Isayas 27:9 - Fanawbuid tagsibaliwas Fakayabian

⁹ Kanya ban fag ngay taw nu narasras tua at nawat at fagirugan fag ngay gang, ay nu narufa wan anggan andudug ay gfuan at ngay fagirugan famaebebanglu ay ngay turuk fagtoglagan Asera fag fagsegan, gfalyam kwan at ngay asalanan.

Isayas 27:9 ပူးပေါင်းရင်းမြစ်များ

2 Fun 10:26

Ay kanya fagayu nabul sanya ginan famamatang fag gang ay nabuba sas day bale fagnansegan ay nairug,

2 Fun 23:14

Usyas nasugu laman grufa ngay famamatang fag gang ay gfuan ngay turuk fagtoglagan Asera fag fagsegan. Sanya ginan, kanya nafasuya sanya fag daga siginan nu gfarapyag ngay taw at bini.

2 Fun 25:9

Ay kanya nairug Yawi at bale, ay fun at bale, ay fagayu bale tagsis Erusalem, ay anggan at mafanud fag ngay taw at ngay bale.

2 Krunika 14:5

Ay kanya nafaiklas ngay fagnansegan si tangabat fag ngay buknga, ay nafaiklas yangay fagnangirugan famaebebanglu fag lune sas fagayu furuan sis Uda. Nu katanya, talun Uda manabayan kaduge Asa gfunan.

2 Krunika 34:4

Ay kanya nafaiklas yangay ngay fagirugan fanggalangun laman sas Baal fag fagsegan, ay anggan fagirugan famaebebanglu tagsanya fag fagirugan fanggalangun. Ay kanya nafarufa ngay turuk fagtoglagan Asera fag fagsegan, ay anggan tiba yak fagsegan ay ngay tawtawan, ay nafarapyagan sas fagfolian ngay taw tagseg kafag ngay fagsegan.

2 Krunika 36:19

Ay kanya fagayu nairug wan Dius at bale, ay narufa wan Erusalem at ngay alad. Ay nairug yangay anggan at mogat fag ngay afud furuan Erusalem, ay naiklas wan at mafanud fag ngay fagagbilugun.

Alubad. 119:67

Gina o yud yay nafaurianan angku, anyayu au emu, dewa katanya, katsi gfaning ktua am longan.

Alubad. 119:71

Masine at kindasug sa angku fag fagidapun, aroro siginan takatanya, nasaful ktua am ngay foyungan.

Nu Galin 34:13

Abat ngate, nanrasras yakman am at ngay fagirugan ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan.

Fangatulun 20:30

Ngay fagidapun gfasine antam laman matuyan tua tam.

Isayas 1:29

Am fag ngay taw sis Erusalem, maksvn ban nung am kapla, aroro naseg wayam ngay fun kayu daul, ay fagsegun te, umke fagmanabayanun am, ay gina am gseg ay ngay tanum ay nafangayan te, yud e malong.

Isayas 17:8

Ay gubun ban at nawat fag ngay fagirugan. Ay gubun yangay ban ngay turuk fagtoglagan Asera fag fagsegan, ay anggan at fagirugan famaebebanglu at ngay nawat ebi ataw.

Isayas 30:22

Amatangani te, mauri way ay nawat fag ngay fagsegan at fangawat sanbung salapi ay gintu. Ukasi wan kata sik fangarus fangigusan fag ramit ay longi te, “Deyud ya kanya!”

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Isayas 40:2

Malukmei tua nu garingang am sa sangay taw Erusalem. Foyungi anya te, antabu wan at fagidapun, ay nafalyam kwan at ngay asalanan. Nafaurianan au anya fagayu maksvn aroro sat ngay asalanan.”

Isayas 48:10

Nu gfasine au ayu, di kata nu gfasine sik salapi, aroro nu gfasine au ayu siginan tua nu gfaidapan au ayu.

Esekyel 11:18

Ay nu nfoli ban am sanya, falyami wan tagsanya fag ngay fagsegan at maksvn nu mauri.

Esekyel 20:38

Gfasaman kban siginan ayu ngay taw takamabo angku. Dewa kban nafaduksun takatanya fag ngay taw siginan at fagatabananan fag ngay talun, wa ban masakbo sas Israel at talun. Ay sumaful ban am te, au Yawi.’ ”

Esekyel 6:4

Nanrufa kyangay ban ay ngay fagirugan, ay anggan ngay fagirugan at mabebanglu fag lune ay gfabul kban ngay taw si sangay fagsegan at daga salubangan.

Daniel 11:35

Tiba bank taw tagsaful at matuyan gafaurianan laman ban umsik matuyan ay umsine at leleg anggan ban andasug at fakatabuan, Dius at nafalganan fag buknga.

Usea 14:8

Ngay taw Israel, ayayui wan siginans ngay fagsegan. Ay gbalus kban ay ngay darangin, ay kafanyu kyangay ayu. Ay gufud kban ayu, kata sik fun dingin nu glanbung ayu. Au yangay tagfayu ayu.”

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Mikas 5:11

Ay namaiklas kban ay ngay furuan daul anggan ay ngay fagnanuksuanan bale at mogat.

Ruma 11:27

Katanya ku fatuyanan sanya fag ngay taw, gina kban nafalyam at ngay asalanan.”

1 Kurintu 11:32

Ay nu tam Fun wan taginsaful tam asalanan, kanya gatul antam laman ban di tam kadasug sas faurianan magamut fagayu taw ste swa daga.

Deuterunumyu 12:3

Iklasi yangay ban anggan at ngay fagirugan, ay rufai ngay gang tagfamatang anya, irugi ngay turuk fagtoglagan Asera fag fagsegan, ay rufai yangay at ngay tawtawan tagfatoglag at ngay fagsegan laman ban wa kamatang ya ste fag daga.

Ebreu 12:6

Aroro tam Fun gatul tua at fakesugun fag ngay taw, ay gfalang tua fagayu at nafangayan te, at sisian.”