Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”
We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”
Yawi nalong sa angku te, “At matuyan, fagayu ban taw kaylat emu. Ay gina ban am ngay fawayan e fagidapun ay e fakabaluun namainfanyuan sa emu te, darangini anya fagayu.
Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”
O nu glong ro wo sik mabalyanan wo fag fun nu nafawat wo am bale at mawatan siginans sidru? Wain am fagyudun gfaning am mama? Kanya at ngay nafakamulun matuyan tua ay masine, nu katanya, am mama nu nabanwan manabayan tua ay di e fagayudanun.
nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’
At ke asalanan way fag taw takabul. Wa masine gfaurianan at baguama aroro sat mama at asalanan, ay wa yangay masine gfaurianan at mama aroro sat baguama at asalanan. E fon tua ban sat matuyan fag taw, dewa katanya, gfaurianan way ban at mauri fag taw.
ay nalong sa anya te, “Sa o swabilug furuan Erusalem ay rvbvyi ngay taw takabalu sat nafakamulun at maksvn nu mauri sit furuan. Ay nanriruk o sanya fag ngay taw at dangasan laman sit famatoglag.”
Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.
Lag am kon taguk laman ban manabayan tua nu gbanwan am anggan ay ngay kasugfunanan. Aroro nu ddi ban am naon taguk, masine tua ban am gugat sis Yawi at daga salubangan.
Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.