Isayas 3:1 - Fanawbuid tagsibaliwas Fakayabian

¹ Fun Dius, Yawi at Mabalyanan, namalyam ban ngay taw Erusalem ay ngay taw Uda at ngay fagsegun: at fakonun ay at fanginum,

Isayas 3:1 ပူးပေါင်းရင်းမြစ်များ

2 Fun 25:3

Ay sis fasiamk menit sis faufatk magdanun ginanya yangay fag banwa, anke fanlunus maksvn sis Erusalem, ay ngay taw tagbanwan sanya we fakonun ya.

Alubad. 105:16

Dius nafadasug sik maksvn fag fanlunus sas talun Kanaan, ay we kaon ya.

Isayas 1:24

Nu katanya, em Fun, Yawi at Mabalyanan, Israel at Dius glong te, “Dungugani! Namadasug kban ku dotama ay namasud ku ngay fawayan siginan sik maksvn fag faurianan.

Isayas 2:22

Lag am gafanud ya sa sangay taw, aroro kanya fagayu kabul way kata engasan nu masakit kalyam. Ay wain se mafanud tua nunda sa ayu kanya fag ngay taw?

Isayas 3:16

Yawi nalong yay fia te, “Tagsis furuan Erusalem fag ngay mangena kamatungudun. Kaduge glao kamaseganinaun, ay nu gdama kamaylatan, ay nu glao kamasayaun, ay at famasine sit tiusan bitis kadkalingan.

Isayas 36:12

Dewa katanya, kanya fag fun tagfawayan nabalus te, “O nunda sa way lang ay fun ay sa ayu ku tagfayafun at fagnasuguun angku ste laman gfadungug ayu tuy? Bundi, anggan tua sas fagayu taw tagbanwan iste sis furuan Erusalem. Fagayu ban am umlunus wam ay umdanum nu gfawayan wami ayu. Ay nu katanya, ay fakonun ban ay kek mandi ay ay fanginum ay tifus.”

Isayas 5:13

Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Isayas 51:22

Katatuy ay Fun Yawi at longan: “Dungugani! Nafalyam kwan nu kadotama au ayu, takata sik fanlangu at nafaranug ayu. Kwa ban gdog ya gfainum ayu.

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Eremyas 37:21

Nu katanya, fun Sedekya nasugu te, “Tabani Eremyas sas tagulit at bale at fagmafulan,” ay nasugu yangay te, “Kaduge e tinapay sis furuan, bubai ay foni sas Eremyas.” Nu katanya, Eremyas gbanwan yay gugat si sangay tagulit at fagmafulan fag bale.

Eremyas 38:9

“Mesug fag fun, ngay taw nafakamulun at mauri sas Eremyas. Kanya fagayu nafatong anya sa sik bubun, ay matuyan kanya ban umbul wan sas lunus, aroro gakaminun wan tinapay sas fagdaul furuan.”

Eremyas 52:3

Nu katanya, Yawi andotama, ay naiyan ngay taw Erusalem ay taw Uda siginan at daga salubangan. Ay Sedekya nafamabo talun Babilunya at fun.

Eremyas 52:6

Ay sis fasiamk menit sis faufatk magdanun ginanya yangay fag banwa, anke fanlunus maksvn sis furuan Erusalem ay ngay taw tagbanwan sanya we fakonun ya.

Takabalu 5:4

Gbayad way mi em fanginum ay em ngay famaygang.

Esekyel 14:13

“Taw at baguama, sik furuan nu nke asalanan siginan nu gtalyuyan angku, gfaurianan kban kafag talun, ay kafag ngay taw ban we fagnamulan ya at fakonun. Namadasug kban fanlunus sa kafag ngay taw ay anggan sat ngay fagbaugun, laman ban kanya fagayu anggan at ngay fagbaugun kabul wan.

Lebitiku 26:26

Wa ban kasakan ya ay fakonun, nu katanya, sadi wayk fagdafugan safuluk mangena at fagfatamaan tinapay, ay kafag tinapay nangafudan yayam. Gfangon oma ban am dewa katanya wam kapsug.

Amus 4:6

Au wan at nafadasug sa ayu fanlunus sas nusnga nday fag furuan, dewa katanya, yam kafoli sa angku. Au, Yawi, taglong tuy.

Mikas 4:9

Am fag ngay taw tagbanwan sis furuan Siun, wain ay fagidapanun kata sik mangena nu gafasalugun? Ay sanya yay oma ay ngay fun, ay ay ngay tagfalu longan. Katsi, gidapan am maksvn kata sik mangena nu gafasalugun, ay wa ban glugo ya gubun wam ay furuan ay namanwan ban am sasad araw. Sanya ginan ban, gatabanan am sas talun Babilunya. Dewa katanya, namalangfe kban ayu siginan ay ngay fawayan.