Isayas 26:8 - Fanawbuid tagsibaliwas Fakayabian

⁸ Yawi, nafaning wami fagayu am ngay suguan, ay gafanud wami sa emu. Em fakaylatun namauseganan wami emu.

Isayas 26:8 ပူးပေါင်းရင်းမြစ်များ

2 Samwel 23:5

Katanya ku ngay kasugfunanan sis Dius at daga salubangan, aroro kanya nawat sik nasadian at yud ban e fakatabuan laman sa angku. Masine ay matuyan at nawat fag nasadian ay wa ban e manantubus ya. Nu katanya, gtuyan au te, Dius namalangfe tua ban angku. Ay kanya gfon sa angku fagayu ku fakaylatun.

Alubad. 106:3

Mauseganan sik taw nu gfakamulun tua gugat at matuyan ay at masine.

Alubad. 130:5

Yawi, gfanya au emu sas fagdaul ku amatanganan, ay ku fagsegun siginan way lang am longan.

Alubad. 18:23

Dius nasaful te, fagdaul ku amatanganan sa way lang anya, ay gsaruy ktua fagmauriun.

Alubad. 42:2

Tagleleg fag Dius, kaylat kwa daul nangakbang sa emu. Ginain ya ban manga nu mananseg au emu?

Alubad. 65:6

Siginan am fagmabitsugun, nawat o ngay buksul, ay siginan takatanya, nafalag o te, mabalyanan o.

Alubad. 73:25

Fagayu tagsis banwa, we masuad sa angku nu bunway o way lang. Ay sas day emu, kwa yangay e fakaylatun ya fagayu tagsis fagdaul daga.

Alubad. 84:2

Yawi, maksvn nu kaylat au nansakbo sam bale. Ay sas fagdaul ku amatanganan, guro au guseganan sa emu, o wan tagleleg fag Dius.

Nu Galin 3:15

Ay Dius gdog yay nalong sas Muisis te, “Longi sa sangay taw Israel te, ‘Yawi, ay mangaguyang Abrayam, Isak, ay Akub at Dius, nasugu angku sa ayu.’ Ay kabavn ay ngay kasugfunanan gtoglag tua angku te, Yawi.”

Sulumun at Alubad 5:8

Ngay mangena sis Erusalem, fatuyanani sa angku te, nu nalag am ku fakesugun fag mangama, glong ro am anya te, mamomuy au aroro at kaksvnan nu kesug au anya.

Isayas 12:4

Ginanya ban fag menit, nangalubad am te, “Fagayu am fauseganani Yawi! Segi anya! Foyungi sas fagayu taw at ngay nafakamulun.

Isayas 24:15

Nu katanya, fagayu taw tagbanwan sas fakamenitan ay tagbanwan sa sangay tigyangan dagat, segi Yawi, Israel at Dius.

Isayas 25:1

Yawi, o wan ku Dius! Gseg au ay gfauseganan emu aroro madulo am ngay fakamulun. Nafafasludan tuo fagayu am ngay algan siginan ngay ebi taguna.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 26:13

Yawi em Dius, tibak dius gfagtainan yay emi, ay dewa katanya, o way lang em fagnansegan.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 33:2

Yawi, afanyui emi aroro gafanud tuami sa emu. Fabitsugi emi kayu menit, ay falangfei emi gina ami gidapan.

Isayas 49:23

Ngay fun ban gasfuan at ngay mangena namaning emu. Kanya ban nangulit am ngay sisian, ay gtudan ban gseg emu, ay nangafagtainanan emu. Nu katanya, sumaful o te, au wan Yawi. Fagayu tagafanud sa angku di ban umyud e fagsegun.”

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 56:1

Katatuy Yawi at longan, “Matuyani tua nu gfawabilugan am, ay fakamuluni at masine, aroro munakbang wan nu gfalangfe au ayu ay nu gfasure au ku fagmatuyanun.

Mikas 4:5

Ngay taw ban dewa gfataglayun gseg at ngay fagsegan, ami ban gfataglayun tuami gugat gseg Yawi em Dius.

Mikas 7:7

Dewa katanya au, gafanud au sas Yawi ku Dius. Gfanya au anya, ku tagfalangfe ay ku taggubuk.”

Malakyas 4:4

“Faningi fia ku ngay suguan ku nafon sa ku fagsuguan Muisis. Nafon au anya kafag ngay suguan sis Buksul Sinay laman sa sangay taw Israel.

Tap 36:13

Katanya Yawi at ngay faugali ay at ngay suguan at nafoyung sas Muisis laman sa sangay taw Israel kaduge kanya fagayu sis datag Muab sis tigyangan Liskung Urdan munakbang sis Eriku.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Fakamulun 1:4

Sik menit, Isus ay at ngay nasugu gina gasfuan gfangon, kanya nalong te, “Lag yap am glao siginans Erusalem. Fanyai at Masine fag Falad ku Mama at nafatuyanan, kata ebi ku nafoyung sa ayu.

Ruma 8:25

Ay nu gfanya tua tam tam nayud yay nalag, gugatan tua tam gfanya.

2 Tesalunika 3:5

Tam Fun tagfamatangan ayu laman ay ugali kata tua Dius nu kesug, ay kata tam Fun Isus nu mabakvd.