Isayas 30:9 - Fanawbuid tagsibaliwas Fakayabian

⁹ Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 30:9 ပူးပေါင်းရင်းမြစ်များ

2 Krunika 33:10

Yawi dewa nafararang sas Manase ay sat ngay taw, kanya fagayu wa nafandungug anya.

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Alubad. 81:12

Nu katanya, nafabayan kwan ayu, ay nafaning wam ay sadili fakaylatun, aroro kamaogatun am.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Isayas 1:10

Ay am fag ngay tagfangguna sis Suduma, dungugani fia Yawi at longan sa ayu, ay am fag ngay taw Gumura asafuli Dius at ngay faugali.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 48:4

Nasaful au te, maksvn nu yud am gfaning angku. Ay liug nu matugas kata sik sanbung, ay ay dangasan nu matugas kata sik tansu.

Isayas 5:24

Nu katanya, umkata ban am sik ngay nagutan ay sik makmak at kinyango ay at natubung masakit. Ay kata yangay am sik tanum at kindan at lalid ay at ngay barugwak at kinlangke ay takalayug kata lukbu, aroro natalyuyan am Yawi at Mabalyanan at longan, ngay taw Israel at Dius at yud e Malong, ay nafayud am e masuad at ngay foyungan.

Isayas 63:8

Yawi nalong te, “Matuyan kanya fagayu ku ngay taw, ay ku ngay sisian at yud nafamabo angku.” Nu katanya, Yawi nafalangfe anya fagayu.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Eremyas 35:14

Yeunadab, Rekab at baguama, nafararang sat ngay gaban te, lag ginum fanlangu, ay at ngay gaban nafaning tua. Ay dasug katsi, kanya fagayu wa ginum fanlangu aroro gfaning tua at mangaguyang Yeunadab at suguan. Dewa katanya, am, wam nafaning angku, dewa ngayu ginan nu glong au sa ayu

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:28

Nu katanya, nanlong yakman o sanya fag ngay taw te, ‘Am fag gaban taw at yud gfaning ay Dius Yawi ay at yud kaylat gfayfoyung. We si ya ayu fagmatuyanun ay wam e gfoyung ya at matuyan.

Eremyas 9:3

Yawi nalong te, “Kanya fagayu mafalganan kamuag kata at matonan fag godun. Fakamuagun way lang ste fag furuan takadungug ay we fagmatuyanun ya. Maksvn wan kanya fagayu nu gfakamulun at mauri ay wa gtoglag ya angku.

Esekyel 24:3

Sanya ginan, nanlong o sik faydayuanan sa sangay taw takamabo tagbanwan sis Israel te, ‘Fun Dius Yawi glong te, “ ‘Nantalin o mamam sas bisu,

Usea 4:2

Abat ngate, gfataglayun wayam glong at mauri sa ay iba, ay kamuag, ay kamabul, ay gfangkamul ay gfanugtug. Ay wam gfaning ya ku ngay faugali, ay wam gfaragang nu kamabul am.

Sefanias 3:2

Dewa e gfoyung anya, wa kaylat gdungugan ay wa gafanud ay wa nangakbang sas Dius Yawi.

Fakamulun 7:51

Sanya ginan, Esteban nalong te, “Kamaogatun am ay amatanganan! Ay wam kaylat gdungugan ay gfaning Dius at foyungan. Nu setain ay mangaguyang at fakamulun, katanya yangay ay fakamulun. Ay gfauri am gugat at Masine fag Falad.

Deuterunumyu 32:20

Kanya nalong te, “Gtalyuyan au anya fagayu ay nanlag kban nusnga setaw at fakadasugan, aroro kanya fagayu at mauri way fag gaban taw, ay at yud way matuyan fag ngay sisian.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.