Isayas 26:4 - Fanawbuid tagsibaliwas Fakayabian

⁴ Fagayu am afanudi tua gugat sas Yawi, aroro kanya wan sik gang tam fagsarirungan kabavn ban.

Isayas 26:4 ပူးပေါင်းရင်းမြစ်များ

2 Krunika 20:20

Ay balabag di sbalabag Eusafat ay at ngay ufud nalao sas Tekwa fag talun at yud e taw. Ay kaduge kanya fagayu glao Eusafat anragang ay nalong te, “Ngay taw Uda ay ngay taw Erusalem, dungugani angku! Afanudi sa ay Dius Yawi, ay faksvni tua ay amatanganan. Ay afanudi yangay sat taglong ay gbabo ban am.”

2 Krunika 32:8

Tagufud anya ngay taw way, dewa katanya tagufud antam Yawi tua at mabalyanan fag Dius. Kanya taggubuk antam ay at namawayan laman sa antam.” Nu katanya anbitsug kafag ngay taw at amatanganan siginan Esekyas, Uda at fun, at nalong.

Ub 9:19

Nu sa baliwas fagmagarasun, we mababo anya. Ay nu nasas fagfawabiluganan, sinu at mafabadbaboan anya?

Alubad. 125:1

Fagayu tagafanud sas Yawi, di kauig kata Buksul Siun, ay katanya tua gugat.

Alubad. 18:2

O wan ku fagsarigan at mogat ay ku tagbalabag, O wan ku tagfalangfe, ku tagdiri, ay ku taggubuk.

Alubad. 46:1

Dius wan tam fagsarirungan ay tam fagmabitsugun. Kanya mafalganan gugat ggubuk antam sis buknga fagidapun.

Alubad. 55:22

Fadasugi sas Yawi am ngay fagabyatanun, ay kanya gfalyam, ay gtabanan gbakvd emu. Ay kabavn Dius di gfabayan ay di gfababawan ngay taw at matuyan.

Alubad. 62:11

Bundi sayginan nu gdungug au Dius nu glong te, “Au way lang ke fagmabalyananun.”

Alubad. 62:8

Dius at ngay taw, afanudi sa anya kabavn! Ay fasurei sa anya fagayu ay namatangan, aroro kanya wan tagdiri ayu.

Alubad. 62:9

At yud e kwa fag ngay taw kalyam kata sik tagmara, ay ngay taw takadungug wa yangay e fanambagun. Nu nafabudbungguan kanya fag ngay taw, at kabyatan kagan way tagmara.

Alubad. 66:7

Siginan at fagmabalyananun, kanya gfunan kabavn ban. Ay kanya gdama gugat ngay talun. Nu katanya, lag e kamabo anya.

Alubad. 93:1

Yawi, o wan em Fun at ke fagmasineun ay at mabalyanan. O wan at nawat fagdaul daga, nu katanya, di gbadbalian.

Isayas 12:2

Dius, o wan ku tagfalangfe. Gafanud au sa emu ay kdi e fakalimuun. Yawi, o wan at nafon angku fagmabitsugun, ay galubad au sa emu, aroro nafalangfe tuo angku.”

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 30:29

Dewa katanya, fagayu am Dius at ngay taw nangalubad tuam, kata ay fakamulun sad yabi gina am gfauseganan Yawi. Ay guseganan am kata sik ngay taw tagadgaloan glo sas Yawi at Buksul kaduge e gfawang ngay tulali, laman nanseg anya, Israel at fagsarirungan fag gang.

Isayas 32:2

Galay at sadi umkata sik fagsarirungan gina fulug andasug. Ay kanya fagayu umkata sik liskung tagfamilugan sas talun yud e taw, ay umkata sik tagbia fag gang at lanbung sit masugba ay at matat fag daga.

Isayas 44:8

Lag kalimu ay lag gafanawa. O nunda ebi kya nafasaful sa ayu ku algan? Am wan ku ngay tagfatuyan. O nunda e tibak dius tagsaman angku? Duan! Kwe fagsafulun tibak gang fagsarirungan tagsaman angku.

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 45:24

Ay kanya ban lumong te, ‘Yawi way tagfon fagmatuyanun ay fagmabitsugun sa sangay taw.’ ” Ay fagayu ban takauri Yawi umkakbang sa anya ay umkapla.

Isayas 50:10

Sinu am takalimu Yawi ay tagfaning at fagsuguan at ngay foyungan? At masine, afanudi tua sas Yawi dewa am sit madulum fag dalan at yud e yamag.

Isayas 51:5

Munakbang wan nu gfon au ayu fagmasineun. Wa ban glugo ya nu namalangfe au ayu. Namagtainan kban sas fagayu talun at taw. Ay anggan ban tagsi tangayayu fag ngay furuan gsarig sa angku, ay gfanya ku fagmabalyananun nu kadasug.

Isayas 63:1

Sinu kanya takadasug siginans furuan Busra tagsis talun Edum, ay at ke lanbung masine at nadagatun maraska? Kanya kadasug e fagmabalyananun. Yawi wan takadasug, kanya e fagmabalyananun gfalangfe, ay nafoyung te, at ngay taw ban gbabo.

Daniel 3:17

Nu e naukas ro emi sasad faygangan daul, em Dius ro gfalangfe emi siginan am fagmabalyananun.

Daniel 3:28

Nu katanya, fun Nabukudunusur nalong te, “Segi kanya fag tuluk baguama at Dius. Aroro Dius nasugu at tagbarita laman namalangfe at ngay fagsuguan tagafanud sa anya. Kanya fag ngay baguama di nafaning ku suguan laman gseg sa ku nafawat fag fagsegan. Kanya fag tulu naylat kabul abat ngate nanseg nusnga setaw fag dius tagsaman at Dius.

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

Deuterunumyu 33:27

At yud e fakatabuan fag Dius ay fagsarirungan. Kanya ban gfabitsug ayu siginan at fagmabalyananun at yud e fakatabuan. Ay gfayayu ban ay ngay fawayan siginan ay daga salubangan. Ay gsugu ayu laman gbabo am anya fagayu.

Filipus 4:13

Mafafakamulun au nusnga setaw aroro siginan tam Fun Isus, kanya wan tagfae fagmabitsugun angku.

1 Samwel 2:2

Yawi way lang at yud e malong. We mafasud anya. We tibak fagsarigan at mafasud Dius.