Isayas 28:3 - Fanawbuid tagsibaliwas Fakayabian

³ Kanya ban nansiad Samarya, kafag sangbo barugwak, ngay tagalangu fag ngay taw Israel at fakamanagsagun.

Isayas 28:3 ပူးပေါင်းရင်းမြစ်များ

2 Fun 9:33

Yeu nalong sanya fagayu te, “Fatongi anya!” Ay kanya fagayu nafatong Esebel. Ay ngay kabayu nasiad anya, ay at taguk naramsig sas alad ay sa sangay kabayu.

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 26:6

Ay at yud e kwa ebi ay tagafalingunan nansiad wan.

Isayas 28:1

Afanyuan Samarya; kanya kata sik sangbo barugwak, tagalangu fag ngay taw Israel at fakamanagsagun. Furuan Samarya sisad datag, sit masine fag daga, dewa katanya, at kasinean kalyam way ban kata sik barugwak takalangke.

Isayas 28:18

Dewa katanya, wa ban e tungkul ay nasadian sas fakabulun ay ay nasadian yangay sa sangay kinbul at talun. Aroro gafaurianan ban am gina ngay faurianan andasug kata sik lugwak.

Isayas 5:11

Ida, afanyuan am! Am takafulo masurip laman nanginum fanlangu, ay am tagfasigad ginum siginans fafun sitsigons buknga yabi laman galangu am.

Isayas 63:3

Yawi nabalus te, “Aroro andotama au maksvn naturis kwan ngay talun at taw kata sik rawvg ubas. Sesadi kway at naturis. Nu katanya, ku lanbung natagukun.

Isayas 9:9

Fagayu taw Israel ay anggan tagbanwan sis furuan Samarya sumaful te, Dius nalong takatanya. Dewa katanya, aroro sat fakamatungudunun, kanya fagayu glong way te,

Takabalu 1:15

Fun Dius naiyan ku ngay tagfawayan siginan ku daga salubangan. Ay kanya nafaful ku ngay fawayan laman namabul ku ngay tagfawayan at mabaguama. Fun Dius nafamin ngay taw Uda kata nu gturis ubas at rawvg sis fagturisan.

Daniel 8:13

Ay nadungug au duak tagbarita nu gkamatoan. At sadi nainto te, “Seduge ban nu yud gfon ya fanggalangun kayu menit, ay nu gfauri Yawi at bale, ay nu grasras tagsis banwa fag ngay awatan, kata kafag taginfan?”

Ebreu 10:29

Kaugat wa ban nu gafaurianan sik taw nu nafauri way Dius at Baguama, ay at yud gfae tungkul at taguk at nafasine tam nasadian sas Dius, ay at nafalyam kafag taw at ngay asalanan, ay taglong at mauri sat Masine fag Falad tagfadasug Dius at fagmagalangun.

At Nafasure 11:2

Ay lag o namasud ya sas Dius at ligung bale, aroro sanya nafon wan sa sangay taw at yud natoglag Dius. Ay kanya ban fag ngay taw nangiklas furuan Erusalem, kaduge ufatk safulu e duak magdanun.