Isayas 27:1 - Fanawbuid tagsibaliwas Fakayabian

¹ Ginanya ban, Yawi gbitbitan at mabalyanan at maruk fag fiso laman namabul Libyatan, kafag ule daul tagalafang sasad dagat.

Isayas 27:1 ပူးပေါင်းရင်းမြစ်များ

Ub 26:13

Siginan at engasan mafamanabayan way banwa, ay siginan at fagmabalyananun mafabul tagfangagat fag ule daul.

Ub 3:8

Tagabara nangus fag ngay taw at mafulo Libyatan, nafauri wan kafag yabi.

Ub 40:19

Sas fagayu ku awatan, kanya wan at madulo. Dewa katanya, kanya ku nawat way ay gbabo kway.

Ub 41:1

Ub, o masanggit ro wo Libyatan? Ay o mafasangdaw ro wo sik lubid sat leplep?

Alubad. 104:26

Ay sanya ngay sakayan lino gfoyfolian. Ay sanya yangay am awatan Libyatan nu gawean.

Alubad. 45:3

Taudani am fiso sim fagwan, aroro o wan at maseganama fag tagfawayan. Ay o wan at mabalyanan ay at mauseganan fag fun!

Isayas 26:21

Aroro kanya umdasug siginan at fagbanwanan laman namauri fagdaul daga at ngay taw aroro at ngay asalanan. Daga namalfas yay ban at kinbul fag ngay taw, ay wa ban gdog ya nanuksuk.

Isayas 51:9

Yawi, gubuki wan emi. Fasurei am fagmabalyananun laman gfalangfe o emi. Gubuki emi kata ebi am nafakamulun sa emi. O nunda bunwa o at naramyuk tagbia fag mangilafang at ngayan te, Rakab?

Isayas 65:12

Nu katanya, nafalganan kwan nu kabul am. Aroro ebi gina au guro ayu, wam nabalus angku, ay gina au garingang, wam nadungugan. Nafakamulun am at mauri sa ku daga salubangan; ku fagyudun kaylat fag ngay fakamulun.

Isayas 65:25

Ay ginanya ban fag ngay menit ngay idu talun ay ngay tupa magamut way nu gfangonan. Ay ngay liun ban ay baka magamut kon ngay makmak. Ay fagayu ban ule we gfangagat ya. Ay wa ban e namauri ya ay nanrasras ku nafili fag buksul at yud e malong. Au, Yawi, taglong tuy.”

Isayas 66:16

Yawi ban gagbilug afuy ay fiso tagsumbalian at uyup, laman namaurianan at ke asalanan fag ngay taw, ay ngayu ban at fagnamabulun.

Eremyas 47:6

Ginto am te, seduge ya ban nu gfaragang au ku faurianan sa ayu siginan ku fiso tagsumbalian at uyup. Ay glong am te, fafolii wan am fiso sam guma ay fabayani wan emi.

Eremyas 51:13

Talun Babilunya, ngayu tagsi emu liskung ke mamam tua gugat, ay ngayu yangay am ramraman. Dewa katanya, andasug wan am fakatabuan fag menit nu gafaurianan o.

Eremyas 51:34

Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Esekyel 29:3

‘Au, Fun Dius Yawi, glong au te, Faraun, Igiptu at fun, o wan ku fawayan. Kata o sik aktat daul at masurungan sisad liskung. Ay longi yangay te, o wan tagagbilug Liskung Nilu laman am fagnangigusan.

Amus 9:3

Kanya ban fagayu dewa nananuksuan sas tungud Buksul Karmel, nanrvbvy kyay ban fia ay nanggamat anya fagayu. Ay dewa sumuksuan sas fagngabasadan dagat, gsugu kban sik ule laman nangagat anya fagayu.

At Nafasure 12:3

Sadi yak fakatoglagan at kinsure sis banwa, sik ule daul at maraska, kanya e fituk alfuyu ay e safuluk sunge, ay galay sis sik alfuyu e sangbo.

At Nafasure 13:11

Ay sanya ginan nalag kyangay fia sadi yak tagfangagat fag mela nu kasure siginan sad daga. Kanya gasungean daul dua kata sik tupa riangan at ngay sunge. Ay at aringang kata sik ule daul nu garingang.

At Nafasure 13:4

Ay fagayu taw gseg ule daul, aroro ule daul nafon sas tagfangagat fag mela at fagmabalyananun. Ay kanya fag ngay taw gseg yangay tagfangagat fag mela ay glong te, “Sinu at mafasudsudan tagfangagat fag mela, ay sinu at mafawayan anya?”

At Nafasure 16:13

Ay sanya ginan nalag kyangay fia tuluk falad at mauri kata sik ngay fio, naduksun siginans ule daul at bibig ay siginan tagfangagat fag mela at bibig ay siginan takamuagan fag taglong at bibig.

At Nafasure 17:1

Ay sanya ginan, kafag fituk tagbarita at ke buba fituk taya, at sadi ankakbang sa angku ay glong te, “Gewan, namalag au sa emu at faurianan sat takamatugtug fag mangena. Kanya fag mangena at masuad, kafag furuan daul at munakbang sis liskung at ke mamam gugat.

At Nafasure 17:15

Ay kafag tagbarita nalong yangay sa angku te, “Am nalag fag ngay mamam, kafag mangena takamatugtug at fagmalunggungan, kanya ngayuk gaban taw, ay ngayuk taw siginans ngayuk talun, ay ngay taw tagsaman at fangaringang.

At Nafasure 19:21

Ay tagsakay sit malaksi fag kabayu nafabul at sawad fag ngay taw, ay at famabul sik fiso tagsumbalian at uyup at naduksun siginan at bibig. Ay fagayu manuk tungud napsug kafag ngay taw at bilug.

At Nafasure 2:16

Nu katanya, ubuni wan ay ngay asalanan. Aroro nu dway ban am nafakamulun takatanya, wa glugo ya kadasug au sa ayu laman namawayan au ngay taw tagfakamulun at mauri, ay gafisoan kban tagsumbalian at uyup takalfas siginan ku bibig.

At Nafasure 20:2

Ay kanya nagamat ule daul, tangaduge wan nu gleleg, at ngayan tiba te, Takamuag ay Satanas. Ay nu masiukan sadik libuk banwa.