Isayas 31:3 - Fanawbuid tagsibaliwas Fakayabian

³ Ngay taw Igiptu sik ngay taw way kata ayu, ay bunwa Dius. Ay at ngay kabayu bunwa sik ngay falad, kanya kata yay tibak kabayu. Ay gina ban Yawi gfauri, umrasras wan talun Igiptu anggan at faggubukun fag ngay talun at ngay taw. Ay kafag duak talun umkamin ban.

Isayas 31:3 ပူးပေါင်းရင်းမြစ်များ

2 Krunika 32:8

Tagufud anya ngay taw way, dewa katanya tagufud antam Yawi tua at mabalyanan fag Dius. Kanya taggubuk antam ay at namawayan laman sa antam.” Nu katanya anbitsug kafag ngay taw at amatanganan siginan Esekyas, Uda at fun, at nalong.

Alubad. 118:8

Amasine yap nu sa tuas Yawi nu gafanud tam, abat ngate sas taw.

Alubad. 33:17

Ngay kabayu bunwa fagsegan famababo sas awayan, ay at ngay fagmabitsugun wa mafalangfe anya fagayu.

Alubad. 9:20

Yawi, fabanwani si anya fakalimuun, laman kanya fagayu sumaful at sadili te, sik ngay taw way.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 20:4

Aroro Asirya at fun tumaban ban talun Igiptu ay Etiupya at ngay taw, dewa sisian ay dewa fagtainan. Fagayu ban gasifayanan way ay wa galapakan. Masure ban fagayu at ngay balitang, ay kanya ban fag ngay taw Igiptu umkapla.

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 30:16

Ay nalong am te, ‘Malagyu waymi siginan em ngay fawayan, aroro fagayu em ngay kabayu matarung tua.’ Anud, umlagyu wam fia, dewa katanya, at namafalo ayu amatarung yap tua.

Isayas 30:5

ay ngay taw Uda umke fakaplaun ban aroro ngay taw Igiptu wa ggubuk ya, nu bunway gfadasug way fakaplaun ay fagyudun e fagsegun.”

Isayas 30:7

Kanya fag talun, Igiptu wan, at yud e tungkul fagayu at gubuk. Nu katanya, gfangayan au anya te, “sik tagbia fag mangilafang at yud e tungkul.”

Isayas 36:6

O talun Igiptu? Kanya fag talun at ngay taw ay at fun kata way sik magatvngan fag tulag tagurus am daluap nu gatulagan o.

Isayas 36:9

Wa ro wo mababo nusdi way ku tagfayafun at fagsuguan tiba daga. Nu katanya, wain am fagsegun yay te, talun Igiptu namon ban emu sik ngay faguyudan fangawayan anggan sik ngay taw tagsaful gsakay sas kabayu?

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 15:6

Natalyuyan am ay anyayu siginan angku. Nu katanya, au, Yawi, glong au te, namalugde au ku ngay take laman namamin ayu ay kwa kafanyu ya ayu.

Eremyas 17:5

Yawi nalong yay fia te, “Namaurianan kban ngay taw at kinyayu siginan angku ay tagsaways taw nu gafanud.

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Esekyel 28:9

O si ban manga tagfabul emu at daga salubangan malong yay o te, sik dius o? Nu sanya fag ngay taw, bunwa o dius, sik taw way o.

Amus 2:15

Dewa tagsaful ggodun fag ngay tagfawayan gababawan way. Ay at masakit gtarung fag ngay tagfawayan wa malagyu ya, ay at ngay mafananadan gsakay sis kabayu wa mafalangfe at mesa sadili.

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”