Isayas 26:17 - Fanawbuid tagsibaliwas Fakayabian

¹⁷ Yawi, glag tuo em fagidapun. Kata wami sik mangena tagfasalug nu guro aroro maksvn nu kasait.

Isayas 26:17 ပူးပေါင်းရင်းမြစ်များ

Uan 16:21

Sik mangena nu gfasalug, maksvn nu gidapan, ay dewa katanya, nu nafasalug wan, wa gidapan ya, aroro guseganan te, at ngenge ansalug wan ste swa daga.

Isayas 13:8

ay tumadtaruyan kalimu, ay dumalan ban at maksvn fag fagidapun kaksvn sik mangena nu gidapan gina gfasalug. Ay kafag ngay taw dumaddamaan, ay at kaksvnan nu kalimu, at ngay kamatan umraska.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

Isayas 21:3

Katanya ku nalag si ku taginfan, ay anlimu au maksvn ay sik fansait bilug andasug sa angku, kaksvn sik mangena nu gidapan gina gfasalug.

Eremyas 30:6

E fagintoun au sa ayu. O batang wam e nalag sik mangama tagfasalug? Ay wain ku fagelaganun at mabitsug fag ngay mangama takalaksi wan, ay tagted at ungdan kata sik mangena tagafasalugun?

Eremyas 6:24

Nu nadungug ami takatanya, anmomuy ami ay kalimu ami ay e faganinianun kata sik mangena tagafasalugun wan.

Eremyas 4:31

Nadungug au sik maksvn fag wayway ay fag fandeng kata sik mangena nu gfandeng gina gfasalug at ngenge taguna. Katanya ngay taw Erusalem nu gfandeng. Kanya fagayu gfalugde at ngay take ay gfainfanyuan get gubuk ay glong te, “Karanug au. Ku ngay fawayan namabul wan angku.”

Alubad. 48:6

Kanya fagayu gtadtaruyan kalimu, kata sik mangena tagidapan nu gfasalug.

At Nafasure 12:2

Kanya gfafion ay munakbang wa nu gafasalugun. Ay kanya guro wa ayu daul aroro maksvn nu gidapan daul kasait.

Isayas 37:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

Fakasigadan 3:16

Ay kanya nalong yangay sas mangena te, “Aroro nafakamulun o takatanya, gfamut kyay ban am fagidapun. Kaduge ban o gfafion gidapan o, kaugat wan gina o gfasalug. Dewa katanya, kaylat tua ban o gugat am mangama aroro sia wan tagfunan emu.”