Isayas 3:23 - Fanawbuid tagsibaliwas Fakayabian

²³ ay at ngay fagdamaan at kamatan, ay at ngay lanbung at mawatan siginan at masine fag ramit, ay at sangbo taganyang ay anggan at lanbung tangaba.

Isayas 3:23 ပူးပေါင်းရင်းမြစ်များ

Fakasigadan 24:65

ay nainto sas Abrayam at fagsuguan te, “Sinu atsi fag taw taglao sis tanuman takakbang sa antam?” Ay kafag fagsuguan nabalus te, “Kanya ku tagfayafun at baguama.” Ay Rebeka natabun at mata sik ramit.

Fakasigadan 41:42

Ay Igiptu at fun nabul wa vtv siginan at sumyu at fanriruk fag fanumyu ay nafasulun sas Use at sumyu, ay nafaelanbung anya sik lanbung at mawatan siginan at masine fag ramit, ay nafadalagan anya sik dalag at mawatan siginans gintu,

1 Krunika 15:27

Nu katanya, Dabid ay tagbuba Fagsuadan Yawi at Nasadian fag ngay taw Lebi, ay ngay tagsaful galubad, ay anggan Kenanya fag tagfangguna alubad nasulun sik ngay lanbung at fangawat at masine fag ramit. Ay Dabid nasulun yangay at mafilian fag lanbung at fangawat at masine fag ramit, kata tagfon fanggalangun at lanbung.

Nu Galin 38:8

Besalel nawat yangay tagbia fag fagsuadan fagfegusan ay anggan at ngay fagfatungkudan at fangawat tansu. Ngay mangena tagfakamulun sis Yawi at sakbawan bale nafon tua at ngay salaming laman fangawat kafag ngay fagagbilugun.

Sulumun at Alubad 5:7

Nu katanya, nalao au sas fagdaul furuan, ay ngay tagalaga furuan nalag ay nafalang angku. Ay anke ngay nabalungan au. Ay kanya fagayu naago wan siginan angku ku lanbung.

Isayas 3:22

ay at ngay lanbung at mabyat nu kabayad, ay at fansifig at ngay bilug fag ramit, ay at ngay fagulabeanun fag ngay ramit, ay at ngay fagsuadan salapi,

Isayas 3:24

Nu katanya, abat ngate kanya fag ngay mangena mabebanglu, basung way. Ay abat ngate at famutus fagwan sik ramit, sik lubid way, ay abat ngate at buk masine, malanu way, ay abat ngate at lanbung masine, saku way, ay abat ngate at kamatan masine, kapla way.

Isayas 47:2

Katsi sik fagsuguan way o lang; buli sik lusung ay alu ay lubuki fare. Buli wan sim alfuyu fag ramit, ay kaduge o gdife liskung, fabati am lanbung laman umsure am balangbang.

Esekyel 16:10

Sanya ginan, nafaelanbung au emu at masine fag ramit tagridrirukun masine at mabyat nu kabayad, ay nafasulun au sa emu sik fansifig darafa.

Sakaryas 3:5

Ay nalong kyangay sa tibak tagbarita te, “Fasuluni yangay sa anya sik fansifig alfuyu at masine.” Nu katanya, kanya fagayu nafasulun sas Uswe sik masine fag lanbung ay sik fansifig alfuyu at masine, kaduge Yawi at tagbarita malindug ay gdama anya.

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

At Nafasure 19:14

Ay at ngay tagfawayan tagsis banwa galo anya, gsakay sa sik malaksi fag ngay kabayu, ay galanbungan at masine fag lanbung, at masulo ay at mabakbakan.

At Nafasure 19:8

Ay nafasulun wan sa anya at masine fag lanbung, at masulo ay at mabakbakan.” (At masine fag lanbung at masuad, Dius at ngay taw at ngay fakamulun at masine.)

Rut 3:15

Ay Buas nalong sas Rut te, “Rafadi am fangumutan fag lanbung,” ay nu narafad wan, Buas nasuad unumk fabudbungguan barli, ay nafafasanan wan sas Rut ay noli wan.