Isayas 28:9 - Fanawbuid tagsibaliwas Fakayabian

⁹ Kafag ngay taw kamayud ay glong te, “Nataw manga Dius at amatanganan sabaliwa antam? O nunda kata yay tam sik ngenge sirut at bagu katabu gsusu? Wain fakatanyaun at foyungan sabaliwa antam?

Isayas 28:9 ပူးပေါင်းရင်းမြစ်များ

Alubad. 131:2

Nu katanya, manabayan kwan ay masun, kata sik ngenge at yud gsusu ya ay at nangasalili yay gugat sat mina.

Alubad. 50:17

Nafae yud am e masuad ku ngay foyungan, ay wam nafaning ku ngay longan.

Fangatulun 1:29

Aroro wam kaylat gfayfoyung, ay wam gsuyu Yawi.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 28:26

Aroro Dius nafoyung tua anya, nasaful wan at fakamulun ro.

Isayas 30:20

Tam Fun Dius kata nu nafainum ayu ay nafaon sik ngay faurianan ay fagidapun. Kanya dewa nafakamulun takatanya sa ayu, kanya wan ay takamoyung ay di sumuksuan ayu. Lumag wam fia anya,

Isayas 48:17

Yawi ay Tagfalangfe, Israel at Dius at yud e Malong glong te, “Au, ay Dius Yawi at nafoyung ayu te, tain at masine sa ayu, ay au tagtaban ayu sat matuyan fag dalan.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Isayas 53:1

Sinu at nafanud em foyungan? Ay dada Yawi at fagfasurean at fagmabalyananun?

Isayas 54:13

Namoyung kban sa am ngay taw laman gbanwan tua manabayan.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 6:10

Ay nainto au sas Yawi te, “Sinu ro ku fagnamararangan? Ay sinu yaro takaylat gdungugan angku? Ay kanya fag ngay taw nataup wan at ngay talinga laman wa gdungug angku. Ay kanya fagayu maksvn nu kauri am longan, ay wa kaylat gdungugan.

Mateu 11:25

Ay ginanya, Isus glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw.

Markus 10:15

Matuyan nu glong au ayu te, nusnga sinu at yud kaylat Dius nu gfagtainan anya kata sik sisian sirut nu kaylat, kanya ban wa manangatap sat fagfagtainanan.”

Uan 12:38

Nu katanya, anfasludan Dius at taglong Isayas at longan te, “Ku Fun, sinu at nafanud sa em foyungan, ay dada tam Fun nu gfasure at fagmabalyananun?”

Uan 3:19

Ngay taw at faginfauriananun aroro fagmayamagun dewa andasug ste swa daga, kesug way fagmadulumun abat ngate sas fagmayamagun aroro at ngay fakamulun mauri way.

1 Pedru 2:2

Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.