Isayas 27:5 - Fanawbuid tagsibaliwas Fakayabian

⁵ Ay kanya umlangfe tua nu masadi tua sa angku ay get gubuk sa angku.

Isayas 27:5 ပူးပေါင်းရင်းမြစ်များ

Ub 22:21

Faningi Dius ay asadii sa anya, laman kanya gfon emu fagmabayanun.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 25:4

O wan tagbalabag at ngay tagafalingunan ay tagfon at nayudanan gina e fagidapun fag buknga. O wan at fagsarirungan gina e fulug ay gina masugba. Aroro at madot fag ngay taw nu kadasug kata sik fulug nu gfalang sas alad,

Isayas 26:12

Yawi, nafae fagmanabayanun tuo emi, aroro fagayu em nafakamulun, siginan tua am gubuk.

Isayas 42:19

Am wan ku ngay fagsuguan ay ku ngay nafili. Nasugu au ayu laman ku ngay taglong, ay dewa katanya, we taw kaksvn ayu nu yud gdungug ay nu yud glag.

Isayas 45:24

Ay kanya ban lumong te, ‘Yawi way tagfon fagmatuyanun ay fagmabitsugun sa sangay taw.’ ” Ay fagayu ban takauri Yawi umkakbang sa anya ay umkapla.

Isayas 56:2

Mauseganan ngay taw tagfakamulun tua takatanya, ay tagfaning ku ngay suguan sabaliwas Famiangalay fag Menit. Ay mauseganan yangay sik taw at yud gfakamulun at mauri.”

Isayas 57:19

Ay nu katanya, kanya ban fagayu sumeg angku. Ay dewa tangayayu ay at munakbang, namae fagmanabayanun kban anya, ay gfafia kban anya fagayu. Au, Yawi, taglong tuy.

Isayas 64:7

Nusdi sadi si emi we nangakbang sa emu ay gugatan nanted emu, aroro anyayu wo emi, ay nafabayan wo nu kabul ami aroro sa em ngay asalanan.

Lukas 13:34

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Lukas 14:32

Ay nu dyay ro mababo, at taguna fag fun sumugu at fagsuguan gina at tibak fun ngayayu yay, laman namalukmeanan at fawayan fag fun.

Lukas 19:42

ay nalong te, “At masine nu nasaful di o katsi te, nataw tagfae fagmanabayanun emu. Ay duan, ansuksuk wan at masuad sa emu.

Ebreu 6:18

Dius di gbadbalian ay di kamuag sabaliwa at fatuyanan ay at famatuyan fag longan. Nu katanya, itam katsi tagsarig sa anya e fagbakvdun tua tam ay e fagsegun te, gfafasludan ban at fatuyanan.

Uswe 10:6

Ngay taw Gibyun nafabuba sik rirukan sas Uswe sis Israel at fagmafulan sis Gilgal te, “Lag gfabayan emi, am ngay fagsuguan. Gewan yap, falangfei emi! Gubuki emi aroro ngay taw Amur at ngay fun tagbanwan si sangay buksul ansadi laman namawayan emi.”