Isayas 3:14 - Fanawbuid tagsibaliwas Fakayabian

¹⁴ Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Isayas 3:14 ပူးပေါင်းရင်းမြစ်များ

Ub 22:4

Dius gsalag ay gfauri emu, bunwa am fagfaningun anya,

Ub 24:14

Takamabul fag taw, mayabas nu kafulo, ay namabul tagidapan ay tagayudan fag ngay taw, ay nu nyabi wan, kanya nanfangkamul.

Ub 24:9

At mauri fag taw gago ngay fagbubayun at ngay sisian, ay gago ngay tagidapan fag ngay mangena at ngay sisian laman famangsi at ngay bedan.

Ub 34:23

Dius wa guro ya taw laman nansalubang ay namatuyan sabaliwa anya.

Alubad. 10:9

Ay kata sik liun, gsuksuan ay gfanya at fagnangagatun, laman gyukfu at mamomuy, ay nu nayukfu, gguyudan wan.

Alubad. 14:4

Seduge yaban at mauri fag ngay taw nu katogdungug? Kanya fagayu gfaylatan ku fagfanggunaun fag ngay taw laman mafabul kata at naylatan. Ay kanya fagayu wa gdarangin sas Yawi.

Alubad. 143:2

Lag yap ginsaful angku am fagsuguan, aroro we taw matuyan sam daga salubangan.

Fangatulun 30:14

Tibak taw wa kamon ay madot, ay gfaurianan wan dewa at yud e kwa fag ngay taw.

Isayas 10:1

Ida, afanyuan am! Am takawat at yud matuyan fag ngay faugali. Aroro wa matuyan nu gfawabilugan am sa ku ngay taw at yud e kwa ay tagidapan. Ay gbul am anggan ngay fagbubayun ay ngay yud e fagtainan ya at ngay fagagbilugun.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 14:30

Ay namafangon au fia ku ngay taw tagafalingunan ay namabanwan manabayan. Ay namabul au am ngay kasugfunanan at kinsawad siginans lunus.

Isayas 26:6

Ay at yud e kwa ebi ay tagafalingunan nansiad wan.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Isayas 30:12

Nu katanya, Israel at Dius at yud e Malong nalong te, “Aroro nasaruyan wayam ku foyungan ayu ay nafanud wam sas famalingun ay fandaya,

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Isayas 58:4

Doma am gfangon ya laman gdarangin, dewa katanya, gawayan way am, ay garingangan, ay gfadfalangan. Lag am gseg te, gdungug kro ayu dewa am yud gfangon laman gdarangin.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 5:27

Kanya fag ngay taw at bale mapnu at nafangkamul fag ngay ramraman, kata sik fagubungan manuk tungud at yud e fakasakan ya. Nu katanya, kanya fagayu ansik ngay maramraman, ay ansik ngay mabalyanan.

Esekyel 18:12

Ay gfaidapan at yud e kwa, ay gfangkamul, ay wa gfafoli ya at naulbus sa anya at ngay famanya fag ngay famayad, ay kanya gseg tibak fagsegan, ay gfakamulun at mauri,

Esekyel 20:35

ay nantaban kban ayu sat yud e taw fag ngay talun, ay namaurianan kban ayu sanya.

Esekyel 20:36

Nu nafaurianan kway ay ngay mangaguyang sis talun at yud e taw sis Igiptu, namaurianan kyangay ban ayu. Au, Fun Dius Yawi, taglong tuy.

Lebitiku 25:14

Nu katanya, nu namalao wayam ay daga ay mannga namayad ay kaiban at daga, lag am kamalingun.

Lebitiku 25:17

Lag gdaya ay iba, abat ngate, alimui tua angku, aroro au wan ay Dius Yawi.

Amus 2:7

Kanya fagayu gfaidapan ay wa ggubuk at yud e kwa, ay sanya sik talame nafataladan sik mangena. Nu katanya, nafauri angku.

Amus 4:1

Am fag ngay mangena takadungug sis Samarya, kata am sik ngay baka mataglu sis Basan. Ay fakamulun, gfaidapan am ay gfalingun ngay taw at yud e kwa, ay gsugu am ay ngay mangama te, “Namul am fanlangu ay nanginum watam.” Nu katanya, dungugani

Mikas 2:1

Ida am, tagintiugunan gugat gamatangan sat mauri. Ay balabag di gfafasludan am kata ay algan aroro e fagmabalyananun am gfakamulun takatanya.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Mikas 6:10

Am fag ngay taw, mauri wayam! Kwa ban kalyam ay nafaful fag ngay ramraman siginan ay balyawvtan at mauri. Nu gtas am wa kasakan. Kauri kway takatanya fag fakamulun.

Mateu 21:33

Isus nalong yangay fia te, “Dungugani sadi ya ku faydayuanan. Sik tagagbilug daga natanum sik ngay wat ubas sit daga ay naalad at tanuman, ay nawat yangay sik fagturisan ubas at rawvg, ay nawat sik bale ngabat laman fagulitan at tanuman. Ay kanya nafaalaga at tanuman sa sik ngay tagalaga ay nalo sa tangayayu fag talun.

Santiagu 2:6

Dewa katanya, gfaidapan am at yud e kwa. O nunda bunwa at maramraman tagfaidapan ay tagtaban ayu sas tagwabilug at daga salubangan?