Isayas 27:8 - Fanawbuid tagsibaliwas Fakayabian

⁸ Yawi nafabayan wan at ngay taw nu gatabanan laman gafaurianan. Ay nafalayug anya fagayu sa sik maksvn fag tagmara tagsiginans fakamenitan.

Isayas 27:8 ပူးပေါင်းရင်းမြစ်များ

Ub 23:6

O kanya ro manga namabadbaboan way angku siginan at fagmabalyananun? Duan, kanya ro wa namakamulun, nu bunway gdungugan tua ro angku.

Alubad. 103:14

Aroro kanya saful way tam kakurangan, ay saful yangay te, at fangawat antam daga way.

Alubad. 103:9

Ay bundi kabavn nu gfantabugan ay nu gfangauri.

Alubad. 38:1

Yawi, lag yap gfaurianan angku siginan am dotama.

Alubad. 6:1

Yawi, dewa o andotama angku, lag yap gfaksvn nu gfaurianan o angku.

Alubad. 76:10

Dius, nu kadotama o ngay taw dewa maksvn, takatanya, gfaksvn way laman ngay taw gfauseganan emu! Ay nagbilug o kafag ngay taw at dotama laman am famawayan.

Alubad. 78:38

Dewa katanya, Dius anfanyu yay kafag ngay taw, ay nafalyam tua at ngay asalanan ay di nafamin nu gfabul. Dius dewa ngayu ginan nu kadotama maksvn, kanya gfaragang tua gugat.

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 50:1

Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Isayas 54:7

Sik kadugayan, naubun kwa emu, dewa katanya, gdog kyay nangalaga emu aroro maksvn nu kesug au emu.

Isayas 57:16

At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.

Isayas 64:5

Guseganan tuo ngay taw tagfakamulun at matuyan, ay tagfaning am ngay balyawvtan. Dewa katanya, kauri way o emi, aroro gfataglayun way mi gugat nu yud ami gfaning am ngay balyawvtan. Nu katanya, tain ro nu kalangfe ami?

Eremyas 10:24

Yawi, foyungi emi tagalvngvdan si em nafakamulun, ay lag o gfaurianan emi siginan am dotama, aroro mankamin ami.

Eremyas 30:11

Gufud ktua ban ay gfalangfe ayu. Ay grasras kban fagayu talun nu inda nu gfasaruayan au ayu, dewa katanya kwa ban gfakamulun sa ayu takatanya. Ay bunwa at masuad te, kwa ban gfaurianan ya ayu, nu bunway gfalag au sa ayu at matuyan.”

Eremyas 4:11

Kadasug ban sik menit, Yawi glong sa sangay taw Uda ay sa sangay taw Erusalem te, “Siginan ban baliwas talun at yud e taw fag ngay tagbudbuksulanun, gtagmara masugba kadasug sa ku ngay taw, ay kafag tagmara bundi famalayug ngay upa.

Eremyas 4:27

Katatuy Yawi at longan te, “Fagdaul talun umrasras, dewa katanya, kya ban fia grasras.

Eremyas 46:28

Nu katanya, ku fagsuguan Akub at ngay kasugfunanan, lag am kalimu, aroro gufud kban ayu. Namamin kban ngay talun nusnga nday nu gfasaruayan au ayu, dewa katanya, kwa ban gfamin ayu. Namaurianan kban ayu tagalvngvdan sa ay fagmauriun. Wa masine kway ban gfaurianan ayu. Au, Yawi, taglong tuy.”

Takabalu 3:31

Aroro Fun Dius ban di gaiyan antam kabavn.

Takabalu 3:32

Kanya dewa gfaurianan antam, gfalag sa antam at fakafanyun ay nu kesug yud e fakatabuan.

Esekyel 19:12

Dewa katanya, aroro siginan sik maksvn fag dotama, nagulad kanya fag tanum ay anfuan sas daga. Ay at ngay rawvg an-gong, aroro sik tagmara masugba tagsiginans fakamenitan nauyup, ay at mogat fag sanga an-gong yangay, ay antong.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Usea 4:1

Ngay taw Israel, dungugani, Yawi gfayud ayu: “Fagayu am tagbanwan ste, wam matuyan, ay wam kesug ay wam gtoglag ya angku.

1 Kurintu 10:13

Ya batang e ndasug famaskud sa ayu, fagayu taw at yud nadalan fag famaskud. Matuyan tam Dius, di gfadasug sa ayu ay fagyudun makatu fag famaskud. Nu bunway kanya gfon ayu sik fagmabitsugun laman mababo tuam.

1 Pedru 1:6

Nu katanya, useganani maksvn, dewa ban am nandalan yay ngay fagidapun siginan ngayuk famaskud at yud ban ngaduge.