Isayas 26:7 - Fanawbuid tagsibaliwas Fakayabian

⁷ Ay at matuyan fag ngay taw at dalan madatag tua, ay o wan, Dius at Matuyan at nafadatag.

Isayas 26:7 ပူးပေါင်းရင်းမြစ်များ

1 Krunika 29:17

Ku Dius, nasaful au te, nainsaful o em ngay amatanganan ay guseganan o nu nalag o te, matuyan tuami. Nu katanya, matuyan ay bundi fabulunan nu gfon au sa emu tuy fagayu. Ay guseganan au aroro nalag au te, anggan am ngay taw tagste di gafabulunan nu gfon.

Ub 31:6

Dius ro nu nanantuyan sabaliwa angku, sumaful te, kdi e asalanan.

Alubad. 1:6

Yawi galaga tua at matuyan fag ngay taw, dewa katanya, tagasalanan ban at fakadasugan sa way sad faurianan.

Alubad. 11:4

Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

Alubad. 11:7

Yawi matuyan tua. Kanya kesug tua ngay taw tagfakamulun at matuyan. Ay fagayu tagugali takatatuy manangalo tua ban anya.

Alubad. 25:4

Yawi, foyungi angku am ngay balyawvtan.

Alubad. 25:5

Foyungi sa angku nu setain nu nangugali au at matuyan, aroro o wan ku Dius ku tagfalangfe. O way lang ku fagsegun.

Alubad. 27:11

Yawi, foyungi angku at matuyan fag ugali. Tabanani angku sat matuyan fag dalan at yud e malimu, aroro ngayu ku fawayan.

Alubad. 5:9

Ku ngay fawayan at ngay nalong wa mafanud, ay kabavn at fagamatanganun tagfauri way at ngay iba. Ay at ngay longan malimu kata sik fagfolian nu maluangan, ay at ngay algan gfalingun way at iba.

Fangatulun 11:5

At matuyan ay at yud e malong fag ugali, tagfae fagmanabayanun nu gbanwan, dewa katanya, at mauri fag ugali, at fungfung sa ways faurianan.

Fangatulun 20:7

Sik matuyan fag taw di e mauri. Ay at ngay sisian mauseganan tua nu nafaning tua anya.

Fangatulun 21:8

At ke asalanan at ngay famanwanun mauri way, ay dewa katanya, fagayu tagsisad matuyan at ngay famanwanun matuyan tua.

Fangatulun 3:6

Amatangi tua Yawi sas fagayu am fakamulun, ay kanya gfoyung emu sat matuyan fag dalan.

Fangatulun 4:18

At matuyan fag taw at ugali, kata tua menit nu bagu kasure, ay kaduge kabat, kaugat yay nu gyamag.

Isayas 30:18

Dewa katanya, Yawi mafanyan nu nangakbang am sa anya laman kafanyu ayu. Kanya mafalganan namalag ayu at fakafanyun. Aroro Yawi wan at matuyan fag Dius, ay fagayu tagafanud sa anya mauseganan.

Isayas 35:8

Ay umke dalan ban daul sas talun ay e gngayan te, “Yud e Malong fag Dalan.” Ay wa ban e glao sanya tagasalanan anggan at yud e nasafulan, nu bunway at ngay tagfaning way lang Yawi at balyawvtan.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Isayas 52:12

Dewa katanya, lag gabanganan nu glo am, kata nu e faglagyuun am, aroro au wan Israel at Dius Yawi tagsi ay fagunan ay si ay faguyanan.

Isayas 57:2

Aroro at matuyan fag taw nu nbul wan, manabayan wan ay gfiangalay.

Eremyas 10:23

Yawi, nasaful au te, bunwa taw tagagbilug at leleg ay wa saful takadasug sa anya.

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Sefanias 3:5

Dewa katanya, Yawi at fagmasineun si tua gugat at furuan. Yawi gfakamulun at matuyan, ay gfasure at fagmatuyanun kayu balabag, ay katanya tua gugat. Dewa katanya, tagfakamulun at mauri we apla ya.”

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

1 Uan 3:10

Kata tuy tam fagsafulan te, sinu Dius at ngay sisian ay sinu Satanas at ngay sisian: nusnga sinu at yud gfakamulun at masine, ay at yud kesug at faduksay, kanya bunwa Dius at sisian.

1 Uan 3:7

Ku ngay sisian, lag am gadayan nusnga sinu. Fagayu tagfaning at matuyan, kanya matuyan wan, kata tam Isus nu matuyan.