Isayas 30:8 - Fanawbuid tagsibaliwas Fakayabian

⁸ Yawi nalong sa angku te, “Gewan, riruki sa sik fafil ku nafayudan sa sangay taw Israel, laman ban gfamatang ay gfatuyan at ngay asalanan kabavn.

Isayas 30:8 ပူးပေါင်းရင်းမြစ်များ

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 34:16

Fagayu am damai Yawi at rirukan ay tapi. We yud umfasludan fagayu at marirukan sanya kata ku nalong. We kalyam nusdi sadik mangilafang tagsanya, ay tagsanya mesa tua e ufud. Aroro katanya wan Yawi at fakaylatun, ay kanya wan at nafaful anya fagayu.

Isayas 8:1

Yawi nalong sa angku te, “Buli sik fagrirukan daul, ay riruki tuy fag ngay longan: ‘Maer-Salal-Kas-Bas.’

Eremyas 23:20

Wa ban kalyam ku dotama yakmay kban nafafasludan ku fakaylatun gfakamulun. Ay sa ban taguyan fag ngay menit, sumaful yayam at masuad.

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 36:4

Nu katanya, Eremyas nauro Baruk, Nerya at baguama, ay nafoyung sa anya Yawi at ngay longan, ay Baruk nariruk fagayu sa sik fagrirukan.

Eremyas 48:47

Dewa katanya, kadasug ban sik menit, gfafoli kyay ban talun Muab at kayaunanan. Au, Yawi, taglong tuy.” Kata kanya at foyungan sabaliwas talun Muab.

Eremyas 51:60

Eremyas nariruk sat mafalutan fag fagrirukan fagayu faurianan takadasug sas talun Babilunya.

Esekyel 38:16

Gug, namawayan ban o ku ngay taw Israel, kata sik linyabu tagtabun daga, laman ban ku fawayan fag ngay talun tumoglag angku te, kdi e malong.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Abakuk 2:2

Katatuy Yawi at famalus: “Riruki sas gang ku fagnanlongun emu fag foyungan laman mayamag ay masakit nu katap.

Tap 24:14

Guli kwan katsi sa ku kaiban. Dewa katanya, gina au galoun, gfararang au sa emu ngay taw Israel at fagnamakamulunun ban sa am ngay taw.”

Deuterunumyu 31:19

“Nu katanya, riruki tuy fag alubad ay foyungi sa sangay taw Israel. Falubadi tuy sa anya fagayu laman kanya tagfatuyan sa anya fagayu.

Deuterunumyu 31:22

Ay ginanya fag menit, Muisis nariruk kafag alubad ay nafoyung sa sangay taw Israel.

Deuterunumyu 31:29

Aroro saful au te, nu nbul kban gfakamulun ban am at mauri ay gsaruy ban am fagayu ku suguan ayu. Nu katanya, kadasug ban sa ayu fagmauriun aroro gfakamulun am at mauri sis Yawi at daga salubangan ay gfauri am anya siginan ay ngay fakamulun at mauri.”

Deuterunumyu 4:30

Fagidapun ban nu ndasug sa ayu, umfoli ban am sas Yawi ay namaning ban am anya.

1 Timuteu 4:1

Mayamag wan at Masine fag Falad at longan te, sa ban taguyan fag ngay menit tiba bank taw gubun at fagafanudun, ay nangalo takamuagan fag ngay falad ay ngay bara at ngay foyungan.

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

Udas 1:18

Siginan ebi, kanya nafoyung sa ayu te, sa ban taguyan fag ngay menit kadasug takamalingun fag ngay taw, tagfaning at fakaylatun at mauri.