Isayas 27:10 - Fanawbuid tagsibaliwas Fakayabian

¹⁰ Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 27:10 ပူးပေါင်းရင်းမြစ်များ

Isayas 17:2

Ay wa ban e gbanwan ya sas Aruer fag ngay furuan. Ay kanya umkata ban sik fagnamafangonan ngay fagbaugun, ay wa ban e namalimu ya kafag ngay fagbaugun.

Isayas 17:9

Ginanya ban fag menit, Asirya at mogat fag ngay furuan umrasras wan ay at ngay taw mubun wan, aroro ngay taw Israel andasug wan. Kanya ban umkata yangay ngay taw Amur ay taw Kib at naubun at ngay furuan.

Isayas 24:10

Umrasras ban at furuan ay mabaluanan way. Madingdingan way ban fagayu bale laman we sumakbo.

Isayas 25:2

Narasras wo at maaladan fag ngay furuan sa tibak talun. Ay narasras wo yangay tibak talun at ngay taw at mogat fag furuan, ay wa ban e gdog ya nangawat.

Isayas 32:19

Dewa arak yelu kadaul ngay gang ayu sirut gfarayaw ay araw ay rumasras ay ngay furuan,

Isayas 35:1

Ay at matat fag talun guseganan ban kata sik taw nu guseganan. Ay gbarugwak ban sanya at ngay makmak.

Isayas 49:21

Ay gamatangan ban o te, ‘Sinu at nafasalug anya fagayu laman ku ngay sisian? Ay ku ngay taw tangayu nbul wan, ay anbalu au. Ay tiba natabanan sa tibak talun, ay au way lang at kinsawad. Sinu at nafagurang kafag ngay sisian? Ay daginan kanya fagayu?’ ”

Isayas 64:10

Am ngay furuan at yud e malong ay anggan furuan Erusalem kata wa sik talun yud e gbanwan.

Isayas 7:21

“Ginanya ban fag buknga, galay sik taw at fagbaugun at sawad sadi way langk baka ay duak kambing,

Isayas 7:25

Ay wa ban e nanlao ya sa sangay buksul sa ebi ataw at ngay fagtanuman, aroro antubas wan ay gadugiun way lang, ay sik fagnamafangonan way lang fagbaugun.”

Eremyas 25:37

Aroro Yawi maksvn nu kadotama, ngay fagfafangonan ngay fagbaugun umkata sik talun at yud e taw.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 26:6

grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 52:27

sis Amat fag talun. Ay sanya wan nu gfabul anya fagayu. Ay ngay taw Uda natabanan sa tangayayu fag talun.

Takabalu 1:4

Dalan tagsas furuan Erusalem maksvn fag fakabaluun, aroro we kadasug ya laman nangaful galay fagmafulun. Ay we taw ya si sangay sakbawan furuan. Ay fagayu tagfon fanggalangun gidapan, anggan ngay baguina maksvn nu kabalu. Maksvn sis Erusalem nu mabalu.

Takabalu 5:18

Aroro nafabayan wan Erusalem, ay idu talun way lang tagbanwan sanya.

Esekyel 36:4

Nu katanya, dungugani angku, am fag ngay fungsu, fag ngay buksul, fag ngay datag, fag ngay fagfamiluganan mamam, ay fag ngay furuan at kinrasras wan ay at mabaluanan wan, tibak talun at nafawayan ay at nafalingun.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.