Isayas 30:1 - Fanawbuid tagsibaliwas Fakayabian

¹ Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.

Isayas 30:1 ပူးပေါင်းရင်းမြစ်များ

2 Fun 18:21

O talun Igiptu? Kanya fag talun at ngay taw ay at fun kata way sik magatvngan fag tulag tagurus am daluap nu gatulagan o.

2 Fun 18:24

Wa ro wo mababo nusdi way ku tagfayafun at fagsuguan tiba daga. Nu katanya, wain am fagsegun yay te, talun Igiptu namon ban emu sik ngay faguyudan fangawayan anggan sik ngay taw tagsaful gsakay sas kabayu?

Alubad. 61:4

Dius, fabanwani angku sim bale kabavn, ay dirii angku kata sik fanginan nu glub at ngay riangan sit daga fakfak.

Isayas 1:2

“Au, Yawi, glong au te, am tagsis banwa ay tagsis daga, dungugani! Nalaga au ay nafagurang ku ngay sisian fag ngay taw Israel, dewa katanya, kanya fagayu kamabo way angku.

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 28:15

Aroro kamatungudun wayam ay glong te, “E nasadian wami sas fakabulun te, ‘Lag gfabul emi,’ ay e nasadian yangay ami sat ngay kinbul at talun te, ‘Lag gtaban emi sanya.’ Nu katanya, wa ban mi e fagafanawaun dewa umdasug nusnge wain fag faurianan kata sik lugwak, aroro gseg wami em fakamuaganun ay em fagfandayaun te, kanya mafalangfe emi.”

Isayas 28:20

Aroro kata wayam sik taw tagtiug sit munagud fag fagtiugan, ay at umut wa mafaumut anya.

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 31:1

Afanyuan, fagayu am at nanget gubuk sas talun Igiptu. Gsarig am sat matarung fag ngay kabayu, ay at tangayu fag faguyudan fangawayan, ay at magaras fag ngay tagsaful gsakay sis kabayu. Dewa katanya, wam gseg Yawi, Israel at Dius at yud e Malong, ay wam nanget gubuk sa anya.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 4:5

Ginanya ban, Yawi nangawat linyabu laman glanbung furuan Erusalem ay sas fagayu at maful sanya, kaduge mamenit. Ay nangawat yangay ban sik afuy tagigang laman gyamag gina mayabi. Siginan ban takatanya, at fagmasuloun nanuklub furuan Erusalem.

Isayas 5:18

Ida! Afanyuan am, aroro kamuag am laman gfataglayun nu gasalanan am.

Isayas 63:10

Dewa katanya, kanya fagayu nafamabo ay nafabaluanan at Masine fag Falad. Nu katanya, Yawi andotama ay nafawayan anya fagayu.

Isayas 65:2

Gfanya au gugat ku ngay taw takamabo ay yud gfaning at masine fag ugali, ay at fagfaningun at sadili way fakaylatun.

Isayas 8:11

Yawi nafoli sa angku at daluap ay nafararang sa angku te, “Lag gfaning am iba at fakamulun.

Isayas 8:12

Ay tibaginan lag am gafanud dewa gibugan glong te, ‘Fagayu taw at maseganama ansadi wan sat mauri fag algan yud e nasaful.’ Ay lag am gtadtaruyan kalimu sat ngay fakalimuun fag ngay taw.

Isayas 8:19

“Tiba ginan ban e lumong ayu te, ‘Eti sik foyungan sa sangay tagfangufit ay sa sangay tagbalawvn gibugan, dewa katanya, lag gfakamulun takatanya. Nu bunway nu get am gubuk, fasai tua ay Dius. Ay wain ay fagsaun yay ngay kinbul ay fagnangintoan sabaliwa ngay tagleleg?’

Eremyas 17:5

Yawi nalong yay fia te, “Namaurianan kban ngay taw at kinyayu siginan angku ay tagsaways taw nu gafanud.

