Isayas 30:2 - Fanawbuid tagsibaliwas Fakayabian

² Kanya fagayu glo wan sas talun Igiptu laman nanget gubuk sat fun, ay wa get gubuk sa angku.

Isayas 30:2 ပူးပေါင်းရင်းမြစ်များ

1 Fun 22:7

Ay Eusafat nainto te, “O we ste ya Yawi at taglong tam fagnangintoan?”

2 Fun 17:4

Dewa katanya, Usea anke algan sas Asirya at fun siginan nu get gubuk sas Su, Igiptu at fun, laman kanya umsaman wan siginans Asirya at fagmabalyananun, ay wa gfon ya at famonun kata at nafakamulun galay banwa. Salmaneser nu nasaful te, Usea nafamabo anya, kanya nagamat ay nafaubung.

2 Fun 18:21

O talun Igiptu? Kanya fag talun at ngay taw ay at fun kata way sik magatvngan fag tulag tagurus am daluap nu gatulagan o.

Isayas 16:3

Taw Muab nalong sa sangay taw Uda te, “Falui emi em fakamulun. Gubuki emi kata sik fun kayu nu glanbung swabilug menit. Nalagyu wami siginan em furuan, ay katsi wami e bale ya. Fasuksuani emi ay lag gfoyung te, ‘Ste ami.’

Isayas 18:1

Afanyuan talun at munakbang sis Etiupya fag ngay liskung at tigyangan. Sanya at ngay liung nu glayug, kadungug nu gfawvswvs at ngay fakfak.

Isayas 36:6

O talun Igiptu? Kanya fag talun at ngay taw ay at fun kata way sik magatvngan fag tulag tagurus am daluap nu gatulagan o.

Isayas 36:9

Wa ro wo mababo nusdi way ku tagfayafun at fagsuguan tiba daga. Nu katanya, wain am fagsegun yay te, talun Igiptu namon ban emu sik ngay faguyudan fangawayan anggan sik ngay taw tagsaful gsakay sas kabayu?

Isayas 8:19

“Tiba ginan ban e lumong ayu te, ‘Eti sik foyungan sa sangay tagfangufit ay sa sangay tagbalawvn gibugan, dewa katanya, lag gfakamulun takatanya. Nu bunway nu get am gubuk, fasai tua ay Dius. Ay wain ay fagsaun yay ngay kinbul ay fagnangintoan sabaliwa ngay tagleleg?’

Eremyas 2:18

Nataw ay nabul gina am nanangakbang sas talun Igiptu ay sas Asirya? Wain ay fagnasauns Liskung Nilu ay Eufrates?

Eremyas 21:2

“Namainfanyuan o sas Yawi te, gubuki emi, aroro Nabukudunusur, Babilunya at fun, namawayan emi. Tiba ginan ro Yawi nafasure sik madulo kata ebi at nafakamulun, laman karagang fun Nabukudunusur nu namawayan emi.”

Eremyas 37:5

Ay ginanya fag menit, ngay taw Babilunya nafawayan furuan Erusalem. Dewa katanya, kanya fagayu nu nasaful te, Igiptu at fun at ngay tagfawayan kadasug, kanya fagayu anragang nu gfawayan Erusalem.

Eremyas 42:14

ay glao ban mi sas talun Igiptu ay namanwan ami sanya, aroro sanya we awayan ay di malunus,’

Eremyas 42:2

Ay kanya fagayu glong sas Eremyas te, “Fagayu ami at kinsawad gfainfanyuan ami sa emu te, darangini emi sam Dius. Ebi, ngayu oma mi, dewa katanya katsi, glag wo, wami ngayu ya.

Eremyas 42:20

Wa masine ay fakamulun. Nafababaun am naet sa angku laman nangakbang au sa ay Dius Yawi ay gdarangin laman sa ayu ay nafatuyanan am te, gfakamulun ban am fagayu at nalong sa ayu.

Eremyas 43:7

Kanya fagayu abat ngate nafaning Yawi, nafataglayun way nu glao sas talun Igiptu, ay andasug sas furuan Takpanes.

Takabalu 4:20

Kanya fagayu nagamat em fun, Yawi at nafili, em fagsegun at namangguna emi sa em fawayan fag ngay talun.

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Usea 8:10

Ay kanya ban fag ngay talun dewa nagbilug Israel, namaful kyay ban fia anya fagayu laman gfaurianan. Ay sik fun ban gadgaloan at ngay tagfangguna at namaidapan anya fagayu.

Usea 8:9

Kanya fagayu kata way lang sik mela fag asnu tagsesadian ay malyaman sad talun. Kanya fagayu nanget gubuk sas Asirya ay namon famayad sat fagadgalangan fag ngay talun laman ggubuk anya.

Tap 27:21

Ay kanya sumaful ku algan siginans Elyasar gina gagbilug Urim laman ginsaful sa ku daga salubangan. Siginan Elyasar at longan Uswe ay ngay taw Israel namawayan ay guli tua.”

Deuterunumyu 28:68

Ay Dius Yawi namafoli ayu sas talun Igiptu gfasakay ayu sas sakayan lino, dewa nafatuyanan sa ayu te, wa ban gfafoli ya ayu sanya. Gfae bayad ban am ay ngay sadili sa ay ngay fawayan, laman sik ngay fagsuguan, ay wa ban e kaylat gbayad ayu.

Uswe 9:14

Ngay taw Israel nalingaman tiba kanya fag ngay taw at fetus, ay dewa katanya, wa nainsaful sas Yawi.

Tagfangguna 9:15

“Ay at madugi fag tanum nabalus te, ‘Nu kaylat am nu gfunan au ayu, sarirungi sa angku. Ay nu dway am kaylat, gfaduksun au afuy tagirug ngay kayu sidru sis Lebanun.’ ”