyu 32:31

Aroro tam ngay fawayan at fagsarigan fag gang, wa kata tam fagsarigan fag gang, ay kanya fagayu nasaful yangay.

Deuterunumyu 32:37

Kanya ban ginto sat ngay taw te, “Dada wan katsi ay fagsegan ay fagsarigan fag gang?