Isayas 26:6 - Fanawbuid tagsibaliwas Fakayabian

⁶ Ay at yud e kwa ebi ay tagafalingunan nansiad wan.

Isayas 26:6 ပူးပေါင်းရင်းမြစ်များ

2 Fun 9:33

Yeu nalong sanya fagayu te, “Fatongi anya!” Ay kanya fagayu nafatong Esebel. Ay ngay kabayu nasiad anya, ay at taguk naramsig sas alad ay sa sangay kabayu.

Isayas 11:4

Ay matuyan nu gfawabilugan sat yud e kwa ay ggubuk. Ay siginan at aringang, namaurianan fagdaul daga ay siginan at engasan kanya namabul at mauri fag ngay taw.

Isayas 25:10

Matuyan wan Yawi gumubuk wa fia ste fag Buksul Siun, ay dewa katanya, namaurianan waban ngay taw Muab. Yawi ban nansiad Muab kata sik nagutan sas fagukasan ifut.

Isayas 28:3

Kanya ban nansiad Samarya, kafag sangbo barugwak, ngay tagalangu fag ngay taw Israel at fakamanagsagun.

Isayas 29:19

Ngay takamababaun ay ngay yud e kwa gdog ban guseganan sas Yawi, Israel at Dius at yud e Malong.

Isayas 3:14

Kanya andasug laman namoyung te, sinu fag ngay tagfangguna at ke asalanan. Katatuy at longan sa kafag ngay tagfangguna, “Nafauri am ku tanuman wat ubas, at masuad te, ku ngay taw. Ay nafapnu am sa ay ngay bale nusnge wain ay nabul siginan at yud e kwa fag ngay taw.

Isayas 3:15

Wain ay fagnafauriananun ku ngay taw, ay ay fagnabulun at yud e kwa fag ngay taw at ngay fagagbilugun, kata nu natigna am at ngay alfuyu sas daga?” Katanya tam Fun, Yawi at Mabalyanan at longan.

Isayas 37:25

Ay nafaali au ngayuk bubun sa sangay talun, ay nainum au mamam sanya ginan. Ay gina au gdalan, nafalanggang kwan fagayu liskung sis talun Igiptu.”

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Eremyas 50:45

Nu katanya, dungugani, katatuy ku algan ku fagnamakamulunun sas talun Babilunya: Gtaban kban at ngay sisian ay nanrasras kban at ngay fagbanwanan.

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Sefanias 3:11

Ay ginanya ban fag menit, am fag ngay taw Erusalem di ban am gafaplan ya siginan ay ngay nafakamulun at mauri sa angku, aroro gaiyan kban siginan ayu ngay takamatungudun ay takamuag. Nu katanya, di ban e kamatungudun ya sa ku nafili fag buksul at yud e malong.

Malakyas 4:3

Gina kban gfafasludan takatanya fagayu, gfabul ban am fagayu taw at mauri kata nu gsiad am lukbu.

Lukas 10:19

Amatangani, nafon kwan sa ayu fagmabalyananun nansiad ule ay agipan, ay gbabo tam fawayan at fagmabalyananun fagayu. Ay wa ban e mafaidapan ayu.

Ruma 16:20

Dius takamon fagmanabayanun munakbang wan nu gfasa ay daga darafa ay fawayan Satanas. Sumawa nangus fia ayu tam Fun Isus at fagmagalangun.

1 Kurintu 1:26

Ku ngay faduksay, amatangani ay kayaunanan gina Dius guro ayu. Wa ngayu si ayu at mamatanganan, kata ste swa daga fag fagmamatanganun, ay wa ngayu si ayu at mabalyanan ay takadungug fag gaban taw.

Santiagu 2:5

Ku fakesugun ku ngay faduksay, dungugani. Tam Dius nafili at yud e kwa ste swa daga, laman maramraman sas fagafanudun, ay laman kanya gfagtainan anya fagayu. Katanya at fatuyanan sas nusnga sinu takesug anya.

Uswe 10:24

Nu nataban wan kafag ngay fun sas Uswe, Uswe nafaful fagayu taw Israel ay nalong sa sangay fun tagfawayan te, “Gewan, siadi tuy fag ngay fun at ngay liug.” Nu katanya, kanya fagayu ankakbang ay gsiad at ngay liug.

At Nafasure 2:26

Ay nusnga sinu ban at nababo ay tagfaning tua ku fakaylatun anggan sas fakatabuan, gfon kban sik fagmabalyananun laman sik fun kata ku nabul siginan ku mama. Ay gfafagtainan kban sa anya ngay talun. Kanya ban gina gfagtainan, gbitbitan sik famalang sanbung, ay nanrufa ban anya fagayu kata nu grufa fangawat bisu daga.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.