Isayas 27:13 - Fanawbuid tagsibaliwas Fakayabian

¹³ Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 27:13 ပူးပေါင်းရင်းမြစ်များ

2 Fun 17:6

Usea nu gfunan gina sis fasiamk banwa, Asirya at fun nagbilug Samarya ay nataban ngay taw Israel sas Asirya ay nafabanwan sas furuan Kalak si sangay talun at munakbang sis Liskung Kabur sis Gusan fag talun, ay si sangay taw Medya at ngay furuan ayu daul.

1 Krunika 15:24

Ay Sebanya, Usafat, Netanel, Amasay, Sakaryas, Benaya ay Elyeser sik ngay tagfon fanggalangun tagfawang budyung sis salubangan Fagsuadan Dius at Nasadian. Ay Ubed-Edum ay Eya tagulit yangay Fagsuadan Nasadian.

Alubad. 47:5

Dius kaduge glao sat fagfagtainanan, ngay taw guro gseg ay gfawang at ngay budyung.

Alubad. 81:3

Uyupi budyung galay fagmafulun sabaliwa Magdanun nu Bagu Kasure, ay gina magdanun mabalulang.

Alubad. 89:15

Yawi, mauseganan ngay taw tagseg tua emu, aroro kanya fagayu gbanwan tua sim fagmayamagun.

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 11:12

Ginanya ban, Yawi namabat at famasaful fag ramit sa sangay taw sas fagayu talun, laman namaful fagayu at kinrapyag fag ngay taw Israel ay Uda siginan tibak afud talun sas fagdaul daga.

Isayas 11:16

Umke dalan ban laman Dius at ngay taw at kinsawad umkalfas siginans Asirya, kata ebi gina ngay taw Israel glao siginans talun Igiptu.

Isayas 18:3

Fagayu am tagbanwan sas fagdaul daga, fanyai nu e gfabat sik famasaful fag ramit sas tungud buksul, ay dungugani nu gbudyung.

Isayas 19:21

Yawi ban namatoglag at sadili sanya fag ngay taw, ay ginanya yangay ban fag menit kafag ngay taw tumoglag Yawi, ay gseg ban anya ay namon sa anya nusnge wain fag fanggalangun. Ay namatuyanan ban sas Yawi, ay namafasludan at ngay nafatuyanan.

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:2

Sa ban taguyan fag ngay menit, Yawi at bale at fagmalindugan fag buksul abat yap ay amafanud yap tua fagayu buksul, ay fagayu ban talun at ngay taw nangaful sanya.

Isayas 2:3

Ay kanya ban fagayu glong te, “Bastam sas Yawi at nafili fag buksul, sas Akub at Dius at bale, laman kanya ban gfoyung antam at ngay balyawvtan tam fagnamaningun.” Nu katanya, Yawi ban at foyungan kafagdaul siginans Buksul Siun, tagsis furuan Erusalem.

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 43:6

Glong kban sa sangay talun at ngay taw tagsis dua alvngvdan laman gfabayan wan am ngay kasugfunanan nu kafoli sat sadili talun, dewa ndaginan fag fungfung daga.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 56:8

Yawi tam Fun nafaful at natabanan fag ngay taw Israel, ay kanya glong te, “Namaful kyay ban tibak taw, saman ya ku nafaful ebi taguna.”

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Isayas 66:23

Ay galay fagmafulun sabaliwa Magdanun nu Bagu Kasure, ay Famiangalay fag Menit, fagayu am fauseganani angku.

Eremyas 31:6

Ay sik menit ban, ngay taw tagalaga furuan guro si sangay buksul tagsis Efraim te, ‘Gewan, glo watam sas furuan Erusalem laman nanseg tam Yawi tam Dius.’ ”

Eremyas 43:7

Kanya fagayu abat ngate nafaning Yawi, nafataglayun way nu glao sas talun Igiptu, ay andasug sas furuan Takpanes.

Eremyas 44:28

Ay dewa ban anke sawad siginans fagawayanan ay anfoli sas Uda, wa ban am ngayu ya. Siginan ban takatanya at kinsawad fag ngay taw Uda tagbanwan sis talun Igiptu, sumaful te, sinu ke longan at matuyan: at ngay longan o ku longan.

Esekyel 20:34

Ay siginan ban ku fagmabalyananun ay ku dotama, namaful au ayu siginan ngay talun nu inda nu gbanwan am,

Esekyel 20:41

Gina kban nafaful ayu siginan ay mesa fagbanwanan fag ngay talun, kaylat kwa ban ayu kata nu kaylat au gayuk at mabebanglu fag fanggalangun laman sa angku. Kaduge ban tibak furuan gdama gfalag kban sa ayu ku fagyudun e malong.

Esekyel 39:25

“Nu katanya, au, Fun Dius Yawi, glong au te, katsi nangafanyu kwan ngay taw Israel, Akub at kasugfunanan. Namadog kwan namaramraman kafag ngay taw, laman ban kanya fagayu namauseganan ku ngayan yud e malong.

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Usea 11:11

Masakit nu kadasug am kata sik ngay manuk tungud siginans talun Igiptu, ay mannga kata sik ngay labikung siginans Asirya. Gdog kyay gfauli ayu sa ay ngay fagbanwanan. Au wan Yawi taglong tuy.”

Usea 8:13

Kanya fagayu nafon sa angku at ngay fanggalangun ay naon yamas, dewa katanya, kwa guseganan anya fagayu. Siginan takatanya, namatang au at ngay fagmauriun, ay namaurianan au anya fagayu aroro sat ngay asalanan, ay namafoli sas talun Igiptu.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Sakaryas 14:16

Sanya ginan, at kinsawad ban fag ngay taw sas fagayu talun at nanamawayan Erusalem nangadasug sanya fag furuan laman nanseg Yawi ay nangasadi nangaful sabaliwa nu Kawat ngay Fayag.

Sakaryas 8:7

Namalangfe au ku ngay taw at natabanan sa sangay talun tagsis fakamenitan ay sis fakayabian.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 24:31

Ay gina ban e gbudyung daul gsugu kban ku ngay tagbarita, laman namaful ku nafili fag ngay taw siginans fagayu talun ay dewa ndaginan fag fungfung daga.

Lukas 4:18

“Dius at Falad si wa angku, aroro Dius nafili angku laman namoyung au at Masine fag Barita sa sangay taw at yud e kwa. Kanya nasugu angku laman namoyung au sat maubungan te, e gfalfas ban ayu, ay laman namoyung au sas taw at yud glag te, glag ban am; ay laman namalfas au at ngay taginkidapan,

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

1 Tesalunika 4:16

Ay ginanya ban fag menit, tam Fun kadasug gasfuan sik maksvn fag suguan. Ay umdungug yangay tagbarita at longan ay anggan at budyung. Ay taguna ban gleleg, ngay taw at kinbul tagafanud sa tam Fun Isus.

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.

At Nafasure 10:7

Ay gina ban at fafituk tagbarita nauyup at budyung, umfasludan ban Dius at algan at masuksukan, at ngay fagsuguan fag ngay taglong at nalong.

At Nafasure 8:2

Ay sanya ginan, nalag au tagbarita fag fitu at malindug sis Dius at daga salubangan, ay e nafon sas galay at sadi budyung.

At Nafasure 8:6

Ay fituk tagbarita mafalganan wan laman guyup at budyung.

At Nafasure 9:14

Ay glong sas faunumk tagbarita at ke budyung te, “Falfasi at masiukan fag ufatk tagbarita sis tigyangan liskung daul Eufrates.”