Isayas 26:10 - Fanawbuid tagsibaliwas Fakayabian

¹⁰ Dewa o kafanyu at mauri fag ngay taw, wa gugali at masine. Dewa gbanwan magamut sit masine fag ngay taw, gfataglayun yay gugat nu gfakamulun at mauri, ay wa natoglag am fagmabalyananun.

Isayas 26:10 ပူးပေါင်းရင်းမြစ်များ

2 Fun 13:6

Ay dewa katanya, kanya fagayu wa naubun at ngay asalanan, kata Erubuam fag kalongan at nafakamulun, at nafae asalanan ngay taw Israel. Ay kadugenya, maturuk yay gugat sis Samarya fag turuk fagtoglagan Asera fag fagsegan.

Alubad. 106:43

Dius ngayu ginan oma gfalangfe ngay taw Israel, dewa katanya, kanya fagayu kamabo yay gugat. Nu katanya, at ngay asalanan ankaksvn.

Alubad. 143:10

O wan ku Dius, nu katanya, foyungi angku laman gfaning ktua am fakaylatun. Nangus am Masine fag Falad gtaban tua gugat angku sat masine fag dalan.

Alubad. 69:27

Riruki sam fafil at ngay asalanan ay fasamani anya fagayu sa am nafalangfe fag ngay taw.

Nu Galin 8:15

Ay Igiptu at fun nu nalag te, we fagidapun ya, kanya kamaogatun yay fia, ay wa kaylat gdungugan Muisis ay Arun, kata Yawi at longan.

Nu Galin 9:30

Dewa katanya, nasaful au te, o ay am ngay tagfakamulun wam kalimu Yawi em Dius.”

Nu Galin 9:34

Ay Igiptu at fun nu nalag te, ansiwang wan, kanya ay at ngay tagfakamulun gdog yay nafamaogatun.

Fangatulun 1:32

Aroro tagfabul at yud mamatanganan fag ngay taw at fakamaboun wan, ay tagfaurianan ngay taw at yud e fagsafulun, at fagyudun wa gfae masuad.

Takamoyung 3:16

Ay nalag kyangay te, fagmauriun way takafasludan stes fagdaul daga abat ngate fagmatuyanun ay fagmasineun.

Takamoyung 8:11

Way nafaurianan vtv sik taw at nafakamulun at mauri, at ngay iba gamatangan yangay at nanfakamulun mauri.

Isayas 1:21

Amatangani! Ebi furuan Erusalem sik matuyan oma fag furuan, ay katsi, kata way sik takamatugtug fag mangena. Ebi ngay taw tagbanwan sanya, matuyan oma, ay katsi, sik ngay takamabul way.

Isayas 2:10

Ngay taw Israel, glagyu ban am sa sangay luib ay sa sangay alian, laman nanuksuan am Yawi at dotama ay at fagmabalyananun.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Isayas 32:6

Aroro sik ngay taw yud e fagsafulun nu garingang at yud way e masuad, ay at amatanganan sa way lang at mauri, ay gfakamulun at yud masine, ay kamuag nu garingang sas Yawi, ay gfabayan takalunus ay takadanum.

Isayas 32:7

Ngay tagfandaya at ngay balyawvtan wa masine. Kanya fagayu gfalganan gugat at mauri sat yud e kwa fag ngay taw siginan at fakamuaganun, dewa at yud e kwa at fagetun matuyan.

Isayas 5:12

Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Eremyas 2:7

Ay nataban au ayu sat masine fag daga laman umke gutluan am, dewa katanya, fagnabanwan di am sanya, nafauri am ku nafili fag daga ay ansik mauri am.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Usea 11:7

Ku ngay taw namatangan nangayayu angku, nu katanya, dewa kanya fagayu masadi nangakbang sa angku, kwa ban ggubuk ya anya.

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 9:3

Gubun ban am Israel, Yawi at talun, ay kafoli ban am sas talun Igiptu, ay tiba malao sas Asirya, ay sanya nu kon at masuya fag fakonun.

Mikas 2:10

Nu katanya, loi wan ste ginans talun Israel aroro wa ban am manabayan, aroro ay ngay asalanan nafasuya ay furuan. Tuy ban fag furuan umrasras ay wa ban e tungkul ya.

Mateu 4:5

Sanya ginan, Satanas nataban Isus sas Erusalem, at yud e malong fag furuan, ay nafalindug anya sas Dius at bale sat tiba tungud fag afud.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

At Nafasure 2:21

Nafon koma anya sik buknga laman gubun ay gtalyuyan at ugali at mauri, ay kanya wa kaylat gubun.

1 Samwel 15:17

Samwel nalong te, “Nu gdama o am sadili dewa o sik mafalingun, Yawi nafili tua emu laman ngay taw Israel at fun.