Isayas 30:7 - Fanawbuid tagsibaliwas Fakayabian

⁷ Kanya fag talun, Igiptu wan, at yud e tungkul fagayu at gubuk. Nu katanya, gfangayan au anya te, “sik tagbia fag mangilafang at yud e tungkul.”

Isayas 30:7 ပူးပေါင်းရင်းမြစ်များ

Ub 9:13

Dius nu ndotama wa gfaragang ya. Dewa Rakab fag fagsegan takatas ule daul at ngay fagsuguan garungan nu kalimu Dius.

Alubad. 87:4

Glong te, “Nu nanriruk kway ro ngay talun tagtoglag angku ay at kinsik ngay taw Erusalem, ku fagrirukun ro: talun Igiptu, talun Babilunya, ay griruk kyangay ro anggan ngay taw Filistia, ay ngay taw Tiru, ay ngay taw Etiupya. Ay gtuyan kyangay ban te, ‘Anggan kanya fagayu kata nu kasalug sis Erusalem.’ ”

Alubad. 89:10

Siginan am fagmabalyananun, nafabul o ay narufa ule daul at nafangayan te, Rakab, ay nababo o am ngay fawayan.

Nu Galin 14:13

Ay Muisis nabalus ngay taw te, “Lag am kalimu. Faksvni ay amatanganan ay lumag ro am Yawi nu gfalangfe ayu katsi fag menit. Ay wa ro am lumag ya ay nalag katsi fag ngay taw Igiptu.

Fangatulun 25:19

We tungkul sik taw tagafanud sat yud masine fag fagfatigwanan gina gayudan fag buknga; kanya kata way sik taguigan fag bagang ay tagalbi fag darafa.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 2:22

Lag am gafanud ya sa sangay taw, aroro kanya fagayu kabul way kata engasan nu masakit kalyam. Ay wain se mafanud tua nunda sa ayu kanya fag ngay taw?

Isayas 20:6

Gina ban umfasludan fag menit, ngay taw Filistia lumong te, ‘Damai at kinfasludan sanya fag ngay talun tam fagsegan ebi ginan, ay tam fagnangetan gugat gubuk laman gfalangfe antam siginans Asirya at fun. Setain ban katsi nu malangfe tam?’ ”

Isayas 28:12

Katatuy Yawi at longan, “Ste ay fagfiangalayan. Am fag ngay mamomuy, fiangalayi.” Dewa katanya, kanya fagayu wa kaylat gdungugan.

Isayas 30:15

Yawi tam Fun, Israel at Dius at yud e Malong, nalong te, “Afolii sa angku ay manabayani, aroro namalangfe kwa fia ayu. Lag am gaduanun; afanudi wa sa angku, aroro namabitsug kwa fia ayu. Dewa katanya, kamayud wayam.

Isayas 30:5

ay ngay taw Uda umke fakaplaun ban aroro ngay taw Igiptu wa ggubuk ya, nu bunway gfadasug way fakaplaun ay fagyudun e fagsegun.”

Isayas 36:9

Wa ro wo mababo nusdi way ku tagfayafun at fagsuguan tiba daga. Nu katanya, wain am fagsegun yay te, talun Igiptu namon ban emu sik ngay faguyudan fangawayan anggan sik ngay taw tagsaful gsakay sas kabayu?

Isayas 51:9

Yawi, gubuki wan emi. Fasurei am fagmabalyananun laman gfalangfe o emi. Gubuki emi kata ebi am nafakamulun sa emi. O nunda bunwa o at naramyuk tagbia fag mangilafang at ngayan te, Rakab?

Isayas 7:4

Nanlong o sa anya te, ‘Madiriani tua laman di o kalimu. Ay manabayani tua am amatanganan. Lag gafanawa dewa fun Peka ay fun Resin maksvn nu kadotama emu. Aroro kanya fag dua kata way sik famaygang takanus at yud e afuy ya.

Takabalu 3:26

Masine tua tagagwantan gfanya Yawi nu gfalangfe.

Usea 5:13

Ngay taw ban Israel ay ngay taw Uda nu nalag nu gidapan gbanwan, Israel nanget gubuk sas Asirya at fun at mabalyanan, dewa katanya, kafag fun wa magubuk.