Isayas 26:21 - Fanawbuid tagsibaliwas Fakayabian

²¹ Aroro kanya umdasug siginan at fagbanwanan laman namauri fagdaul daga at ngay taw aroro at ngay asalanan. Daga namalfas yay ban at kinbul fag ngay taw, ay wa ban gdog ya nanuksuk.

Isayas 26:21 ပူးပေါင်းရင်းမြစ်များ

Ub 16:18

Ankata au sik nafabul fag taw. Glong au sas daga te, ‘Lag yap gfalyam ku taguk yakmay kban e fagmasineun.’

Ub 20:27

Banwa gfasure at ngay asalanan, ay daga gfasaful sabaliwa anya.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 18:4

Aroro katatuy Yawi at longan sa angku: “Manabayan au gbanawan siginan ku fagbanwanan, kata menit at sugba nu gamgamad kabat swabilug menit, ay kata yangay sik damug kinful gina fanggutluan fag buknga.”

Isayas 22:14

Yawi at Mabalyanan nalong sa angku te, “We famalyam ya ay asalanan kaduge ban am gleleg.”

Isayas 29:6

Ay au, Yawi at Mabalyanan, namamatang kban furuan Erusalem, ay umdasug kban gasfuan lingsi, ay uig, ay sik awang, ay tagbaribungan fag tagmara, ay fulug, ay tagigang fag afuy.

Isayas 65:6

Yawi nalong yay fia te, “Dungugani! Nariruk wan ngay faurianan sa ku ngay taw. Kwa masine maragangan lang; namasud au anya fagayu nu se aksvn at ngay asalanan, ay at ngay mangaguyang at ngay asalanan. Aroro kanya fagayu nairug at ngay lune at mabebanglu ay nafadotama angku si sangay fungsu ay sa sangay buksul. Nu katanya, namasud au anya fagayu nu se aksvn at ngay nafakamulun.”

Isayas 66:6

O gdungug am ngay aringang sis furuan ay sis Yawi at bale? Kanya Yawi at aringang gina gfasud at ngay fawayan.”

Esekyel 8:6

Ay Dius nafataglayun glong angku te, “Taw at baguama, o nalag o ngay taw Israel at fakamulun? O nalag o kanya fag ngay taw at ngay fakamulun at masuya, laman gaiyan angku siginan ku bale? Dewa katanya, lumag yay ban o tagtungud tua kanya nu masuya.”

Lukas 11:40

“Wam mamatanganan! O nunda wam nasaful te, at nawat at guyuy, kanya yangay at nawat anggan at basad.

Lukas 11:50

Nu katanya, e faurianan ban am aroro fagayu Dius at taglong at kinbul, siginan ngays fakasigadan tam fagdaul daga,

At Nafasure 16:6

Aroro kafag ngay taw nafabul am nafili fag ngay taw ay am ngay taglong, ay at ngay taguk ankugwag. Nu katanya, taguk yangay ban am famainum sa anya fagayu. Tuy at matuyan fag faurianan sanya fag ngay taw.”

At Nafasure 18:24

Ay Dius at ngay taglong ay at ngay taw at taguk anlag sanya fag furuan daul, ay fagayu at nafabul fag ngay taw sas fagdaul daga.”