Isayas 3:11 - Fanawbuid tagsibaliwas Fakayabian

¹¹ Dewa katanya, longi sat mauri fag ngay taw te, “Ida! Afanyuan wayam, aroro umdasug ban sa ayu faurianan. Namasud sa ayu kata ay nafakamulun sa ay iba.”

Isayas 3:11 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

2 Samwel 3:39

Ay katsi dewa au wan at fun, gababawan kway Uab ay Abisay, Seruya at baguama fagdua. Kanya abitsug yap angku. Nu katanya, Yawi ban tagfasud duksay at nafakamulun mauri.”

1 Fun 21:21

Yawi glong te, ‘Namadasug au faurianan sa emu. Namamin au fagayu am kalongan mangama, dewa sik fagsuguan ay yud fagsuguan.

2 Krunika 6:23

dungugani anya sanya sis banwa ay insafuli am ngay fagsuguan. Faurianani at ke ngay asalanan ay tuyani at yud e asalanan te, di e malong, laman fagayu taw sumaful te, di e asalanan.

Ub 10:15

Anke asalanan kman ay kdi e asalanan, afanyuan kway gugat, ay grungan au kapla, ay maksvn nu gidapan au.

Alubad. 28:4

Fakamuluni sa anya fagayu kata at ngay nafakamulun. Faurianani anya fagayu kaksvn at nafakamulun fag ngay fagmauriun.

Alubad. 62:12

Ku Fun, mafangesug tuo. Matuyan wan, gfon o sa sangay taw famangsi sat ngay nafakamulun.

Fangatulun 1:31

Nu katanya, umdasug ban sa ayu fagidapun, aroro mauri way ay fakamulun anggan ay ngay algan.

Fangatulun 11:31

At matuyan fag ngay taw at ngay fakamulun ste swa daga gbangsi ban fagmasineun, dewa katanya, sabans taw mauri ay tagasalanan, matuyan gafaurianan way.

Fangatulun 12:14

Galay ban sik taw mul famonun kata at nalong, kata nu e fanambagun siginan at nafakamulun.

Fangatulun 26:27

Sik taw takali sasad daga laman at fagnamatongan tibak taw, sia yay ban at nangatong sat alian. Ay nusnga sinu at nafadaging gang sia way at kumsikfit.

Takamoyung 8:13

Sik taw at mauri at yud kalimu Dius wa ngaduge nu gleleg. Kata way sik aninu at masakit kalyam.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 48:22

Dewa katanya, Yawi glong te, “At mauri ban fag taw we fagmanabayanun.”

Isayas 65:20

Ay sanya ban fag furuan at bagu kasalug ay at ngay sisian we kabul. Ay nusnga sinu ban at kinbul at banwa gina sadik sandan, kanya katap te, mabaguama yay, ay nusnga sinu at kinbul at yud nadasug sadik sandank banwa, tuyani anya te, ku nafaurianan.

Isayas 65:6

Yawi nalong yay fia te, “Dungugani! Nariruk wan ngay faurianan sa ku ngay taw. Kwa masine maragangan lang; namasud au anya fagayu nu se aksvn at ngay asalanan, ay at ngay mangaguyang at ngay asalanan. Aroro kanya fagayu nairug at ngay lune at mabebanglu ay nafadotama angku si sangay fungsu ay sa sangay buksul. Nu katanya, namasud au anya fagayu nu se aksvn at ngay nafakamulun.”

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 31:30

“Dewa katanya, siginan ban katsi, nusnga sinu at naon at mayat fag wat ubas at rawvg, kanya way takayat. Ay nusnga sinu at nasalan, kanya way takabul.”

Esekyel 16:59

“ ‘Fun Dius Yawi glong te, gfaurianan kban emu aroro nafaeyud o e masuad am fatuyanan siginan nu yud o gfaning ta nasadian.

Esekyel 18:20

At ke asalanan way fag taw takabul. Wa masine gfaurianan at baguama aroro sat mama at asalanan, ay wa yangay masine gfaurianan at mama aroro sat baguama at asalanan. E fon tua ban sat matuyan fag taw, dewa katanya, gfaurianan way ban at mauri fag taw.

Esekyel 2:10

Kanya narafad si ku salubangan, ay dewa sit bilingan e rirukan wan. At marirukan sanya ngay fagidapun way lang ay fakabaluun.

Esekyel 24:14

Au, Yawi, glong au te, andasug wan at buknga nu namaurianan au emu ay we mafafaragang ya angku. Kwa nangafanyu ya emu ay kwa gfabadbalian ya ku algan. Kata am ugali ay am ngay nafakamulun, namaurianan au emu. Au, Fun Dius Yawi, taglong tuy.’ ”

Esekyel 33:8

Nu nalong au te, sik taw at mauri umbul aroro sat ngay asalanan, ay nu dway o nafasaful sa anya, o at ke malong sat nabulanan.

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Mikas 7:13

Fagayu ban talun sas fagdaul daga umsik mabaluanan aroro sa sangay taw at fagmauriun.”

Tap 32:23

“Dewa katanya, nu dway am nafakamulun takatanya, e asalanan am sas Yawi, ay atuyani te, umsaful yay ban ay ngay asalanan.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

Tagfangguna 9:57

Dius nafasud yangay ngay taw Sekem sat fagmauriun. Nu katanya, anfasludan Utam, Gidyun at baguama at nalong sa baliwa kafag ngay taw.