Isayas 26:16 - Fanawbuid tagsibaliwas Fakayabian

¹⁶ Yawi, nafaurianan o am ngay taw, ay gina gaidapan, nanangakbang tua sa emu ay nadarangin tua.

Isayas 26:16 ပူးပေါင်းရင်းမြစ်များ

Alubad. 142:2

Glong au sa emu ku ngay fagafanawaun ay ku ngay fagidapun, kata nu gugwag au mamam sim daga salubangan.

Alubad. 27:8

Yawi, nalong o te, “Rvbvyi angku,” nu katanya sa ku amatanganan grvbvy au gugat emu.

Alubad. 42:4

Gidapan au gamatangan nu namatang kway ebi gina au gfangguna ngayuk taw taglao sam bale, laman nangalubad ami nanseg ay nangudguroan namauseganan emu.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”

Alubad. 77:3

Ay galay au namatang Dius, kabalu au ay kamomuy.

Alubad. 78:34

Ay Dius gina nafabul tibak taw Israel, at sawad ankakbang tua sa anya, ay kanya fagayu nafamababaun nadarangin, ay naubun at ngay fagmauriun.

Alubad. 91:15

Ay kanya ban, dewa anke fagidapun, nu nadarangin ban sa angku, gbalus ktua ban anya, ay si ktua ban gugat anya, ay gfalangfe ay gfae fagusegananun anya.

Isayas 37:3

Ay kanya fagayu nu ndasug sas Isayas, nalong anya te, “Esekyas glong te, ‘Katsi maksvn nu gidapan tam, ay nu gafaurianan tam ay gafaplan. Kata tam sik mangena tagafasalugun at yud e bitsug ya gfasalug at ngenge.

Eremyas 2:27

Ay glong am te, ‘Em mama sik kayu ay em mina sik gang.’ Natalyuyan am angku, dewa katanya, sayay ngap gugat angku nu nangakbang am.

Eremyas 22:23

Am fag ngay tagbanwan sis furuan Erusalem fag bale daul tangabat at mawatan kayu sidru tagsiginans Lebanun, mafanyuan ban am gina ban andasug sa ayu fagidapun, kata ban am sik mangena tagidapan nu gfasalug.

Eremyas 29:12

Nu katanya, guro tua ban am ay gdarangin sa angku, ay gdungugan ktua ban ayu.

Takabalu 2:19

Afuloi sis buknga yabi ay eti gubuk sas Fun Dius. Ay longi wan sa anya fagayu ay fagamatanganun, fakatai nu gbusbus am mamam. Ay darangini fabati ay ngay take laman sa ay ngay sisian at mamomuy kalunus tagsi sangaba dalan.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Tap 21:7

Ngay taw nalo sas Muisis ay nalong te, “Nasalan ami gina ami gfayud Yawi ay emu. Darangini emi sas Yawi, ay fayayui siginan emi tuy fag ngay ule.” Nu katanya, Muisis nadarangin laman sa sangay taw.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.

Tagfangguna 10:15

Dewa katanya, ngay taw Israel nalong sas Yawi te, “Anud nasalan ami sa emu. Fakamuluni wan sa emi kata am fakaylatun. Dewa katanya katsi, afanyui ay falangfei emi.”

1 Samwel 1:15

Ay Ana gbalus te, “Duan, kwa galangu, kwa batang ginum nusnge wain fag fanlangu. Ku fakataun tuy gfatigwanan kway sas Yawi ku fagidapun si ku amatanganan.