Isayas 26:20 - Fanawbuid tagsibaliwas Fakayabian

²⁰ Fagayu am ku ngay kaiban, sakboi wan sa ay ngay bale ay dingdingi wan ay ngay sakbawan. Suksuani yakmay anlangfe Yawi at dotama.

Isayas 26:20 ပူးပေါင်းရင်းမြစ်များ

Fakasigadan 7:1

Ay Yawi nalong sas Nui te, “Am fag talanan, sakboi wan sa ay nawat fag sakayan lino. Aroro katsi fag kasugfunanan, o way lang ku nalag at matuyan.

Ub 14:13

Dius, suksuki angku sa sangay kinbul at talun, yakmay o nafalyam am dotama sa angku, ay falganani yap sik buknga sabaliwa nu nangamatang o angku.

Alubad. 143:9

Yawi, falangfei angku siginan ku ngay fawayan, aroro o wan ku fagsarirungan.

Alubad. 17:8

Alagai angku kata ngay taw nu gdiri at ngay mata, ay suksuki angku kata sik fanginan nu glub at ngay riangan sit daga fakfak.

Alubad. 27:5

Sis buknga fagidapun, o way lang ku fagnansarigan, gfasuksuan tuo angku sam bale, ay gtabanan o angku sa sik tungud fungsu.

Alubad. 30:5

Aroro kanya dewa ndotama wa glugo, ay di e fakatabuan at fagmasineun sat nafili fag ngay taw. Ay sisad yabi dewa e gwayway, balabag di manabayan tua.

Alubad. 31:20

Nasuksuk o am ngay taw sam fagmasineun, siginans ngay taw mauri at algan ay at longan.

Alubad. 32:7

O wan ku fagsuksuanan; gdiri tuo angku sis buknga fagidapun. Ay nafoyung o sa angku ngay alubad sabaliwa nu gfalangfe o.

Alubad. 57:1

Dius, afanyui angku, aroro o wan ku fagsarirungan. Gsarirung au si emu kata sik riangan manuk sit mina at daga fakfak yakmay fagmauriun anlangfe.

Alubad. 57:2

Tiba Tungud fag Dius, guro au sa emu, aroro saful au te, namafasludan o am fakaylatun sa angku.

Alubad. 91:1

Tiba Tungud fag Dius at mabalyanan, gfae fagbanwanan tua nusnga sinu tagsarig sa anya.

Alubad. 91:4

Kanya gdiri emu kata sik manuk tungud nu glub at ngay riangan. Ay at fagmatuyanun tagdiri ban emu kata sik famalabag.

Alubad. 94:13

Nafoyung o sa kafag taw am faugali, laman manabayan tua gina e fagidapun, yakmay o nafaurianan at mauri fag ngay taw, kata sik taw at kintong sa sik fanggamat fag lusung.

Fangatulun 18:10

Yawi kata sik bale tangabat ay at mogat, ay at matuyan fag taw at fagnansarirungan gina e malimu.

Fangatulun 22:3

Sik taw at mamatanganan gsaruy tua fagmalimuun, ay at yud e fagsafulun gtaglayun way lang, katanya wan at faginfauriananun.

Isayas 10:25

Aroro wa ban glugo nu kadotama au ayu, ay namadasug au ku dotama sanya fag ngay taw yakmay anbul.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 13:5

Kanya fagayu siginan tangayayu fag ngay talun. Yawi ay at ngay tagfawayan rumasras fagdaul talun.

Isayas 34:2

Aroro Yawi kadotama fagayu talun at ngay taw, kanya kadotama at ngay tagfawayan, ay namamin ban fagayu. Namabul waban anya fagayu.

Isayas 51:16

Nafoyung kwan sa ayu ku longan, ay siginan ku fagmabalyananun nadiri au ayu. Au at nafatungkud banwa ay anggan fagdaul daga at fagmatungkudan, ay au yangay at nalong sas furuan Erusalem at ngay taw te, ‘Am wan ku ngay taw.’ ”

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 66:14

Nu nalag ban am ku fakamulun takatanya, guseganan am ay umkaksvn kata sik tanum at marabung. Yawi ban gfalag at fagmabalyananun sat ngay fagsuguan, ay dewa katanya kanya ban gfalag at dotama sat ngay fawayan.

Eremyas 31:14

Namon kban ngayuk fanggalangun sa sangay tagfon fanggalangun. Ay gfapsug kban ku ngay taw siginan ku ngay famonun. Au, Yawi, taglong tuy.”

Eremyas 7:23

nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Esekyel 11:16

“Nu katanya, nanlong o sa am ngay iba at natabanan te, ‘Au, Fun Dius Yawi, glong au te, dewa au nafatabanan ay nafasaruayan ayu sa tibak talun, galo kyay gugat ayu laman mafauseganan am angku.’

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Sefanias 2:3

Ay am takamababaun ay tagfaning Yawi at suguan, akbangi sa anya. Fataglayuni nu gfakamulun am at masine ay nu kamababaun am. Bangaran ban Yawi gdiri tua ayu ginanya fag menit.

Mateu 23:37

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak ay wo kaylat.

Mateu 6:6

Ay o nu gdarangin o, sakboi way sam bale sa sik suluk, ay dingdingi way am sakbawan, ay darangini sam fagyudun glag fag Mama. Ay am Mama taglag am fakamulun at masuksukan, mon ban fia at masine sa emu.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.