Isayas 27:11 - Fanawbuid tagsibaliwas Fakayabian

¹¹ Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 27:11 ပူးပေါင်းရင်းမြစ်များ

Alubad. 106:40

Nu katanya, Yawi andotama at fakesugun fag ngay taw. Ay kafag ngay taw ansik mauri sa anya.

Isayas 1:3

Ngay baka gtoglag tua at tagalaga, ay ngay asnu saful tua nu dada at fagnamafangonan, dewa katanya, ku ngay taw Israel wa gtoglag angku, ay we fagsafulun.”

Isayas 18:5

Gina yud andasug fanggutluan, gina yay ngay barugwak anrabas wan, ay gina yud anlesan at ngay rawvg, glifung wan taglangfad fag ngay sanga.

Isayas 43:1

Israel, katatuy Yawi, at nawat emu, at fagyalongun sa emu: “Dangay o kalimu aroro namalangfe au emu. Nauro au am ngayan, ay au wan am tagagbilug.

Isayas 43:7

Kanya fag ngay taw ku nafili. Nawat au anya laman gfauseganan angku.”

Isayas 44:2

Au, Yawi at nawat ay at nagubuk emu. Lag kalimu, o wan ku fagsuguan ay ku nafili.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 5:13

Nu katanya, ku ngay taw ban gatabanan, aroro kanya fagayu wa gamatangan ya ku ngay nafakamulun laman sa anya fagayu. Kabul ban am sas fanlunus ay sas fandanum gasfuan ay ngay tagfangguna.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 11:16

Ebi Yawi nu gdama kanya fagayu kata oma sik fun kayu ulibu at marabung ay tangayu at rawvg, dewa katanya, gina ban at maksvn fag afuy nadalan, kanya fagayu umkamin kata at nairug fag ngay sanga at yud e fanambagun ya.

Eremyas 13:14

Namaadkatukan au ngay fagtainan ay at ngay sisian. Kwa ban kafanyu ya gfabul anya fagayu.’ Au, Yawi, taglong tuy.”

Eremyas 16:5

Yawi nalong yay fia te, “Lag o gsakbo sa sik bale at ke mabulan. Lag o kabalu gasfuan ngay takabalu, ay lag o gfalag am fakafanyun sas nusnga sinu. Aroro kwa kesug ya ay kafanyu kanya fag ngay taw.

Eremyas 25:37

Aroro Yawi maksvn nu kadotama, ngay fagfafangonan ngay fagbaugun umkata sik talun at yud e taw.

Eremyas 4:22

Yawi nalong te, “Ku ngay taw we fagsafulun; kanya fagayu wa toglag angku, kata way sik ngay baguama yud e fagsafulun ay at yud gtogdungug, ay annanad gfakamulun at mauri ay wa saful gfakamulun at masine.”

Eremyas 8:7

Ngay manuk tungud saful tua nu ginain nu nanlayug sa tibak talun ay nu ginain nu kafoli, dewa katanya, ku ngay taw wa nasaful ku ngay faugali.

Esekyel 19:12

Dewa katanya, aroro siginan sik maksvn fag dotama, nagulad kanya fag tanum ay anfuan sas daga. Ay at ngay rawvg an-gong, aroro sik tagmara masugba tagsiginans fakamenitan nauyup, ay at mogat fag sanga an-gong yangay, ay antong.

Esekyel 20:47

Nanlong o sanya fag ngay furuan te, ‘Au, Fun Dius Yawi, nansalung kban ay nangirug fagayu tagsisad araw, dewa at melo ay at mayangoan. Wa ban e manamarabung ya kafag igang, ay girug ban fagayu siginans fasiunan baliwa ay anggan andasug sas fawalan fag alvngvdan.

Esekyel 9:10

Nu katanya, kwa nangafanyu ya kafag ngay taw, nu bunway, namakamulun au sa anya fagayu kaksvn at nafakamulun sa tibak taw.”

Usea 4:14

Dewa katanya, kwa ban gfaurianan ay ngay baguina ay ay nugang fag ngay mangena, dewa nafakamulun takatanya, aroro am fag ngay mangama, nanamataladan yangay am takamatugtug fag ngay mangena, sis fagnansegan fag bale, gina am gfon ngay fanggalangun. Nu katanya, gfaurianan kban ayu aroro wam nasaful at matuyan.

Usea 4:6

Ay gfaurianan kyangay ban ku ngay taw, aroro we fagsafulun sabaliwa angku. Aroro am oma fag ngay tagfon fanggalangun wam naylat fagsafulun, nu katanya, gfaurianan kyangay ban ayu. Ay wam yangay nafaning ku ngay suguan, nu katanya, gfaurianan kyangay ban ay ngay sisian.

Mateu 13:15

Aroro kafag ngay taw kamaogatun way, ay wa kaylat gdungugan, ay gtipan way. Kafag ngay taw yaman katanya, glag tua ban, ay gdungug, ay gtogdungug ay kafoli sa angku, ay gfafia kban anya fagayu.’

Mateu 13:19

Nusnga sinu at nadungug foyungan sabaliwa Dius nu gfagtainan ay nu dway nasaful at masuad, Satanas umdasug ay namul kafag taw at nadungug fag longan, kata kafag bvtang at kintong sasad dalan.

Mateu 3:10

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Ruma 1:31

ay fagyudun matogdungug, ay takamabo, ay fagyudun kafanyu at iba.

Deuterunumyu 4:6

Faningi fia tuy fag suguan, aroro siginan takatanya mafasure ban am sa sangay talun ay fagsafulun ay ay fagmatogdungugun ay ay fagmayamagun. Kanya ban fagayu nu nadungug takatanya fag fagaloan lumong ban te, “Anud, tuy fag talun at ngay taw at mabalyanan, e fagsafulun tua ay fagmatogdungugun.”

1 Tesalunika 2:16

Kafag ngay taw gsalag nu gfoyung ami at Masine fag Barita sas yud Udyu fag ngay taw laman gsalag kanya fag ngay taw nu kalangfe. Nu katanya, Dius gfaurianan ban anya fagayu aroro fagayu at asalanan maksvn wan nu mauri.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.