Isayas 3:26 - Fanawbuid tagsibaliwas Fakayabian

²⁶ Nu katanya, ngayu ban tagwayway ay takabalu sas sakbawan alad. Ay at furuan ban umkata sik mangena at malunggung way lang sis daga at kaksvnan nu kabalu, aroro fagayu at fagagbilugun namin wan.

Isayas 3:26 ပူးပေါင်းရင်းမြစ်များ

Ub 2:13

Ay kanya fag mangama tulu namalunggung sisad lutuk magamut at fagadgalangan Ub kaduge fituk menit ay fituk yabi. Kadugenya mangama tulu wa naringang aroro nalag te, Ub maksvn nu gidapan.

Ub 2:8

Ay Ub nabul sik nagrufan tikung at fanggarit at ngay bangbang kaduge malunggung sisad dafug.

Isayas 14:31

Am fag ngay taw Filistia, waywayi maksvn, aroro kadasug wan ay ngay fawayan kata sik anus siginans wala fag alvngvdan, ay tanan mabalyanan.

Isayas 29:2

Ay dewa katanya, namawayan kway ban kafag furuan, ay at ngay taw gwaywayan ban kabalu. Ay nu sa angku, kafag furuan umkata wa sik fagirugan tagatagukun.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 33:9

Afanyuan talun Israel. Anlangke wan Lebanun at ngay kayu, ay kapla wan. Datag Sarun kata way sik talun at yud e taw. Nafangatongan wan ngay kayu at don sas Basan ay sas Karmel.

Isayas 47:1

Yawi nalong te, “Babilunya, umlunggung ban o sasad lukbu, ay wa ban o e fagfagtainanan ya. Ebi kata oma o sik maylat fag baguina, ay katsi wo katanya ya.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 14:2

“Uda ay at ngay furuan kabalu. At ngay tagbanwan sis Erusalem malunggung sisad daga ay nawayway maksvn.

Eremyas 15:8

Namayu kban ay ngay fagbubayun kayu lagnas sis tigyangan dagat. Sis buknga menit ban namadasug au at namaurianan ay ngay baguama at ngay mina. Ay gfadasug kban masakit sa ayu fakabaluun ay at malimu.

Takabalu 1:1

Furuan Erusalem mabaluanan way lang, ebi dewa ngayu at taw. Ebi kanya oma takadungug fag furuan sas fagdaul daga, ay katsi kata way lang sik fagbubayun. Ebi kanya dewa kata sik fun at mangena, katsi kata way lang sik fagsuguan.

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 2:10

Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Takabalu 2:8

Yawi anke algan nanrasras furuan Erusalem at alad. Kanya nafalganan laman namakamulun takatanya. Ay nafataglayun at algan.

Esekyel 12:20

At ngay furuan ban umrasras wan, ay kanya ban fagayu kabalu maksvn ay sumaful te, au Yawi.’ ”

Esekyel 26:16

Ay fagayu ban talun tagsis tigyangan dagat at ngay fun glao siginan at mesa faglunggungan, ay gbul ban siginan at ngay bilug at fanfunan fag ngay lanbung, ay anggan at ngay lanbung tagtayuk fia at ngay bilug. Ay kanya ban fagayu malunggung sis daga ay gtadtaruyan ban kalimu aroro sat kindasug sa emu.

Mikas 1:9

Aroro Samarya ban nu maiklasan kata sik buyu yud kafafia, ay umfasludan yangay ban takatatuy sas Uda, anggan sa ku ngay kaiban at fagbanwanan tiba tungud fag furuan Erusalem.

Mateu 11:17

‘Dewami gfawang tulali laman gfauseganan ayu, wam gfalelegan ay bilug. Ay dewami galubad kata nu gwayway, wam gawaywayun.’

Lukas 19:44

Kanya ban fagayu namatong emu, gasfuan tagbanwan si emu. Ay wa ban e gang ya gtudtungudan, aroro wo nasaful te, Dius andasug sa emu.”