Isayas 3:8 - Fanawbuid tagsibaliwas Fakayabian

⁸ Matuyan, Uda ay furuan Erusalem umrasras wan, aroro ngay taw tagbanwan sanya nafamabo Yawi, siginan nu gfakamulun ay nu glong at mauri. Ay kanya fagayu dewa sis Yawi daga salubangan glong at mauri sa anya.

Isayas 3:8 ပူးပေါင်းရင်းမြစ်များ

2 Krunika 28:18

Ay anggan ngay taw Filistia nanamawayan yangay sas talun Uda fag ngay furuan, tagsi sangay buksul, ay tagsis Negeb. Ay kanya fagayu nagbilug ngay furuan Bet-Semes, Ayalun, Gederut, Suku, Timna, ay furuan Gimsu, ay anggan fagayu furuan at munakbang sanya, ay kanya fagayu nabanwan sanya.

2 Krunika 33:11

Nu katanya, Yawi naylat Asirya at ngay tagfawayan nu gfawayan anya fagayu. Ay kanya fag ngay tagfawayan nataban Manase ay nafae sanggit at dungus ay nasiuk anya salambitan ay nataban sas Babilunya.

Fangatulun 26:27

Sik taw takali sasad daga laman at fagnamatongan tibak taw, sia yay ban at nangatong sat alian. Ay nusnga sinu at nafadaging gang sia way at kumsikfit.

Isayas 1:7

Ay talun anrasras wan ay nirug wan ay ngay furuan. Ay tibak talun at ngay taw naago siginan ayu ay ngay gamasun, ay nalag wam fia kanya fagayu nu grasras. Nu katanya, kanya fagayu we fanambagun ya.

Isayas 49:19

Anrasras wo ay nafasik mabaluanan, dewa katanya, katsi tagbanwan si emu wa sak ya. Ay at narasras emu umyayu wan.

Isayas 57:4

Gfadangungu am laman gfalingun at matuyan fag ngay taw. Am wan fag kasugfunanan takamabo ay takamalingun.

Isayas 59:3

Gfabul am ngay taw, ay gfakamulun nusnga setaw fag ngay fagmauriun. Kamuag am ay glong at mauri.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 23:36

abat ngate, taglong te, ‘E longan au siginans Yawi.’ Aroro tibak taw glong takatanya laman at ngay iba gafanud anya, nu katanya, kanya fagayu gfayud way e masuad tagleleg fag Dius, Yawi at Mabalyanan, at longan.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 4:13

Damai! Tam ngay fawayan kadasug kata sik ngay linyabu. At ngay faguyudan fangawayan kata sik tagbaribungan fag tagmara, ay at ngay kabayu asakit yap bio. Afanyuan tam aroro katsi wan tam fakatabuan!

Eremyas 44:3

aroro sa sangay taw tagbanwan sanya at ngay asalanan. Kanya fagayu nafadotama angku siginan nu girug at ngay famaebebanglu ay nu gseg tibak fagsegan at fagyudun toglag ay anggan at ngay mangaguyang at fagyudun toglag.

Takabalu 1:9

Erusalem at fagmauriun andungug sas fagayu taw, ay kanya wa nasaful at fakadasugan. Maksvn nu malimu at kindasug sanya fag furuan ay we nagubuk ya anya. Nu katanya, kanya nalong te, “Yawi, damai ku fagidapun aroro ku ngay fawayan nababo wa angku.”

Esekyel 8:12

Ay Dius nalong angku te, “Taw at baguama, o nalag o kafag ngay tagfangguna at nafakamulun? Galay at sadi sit mesa fagsegan, ay glong te, Yawi wa glag antam ay natalyuyan wan tam talun Israel.”

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Usea 5:5

Ay fakamatungudunun gfatuyan te, masine nu gafaurianan am. Ngay taw Israel, umfaurianan am, anggan am ngay taw Uda, aroro sa ay ngay asalanan.

Usea 7:16

Kanya fagayu nananget oma gubuk sat yud e tungkul fag ngay fakakbangan. Kanya fagayu kata way sik yud e masuad fag godun. At ngay tagfangguna anbul sas awayan aroro wa matuyan at ngay longan. Nu katanya, ngay taw Igiptu ban namalingun anya fagayu.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Mikas 6:12

Ay am fag ngay taw at maramraman, madot am, ay kamuag.

Abakuk 1:13

Yawi, aroro di o e malong, wo kaylat fagmauriun ay fagidapun. Dewa katanya, wain am fakaylatun tagfandaya fag ngay taw Babilunya nu gfaidapan emi? Wain am fakaylatun anya fagayu nu namaurianan ngay taw at yud e asalanan?

1 Kurintu 10:22

O kaylat tam gfauri Dius? O nu gamatangan am amabalyanan yap tam anya?

Udas 1:15

laman kanya nanginsaful fagayu taw at asalanan, ay namaurianan fagayu taw at yud natoglag Dius, aroro takatanya fag ngay taw maksvn nu mauri ay nu glong at mauri sa anya.”