Isayas 3:16 - Fanawbuid tagsibaliwas Fakayabian

¹⁶ Yawi nalong yay fia te, “Tagsis furuan Erusalem fag ngay mangena kamatungudun. Kaduge glao kamaseganinaun, ay nu gdama kamaylatan, ay nu glao kamasayaun, ay at famasine sit tiusan bitis kadkalingan.

Isayas 3:16 ပူးပေါင်းရင်းမြစ်များ

Fangatulun 16:18

Sik taw takamatungudun, at fakadasugan sa ways faurianan, ay takadasug sa anya, fagidapun way.

Fangatulun 21:4

Fakamatungudunun ay fakamaboun, asalanan way. Katanya at mauri fag ngay taw at ngay amatanganan.

Fangatulun 30:13

E ngay taw kamatungudun, ay kanya nu gamatangan sat sadili, gtungud tua at iba.

Sulumun at Alubad 3:11

Erusalem at ngay baguina, duksuni! Damai fun Sulumun nu gasangboan. At mina at nafasangboan anya laman at fon, gina kanya kadadwa ay guseganan maksvn.

Isayas 1:8

Ay furuan Erusalem kata way lang sik bale famoy swabilug tanuman wat ubas, ay kata yangay sik bale fagulitan swabilug tanuman unduy ay kata sik furuan at maligungan at ngay fawayan.

Isayas 24:4

Daga ban umgong ay umtugas. Ay fagdaul daga umkalyam ban, anggan at ngay takadungug ay at mabalyanan fag ngay taw.

Isayas 3:1

Fun Dius, Yawi at Mabalyanan, namalyam ban ngay taw Erusalem ay ngay taw Uda at ngay fagsegun: at fakonun ay at fanginum,

Isayas 3:17

Nu katanya, namae buyu au at alfuyu, ay kanya ban fagayu umlanu.”

Isayas 3:18

Ginanya ban fag buknga, tam Fun Dius gbul wan kanya fag ngay mangena at ngay famutus buk, ay at ngay dalag, ay at ngay bauyung tagsit ngay tiusan bitis,

Isayas 3:4

Ay Yawi ban nanfili sik ngay sisian laman at namangguna anya fagayu.

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Sefanias 3:11

Ay ginanya ban fag menit, am fag ngay taw Erusalem di ban am gafaplan ya siginan ay ngay nafakamulun at mauri sa angku, aroro gaiyan kban siginan ayu ngay takamatungudun ay takamuag. Nu katanya, di ban e kamatungudun ya sa ku nafili fag buksul at yud e malong.

Mateu 21:5

“Longi sas furuan Erusalem at ngay taw te, ‘Damai, ay Fun kadasug wan sa ayu. Kanya kamababaun tua, ay gsakay si sik asnu, ay kafag asnu sik riangan yay.’ ”

Lukas 23:28

Ay Isus anbiling ay nalong sa sangay mangena te, “Furuan Erusalem at ngay mangena, lag gwayway, dewa am kabalu angku. Ay fagwaywayun, sa yakman ay sadili ay sa ay ngay sisian.