Isayas 27:3 - Fanawbuid tagsibaliwas Fakayabian

³ Au wan, Yawi, tagalaga kafag tanuman wat ubas. Gfarugme au gugat, ay gulit kayu menit ay kayu yabi laman di e gfauri.

Isayas 27:3 ပူးပေါင်းရင်းမြစ်များ

Fakasigadan 6:17

Aroro namadasug kban sik lino daul sas fagdaul daga laman namamin fagayu tagleleg. Ay fagayu ban tagsis tungud daga umbul wan.

Fakasigadan 9:9

“Katsi gfatuyanan au sa ayu ay sa ay ngay kasugfunanan, ay sas fagayu tagleleg, ngay manuk tungud, ngay fagbaugun ay fagayu tagsis talun fag ngay mangilafang at nafasfuan ayu naduksun siginans sakayan lino. Kata tuy ku fatuyanan: kwa ban gdog ya gfaurianan fagdaul daga siginans lino laman namamin fagayu tagleleg.”

1 Fun 8:59

Ku ngay fagetun nangus takatatuy si tua gugats Yawi tam Dius at daga salubangan laman gfababo angku at fagsuguan ay anggan at ngay taw Israel, galay tam e fagayudanun.

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:5

Dius gbanwan sanya, nu katanya, di ban kaiklas. Siginan sbalabag, Dius galaga wan.

Isayas 31:5

Au wan Yawi at Mabalyanan. Galaga kwa fia furuan Erusalem kata sik manuk tungud tagulit at fugad. Gbalabag kwa fia, ay namalangfe, ay kwa ban gfabayan anya.”

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 44:3

Aroro namon au sa emu sik mamam famalyam am fakadanumun, ay at namarugme at magong fag daga. Ay namon au ku Falad sa am ngay kasugfunanan ay namayu kban anya fagayu,

Isayas 46:4

Galaga kban ayu dewa ban am anfagtainan wan ay gubanun. Nawat au ayu, ay nangalaga au ayu. Ggubuk au ayu ay namalangfe.

Isayas 46:9

Amatangi tua gugat te, au wan Dius, ay we tiba ya.

Isayas 49:8

Yawi glong te, “Si ban ku nafalganan fag buknga, namalangfe au ay namalus ay nanggubuk emu. Nandiri kban emu, ay aroro sa emu nangawat au sik nasadian sa sangay taw. Gdog yay ban o namasine Israel at ngay daga at kinrasras, ay namagbilug ban o sa ku ngay taw.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 58:11

Kabavn galaga ktua ban ayu ay gfapsug, dewa maidap nu mabanwan am. Gfabitsug kban ayu, ay umkata ban am sik tanum at marabung, ay kata sik bulbug at yud kalanggang.

Isayas 60:16

Ngay talun ban ay ngay fun galaga emu kata sik mangena nu gfasusu at ngenge. Nu katanya, sumaful ban o te, au Yawi, am Tagfalangfe, Akub at Dius at Mabalyanan.

Esekyel 34:11

“Au, Fun Dius Yawi, glong au te, nanrvbvy kban ay nangalaga ku ngay tupa.

Esekyel 34:24

Au Yawi kanya ban fag ngay taw at Dius, ay ku fagsuguan ban gfangguna kata Dabid. Au, Yawi, taglong tuy.

Esekyel 37:14

Namon kban sa ayu ku Falad ay gleleg tua ban am. Ay namabanwan kban ayu sa ay talun. Ay sumaful ban am te, au Yawi at mafafasludan ku fatuyanan. Au, Yawi, taglong tuy.’ ”

Esekyel 37:28

Ay ku bale ban si tua gugat at talun, ay fagayu ban talun at ngay taw sumaful te, au Yawi, at nafili ngay taw Israel laman di e malong.’ ”

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.