Isayas 31:2 - Fanawbuid tagsibaliwas Fakayabian

² Anggan Yawi e fagsafulun yangay, ay kanya tagfae faurianan, ay gfafasludan wa fia at nalong. Namaurianan wa fia tagfaning mauri at talanan, ay anggan taggubuk kafag talanan.

Isayas 31:2 ပူးပေါင်းရင်းမြစ်များ

Ub 12:13

Dius way lang at kinsak at fagsafulun ay ke fagmabalyananun, kasakan yangay at fagtogdungugun, ay matuyan at ngay famalun.

Ub 12:16

Kanya e fagmabalyananun ay e fagsafulun, ay magbilug tagfandaya ay at nadayan.

Ub 5:13

Kanya saful way te, at ke fagsafulun kamasaweun way, ay nasalag way ngay tagfandaya at algan.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 14:20

Wa ban e namoli ya emu kata tibak fun, aroro o yay at narasras am talun ay at nafabul am ngay taw.” At mauri fag ngay taw wa ban e kasugfunanan ya kabavn.

Isayas 21:17

Wa ban ngayu at kumsawad at mabalyanan fag ngay tagfawayan.” Yawi, Israel at Dius taglong takatanya.

Isayas 22:14

Yawi at Mabalyanan nalong sa angku te, “We famalyam ya ay asalanan kaduge ban am gleleg.”

Isayas 28:21

At matuyan, Yawi namawayan wa fia ayu kata ebi at nafakamulun sas buksul Perasim ay sas datag Gibyun. Namakamulun waban fia at madulo fag fakamulun.

Isayas 28:29

Kanya fag fagsafulun siginan tuas Yawi at Mabalyanan. Masine at ngay fangatulun, ay maylat at fagsafulun.

Isayas 30:3

Dewa katanya ngap, kapla ban talun Igiptu at fun nu ggubuk anya.

Isayas 30:7

Kanya fag talun, Igiptu wan, at yud e tungkul fagayu at gubuk. Nu katanya, gfangayan au anya te, “sik tagbia fag mangilafang at yud e tungkul.”

Isayas 31:3

Ngay taw Igiptu sik ngay taw way kata ayu, ay bunwa Dius. Ay at ngay kabayu bunwa sik ngay falad, kanya kata yay tibak kabayu. Ay gina ban Yawi gfauri, umrasras wan talun Igiptu anggan at faggubukun fag ngay talun at ngay taw. Ay kafag duak talun umkamin ban.

Isayas 32:6

Aroro sik ngay taw yud e fagsafulun nu garingang at yud way e masuad, ay at amatanganan sa way lang at mauri, ay gfakamulun at yud masine, ay kamuag nu garingang sas Yawi, ay gfabayan takalunus ay takadanum.

Isayas 45:7

Au wan at nafae yamag ay at nafae dulum. Ay au yangay tagfadasug fagmasineun ay fagmauriun. Au Yawi at nawat takatanya fagayu.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 10:12

Siginan Yawi at fagmabalyananun ay at fagsafulun, kanya nawat banwa ay fagdaul daga.

Eremyas 10:7

O wan ngay talun at fun, sinu at yud kalimu emu? Masine ngay taw nu kalimu tua emu. Ay dewa at mamatanganan fag ngay taw ay fagayu fun siginan tibak talun, we mafasud emu.

Eremyas 36:32

Nu katanya, Eremyas nadog yay nabul sadi yak fagrirukan ay nafon sas Baruk, ay Baruk nariruk Eremyas at nalong fagayu, kata at nariruk si taguna fag fagrirukan fun Yuyakim at nairug. Ay Eremyas e nafamut yay at rirukan, arvs kata yay taguna fag rirukan.

Esekyel 29:6

Fagayu ban tagbanwan sis talun Igiptu sumaful te, au Yawi. “ ‘O oma ngay taw Israel at fagsegun, dewa katanya, kata way o sik anyamu takagabun.

Amus 3:6

O nunda ngay taw wa gtadtaruyan kalimu galay e nauyup budyung laman famasaful te, e fawayan takadasug? O nunda sik furuan daul nangafaurianan, Yawi nu dway nasugu?

Sefanias 3:8

Nu katanya, am fag ngay taw Erusalem, fanyai at buknga nu namauri au ngay talun. Aroro anke algan au namaful ngay talun ay ngay fagfagtainanan laman namadasug sa anya fagayu ku fandotaman at maksvn takata sik afuy nu girug fagdaul daga.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

Tap 10:35

Galay namuba Fagsuadan Nasadian, Muisis gdarangin sas Yawi te, “Fanggunai emi ay fasaruayani em ngay fawayan, ay kanya nangus fagayu lumagyu wan.”

Tap 23:19

Dius wa kata taw takamuag ay di gsalan sat amatanganan. O nunda kanya e nalong ay e nafatuyanan at yud anfasludan?

Mateu 24:35

Banwa ay daga kalyam way ban, dewa katanya, ku longan ban sanya tua gugat kabavn.

Ruma 16:27

Sadi way tam Dius tagsaful sas fagayu. Segi fia anya kabavn, siginan tam Fun Isus. Anud.

Uswe 23:15

Dewa katanya, katsi ay Dius Yawi nafafasludan wan fagayu at masine at nafatuyanan sa ayu, ay namafasludan yangay ban at faurianan sa ayu, laman sik famararang sa ayu yakmay ban am namin ste fag talun at masine at nafon sa ayu.

Udas 1:25

Sadi way tam Dius tam Tagfalangfe. Siwa anya fagmasineun ay fagmabalyananun ay fagmafagtainanun ay fagmafunanun siginan tam Fun Isus siginans fakasigadan, dasug katsi ay kabavn ban. Anud.

1 Samwel 2:3

Lag kamatungudun nu garingang o, aroro Yawi saful way fagayu nusnge wain, ay kanya ban nanginsaful ngay taw siginan at nafakamulun.