Isayas 3:24 - Fanawbuid tagsibaliwas Fakayabian

²⁴ Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Isayas 3:24 ပူးပေါင်းရင်းမြစ်များ

Ester 2:12

Sik mangena at nansalubang sas fun, masine kanya nu gfafasine yay at bilug kaduge sik banwa. Taguna fag unumk magdanun grarus sat bilug at mabebanglu fag langis, ay at fadogan fag unumk magdanun grarus tiba yak famaebebanglu ay tiba yak famasine.

Ub 16:15

Nasulun au saku ay namalunggung au sisad daga laman gfalag au te, kabalu au, ay si au sad dafug kata nu nababawan au.

Fangatulun 31:24

Kafag mangena kawat yangay lanbung ay ginawang at mawatan siginans masine fag ramit, ay namalao sa sangay taw tagfalao.

Fangatulun 7:17

ay naugwag au sanya famaebebanglu fag lune, ay sikya, ay tiba yak famaebebanglu.

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 15:3

Ay kaduge glao sa sangaba dalan, galanbungan saku, sik famasaful te, gubun at asalanan. Ay maksvn nu gwayway sit ngay tungud bale ay sis fagaweanan.

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Isayas 3:23

ay at ngay fagdamaan at kamatan, ay at ngay lanbung at mawatan siginan at masine fag ramit, ay at sangbo taganyang ay anggan at lanbung tangaba.

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Isayas 57:9

Ay nanamuba am langis ay famaebebanglu sa ay fagsegan Mulek. Ay nasugu am at nanrvbvy tibak fagsegan sa tangayayu fag talun, ay dewa sa sangay fagfolian nanrvbvy yayam.

Eremyas 4:8

Nu katanya, suluni ay ngay lanbung famatoglag te, kabalu am ay waywayi te, “Yawi kadotama yay gugat antam.”

Eremyas 48:37

Galay sik taw nafalag te, kabalu siginan nu gfalanu at alfuyu, nu gufo at ngay umi, ay nu gfilas at ngay take ay nu gsulun laman famasaful te, kabalu.

Eremyas 49:3

“Ngay taw Kesbun waywayi maksvn, aroro furuan Ai anrasras wan. Am fag ngay taw Raba, waywayi yangay ay suluni saku, ay foyfoliani sas tigyangan alad laman gfalag am te, kabalu am. Ay e namuba ban ay fagsegan Mulek, ay e nantaban at ngay tagfon fanggalangun ay at tagfangguna.

Eremyas 6:26

Ku ngay taw, suluni ay ngay lanbung ay dagingani sas wa dafug laman gfalag am te, kabalu am. Abalui maksvn kata ay ngenge tagsesadi nu nbul, aroro ay ngay fawayan masakit nu kadasug laman namawayan antam.

Takabalu 2:10

Ngay tagfangguna sis Erusalem maragangan malunggung sis daga, ay nafasat ngay alfuyu dafug, ay nasulun saku, laman gfalag te, kabalu. Ay at ngay baguina garungan aroro kapla.

Esekyel 27:31

Ay gina ban kanya fagayu kabalu, gufo wan at ngay buk ay at ngay umi ay nangalanbungan saku.

Esekyel 7:18

Ay kanya ban fagayu gsulun saku ay gufo at ngay buk laman gfalag te, maksvn nu kabalu. Ay tiba ban ktaw nu glag kafag ngay taw at kamatan, tanan way lang ngayu kabalu ay kalimu.

Uel 1:8

Waywayi maksvn kata sik baguina tagalanbungan saku laman gfalag te, kabalu at fainduganan, aroro anbul gina ganangadadwaun.

Lebitiku 26:16

Nu katanya, katatuy ban ku fakamulun sa ayu: Sat maksvn fag fakalimuun umlipsik am, aroro gfadasug kban sa ayu fakasaitun at yud ya kafia, ay sik ragnat tagfadulum ay mata ay tagfamomuy ay bilug. Gtanum ban am, dewa katanya, wa ban am e gutluan, aroro ay ngay fawayan ban namawayan ayu ay gbul fagayu ay gutluan.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Mikas 1:16

Ay e nangago ban siginan ayu ay fakesugun fia ay ngay sisian ay gtaban sa tibak furuan, nu katanya, at kaksvnan ban nu kabalu am, sak ban am gufo ay buk kata sik uling at alfuyu nu malanu.

Deuterunumyu 28:22

Yawi gfaurianan ayu siginan takamabul fag fakasaitun, ay ragnat ay yapvs, ay at masugba fag tagmara, ay tangaduge fag mangune, ay gfadasug yangay ban faurianan sa ay ngay tanum yakmay ban am anbul.

Deuterunumyu 32:24

Namae fanlunus kban sa anya fagayu, ay kanya ban fagayu kabul sas fanlunus ay sas fakasaitun. Ay namadasug kban sa anya fagayu takamabul fag ngay mangilafang ay ule, laman nangagat anya fagayu.

1 Pedru 3:3

Ay fagfasineun dangay lang takalag, kata nu gfasine am ay buk, ay nu gsulun am gintu fag ngay baklo, ay at masine fag ngay lanbung.

At Nafasure 11:3

Dewa katanya gsugu kban ku tagfatuyan fagdua tagalanbungan at mataras fag lanbung, ay kaduge ban sadik libu duak sandan unumk safuluk menit, kanya ban gfoyung Dius at longan.”

At Nafasure 16:9

Ay kafag ngay taw dewa nasugba, ya kaylat gubun at ngay fagmauriun. Ay wa yangay kaylat gfauseganan Dius, abat ngate, kanya fagayu gfalingun way Dius.

At Nafasure 18:9

“Ngay fun ste sfagdaul daga at kinsadi sa anya ay at nafaning at fakaylatun, kanya ban fagayu gwayway nu nalag nu kanus siginan at fagirugan anya fag afuy.