Eremyas 2:18

Nataw ay nabul gina am nanangakbang sas talun Igiptu ay sas Asirya? Wain ay fagnasauns Liskung Nilu ay Eufrates?

Eremyas 4:17

Kanya fagayu naligung furuan Erusalem kata ngay taw tagalaga tanuman, aroro kafag furuan nafamabo angku. Au, Yawi, taglong tuy.

Eremyas 42:19

“Am fag ngay taw Uda at kinsawad, Yawi glong sa ayu te, ‘Lag am glao sas talun Igiptu.’ Amatangi fia ku ngay famararang sa ayu katsi.

Eremyas 5:23

Dewa katanya, kanya fagayu kamaogatun ay kamabo, ay nalyam ay natalyuyan angku.

Esekyel 11:2

Yawi nalong sa angku te, “Taw at baguama, kanya fag duak safulu e limak taw tagfoyung ay tagfalu sanya fag furuan at ngay taw laman gfakamulun at mauri.

Esekyel 2:3

Kanya nalong te, “Taw at baguama, gsugu au emu sa sangay tagbanwan ay takamabo fag talun Israel. Siginan at ngay mangaguyang at buknga ay dasug katsi, kanya fagayu kamabo way gugat angku.

Esekyel 24:3

Sanya ginan, nanlong o sik faydayuanan sa sangay taw takamabo tagbanwan sis Israel te, ‘Fun Dius Yawi glong te, “ ‘Nantalin o mamam sas bisu,

Esekyel 29:16

Ngay taw Israel ban at fagsegun bunwa sa anya ya. At kinfasludan tagfamatang Israel sat asalanan nu nanget gubuk sas talun Igiptu. Ay ngay taw Israel ban sumaful te, au Yawi.’ ”

Esekyel 3:9

ay namakata au emu sik gang at matugas. Nu katanya, lag o kalimu, aroro kanya fagayu sik ngay takamabo.”

Usea 11:6

Ay at ngay fawayan ban kadasug sat ngay furuan, ay nanrasras ban at ngay famalabag sakbawan. Ay at ngay fawayan ban tagfatabu fagayu at ngay algan.

Usea 13:2

Ay katsi, am fag ngay taw Efraim, gfataglayun yayam gfakamulun takatanya fag asalanan. Kawat am ngay fagsegan siginan ay ngay salapi. Ay dewa katanya, takatanya fagayu taw way at nawat. Ay e glong sabaliwa ayu te, ‘Kanya fagayu gfon taw sat ngay fagsegan riangan baka ay gayuk anya.’

Usea 7:13

Kanya fagayu sik afanyuan fag ngay taw aroro anyayu siginan angku. Ay namamin kban anya fagayu aroro nafamabo angku. Kaylat koma ggubuk anya fagayu, dewa katanya, wa matuyan at ngay nalong sa angku.

Sakaryas 4:6

Kanya glong sa angku te, “Katatuy Yawi at longan am fagnanlongun sas Serubabel: ‘Serubabel, bunwa ban siginan am fagmabitsugun ay am fagmabalyananun nu gfawat o ku bale, nu bunway siginan tua ban ku Falad.’

Tap 32:14

“Ay am, sik ngay tagasalanan am, at naungbus ay ngay mangaguyang ay nafamut yayam Yawi at fandotaman sa sangay taw Israel.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.

Deuterunumyu 9:24

Siginan nu gtoglag au ayu kamabo wayam.

Deuterunumyu 9:7

Amatangani nu setain nu kauri am ay Dius Yawi gina am sis talun at yud e gbanwan. Siginan nu gduksun am fag menit siginans talun Igiptu dasug katsi, kamabo wayam gugat Yawi.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

Uswe 9:14

Ngay taw Israel nalingaman tiba kanya fag ngay taw at fetus, ay dewa katanya, wa nainsaful sas Yawi.