Isayas 27:6 - Fanawbuid tagsibaliwas Fakayabian

⁶ Umdasug ban sik menit ngay taw Israel, Akub at ngay kasugfunanan, umke lalid yay kata sik tanum. Ay kanya ban umke ngay sanga, ay umke ngay barugwak, ay rumawvg ngayu, anggan umkapnu sas fagdaul daga.

Isayas 27:6 ပူးပေါင်းရင်းမြစ်များ

Ub 37:12

Kanya nasugu ngay linyabu laman gbaribungan sas fagdaul daga.

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 35:2

Kafag talun guro tua ban nu galubad at kaksvnan nu guseganan, ay ngay barugwak ban kabuskad. Ay umsine ban kanya fag talun kaksvn buksul Lebanun nu masine, ay kata buksul Karmel ay datag Sarun. Ay umsure ban sanya Yawi tam Dius at fagmabalyananun ay at kamasuloan.

Isayas 37:31

Ay fagayu at kinsawad tagleleg sis Uda umramraman yangay ban, kata sik tanum tangabasad at lalid ay tagrawvg.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 6:13

Ay dewa ban anke sawad yay sit talun at fasafuluk afud taw Israel, e namamin yay ban. Dewa katanya, e nafili kyay at kumsawad sanya. Kanya ban fagayu umkata sik bvtang at yud e malong, ay kata sik nagtudan kayu at natugbung yay.”

Isayas 60:22

Kanya wa ngayu, dewa katanya umkayu ban. Kanya sik ngay yud e kwa, dewa katanya, umsik mabalyanan ban fag talun. Au Yawi, gabanganan kban gfakamulun takatanya nu ndasug ginanya fag buknga.”

Eremyas 30:19

Ay kanya ban fagayu galubad gfauseganan ay guro guseganan. Gfayu kban ay gfauseganan anya fagayu.

Esekyel 36:10

Ay namayu kban ku ngay taw Israel tagbanwan si ayu. Ay gdog kyay ban namawat at kinrasras fag ngay furuan ayu daul, ay e namanwan tua ban sanya.

Esekyel 36:8

“ ‘Ay siban ayu fag ngay buksul tagsis talun Israel, gtugbung ngayuk kayu tagrawvg laman sa ku ngay taw Israel, aroro ku ngay taw ban guli way vtv.

Usea 2:23

Ay namabanwan kban ayu sa ay talun laman ku ngay taw am. Kesug kban ku ngay taw ku nafangayan ebi te, Lu-Rukama, ay lumong kban te, ‘Am wan ku ngay taw,’ ebi ku nafangayan te, ‘Lu-Ami.’ Ay ginanya ban, glong am te, au wan ay Dius.”

Galasya 3:29

Dakngani am wan tam Fun Isus at taw, am wan at matuyan fia Abrayam at ngay kasugfunanan at nangagbilug Dius at ngay nafatuyanan.

Filipus 3:3

Amatangani te, itam wan Dius at ngay sisian, ay gseg tam anya siginan at Masine fag Falad, ay guseganan tam aroro siginan tam fagmasadiun sa tam Fun Isus, ay tam fagsegun bunwa siginans taw at faugali.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”