Isayas 3:9 - Fanawbuid tagsibaliwas Fakayabian

⁹ Ay katoglag sit ngay kamatan te, e ngay asalanan. Ay kanya fagayu wa kapla gfakamulun at mauri kata ngay taw Suduma nu yud gsuksuk at ngay fakamulun at mauri. Ida! Kanya fagayu afanyuan way lang! Kanya yay fag ngay taw at nafadasug faurianan sat sadili.

Isayas 3:9 ပူးပေါင်းရင်းမြစ်များ

Fakasigadan 13:13

Ay tagsis Suduma fag ngay taw maksvn nu gasalanan sas Yawi.

Fakasigadan 19:34

Balabag di, at faglon nalong sat arian te, “Sad yabi nanamataladan au ta mama. Ay katsi ro gdog yap ta namainum ta mama sik malangu laman ro galangu, ay o man ro at namataladan anya laman ban umke sisian ta siginan anya.”

Fakasigadan 4:5

Dewa katanya, Yawi wa naylat Kain ay anggan at fanggalangun. Nu katanya, Kain maksvn nu kadotama ay at kamatan mafaurian.

2 Fun 9:30

Gina Yeu nalao sas Esreel, Esebel nasaful ay nararus sat mata sik famasine, ay nafasine fia at buk ay gbanawan sis fagbanawanan.

Alubad. 10:4

Ay aroro kanya fagayu kamatungudun, wa kaylat nangakbang sas Yawi, ay wa gamatangan ya sa baliwas Dius.

Fangatulun 15:32

Sik taw nu dway gdungugan fangatulun gfauri way at sadili, dewa katanya, nu gdungugan tua, kafamut at fagsafulun.

Fangatulun 30:13

E ngay taw kamatungudun, ay kanya nu gamatangan sat sadili, gtungud tua at iba.

Fangatulun 8:36

Dewa katanya, nusnga sinu fag taw at yud nafaning ku ngay foyungan, gfaurianan way at sadili. Ay fagayu takauri angku, grvbvy way fakabulun.”

Isayas 1:10

Ay am fag ngay tagfangguna sis Suduma, dungugani fia Yawi at longan sa ayu, ay am fag ngay taw Gumura asafuli Dius at ngay faugali.

Isayas 3:16

Yawi nalong yay fia te, “Tagsis furuan Erusalem fag ngay mangena kamatungudun. Kaduge glao kamaseganinaun, ay nu gdama kamaylatan, ay nu glao kamasayaun, ay at famasine sit tiusan bitis kadkalingan.

Isayas 57:20

Dewa katanya, at mauri fag ngay taw wa manabayan. Kanya fagayu kata way sik lugwak tagfalimus ngay lifak ay ngay nagukasan sis tigyangan dagat.

Isayas 59:12

Aroro maksvn wan tam asalanan sis Dius at daga salubangan, ay kanya wan fag ngay asalanan fagsafulan te, gafaurianan tam. Anud! Saful oma tam te, gfakamulun way tam at mauri.

Eremyas 2:19

Nu katanya, namaurianan au ayu aroro sa ay fagmauriun ay sa ay natalyuyanan angku. Amatangani nu se aksvn nu mauri am ay nu se maidap ay natalyuyanan ay ay nafamaboan angku. Au ay Fun, Yawi at Mabalyanan taglong tuy.

Eremyas 3:3

Kanya wan at fagyudun ya karak dewa abagat. Dewa katanya, kamaogatun yayam ay amatanganan kata sik mangena takamatugtug at yud kapla ya.

Eremyas 6:15

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.”

Eremyas 8:12

O kanya fagayu kapla at ngay fakamulun at maksvn nu mauri? Duan! Kanya fagayu we apla ya! Nu katanya, glong au te, kanya fagayu umfaurianan yangay kata at ngay iba. Ay gina kban gfaurianan, kanya fagayu umkamin. Au, Yawi, taglong tuy.

Takabalu 5:16

Wami e fagmatuyanun ya, ay afanyuan way mi lang, aroro anke asalanan ami.

Esekyel 16:30

“ ‘Au, Fun Dius Yawi, glong au te, at kasakit nu gafaylatan o! Kata wayo tagfaebayad fag mangena yud gfangapla.

Esekyel 16:49

Am faduksay Suduma anke asalanan siginan nu kamatungudun. Kanya fag talnayan ngayu oma at fakonun ay doma e fagayudanun, dewa katanya, wa ggubuk at yud e kwa ay tagayudan.

Esekyel 23:16

Kanya maksvn nu galabian at nalag kafag ngay rarawan, nu katanya, kanya nasugu sik ngay tagfosuk longan laman nanlong sa kafag ngay tagfangguna sis Babilunya te, ‘Gewan.’

Daniel 7:20

Nainto kyangay fia sa anya te, ‘Nataw at masuad kanya fag safuluk sunge ay at sadi at sunge at natugbung ay at kin-gunut fag tuluk sunge.’ Kafag sunge e mata ay e bibig kamatungudun nu garingang, ay nu kadama amabalyanan yap kanya fag tuluk sunge.

Usea 13:9

Gfamin au ayu ngay taw Israel, aroro au wan at nafalangfe ayu, ay dewa katanya, gfawayan wayam angku.

Usea 5:5

Ay fakamatungudunun gfatuyan te, masine nu gafaurianan am. Ngay taw Israel, umfaurianan am, anggan am ngay taw Uda, aroro sa ay ngay asalanan.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.

1 Samwel 15:32

Sanya ginan Samwel nalong te, “Fastei Agag, ngay taw Amalek at fun.” Ay Agag guseganan nangakbang Samwel, ay gamatangan te, wa ro gfabul anya.