Isayas 26:1 - Fanawbuid tagsibaliwas Fakayabian

¹ Ay ginanya ban fag ngay menit, e nangalubad tuy fag alubad sas talun Uda: Mogat wan tam furuan! Dius nu gfalangfe antam kata sik alad nu gsafung antam.

Isayas 26:1 ပူးပေါင်းရင်းမြစ်များ

Esra 3:11

Sanya ginan, kanya fagayu gseg ay gfauseganan Yawi, ay galubad te, “Yawi matuyan aroro nu kesug ngay taw Israel di e fakatabuan.” Ay fagayu taw maksvn nu guro gfauseganan Yawi, aroro antabu wan nu kawat Yawi at bale at fagfatungkudan turuk.

Alubad. 31:21

Fauseganani Yawi! Aroro kanya nafalag sa angku te, mafangesug siginan at ngay fakamulun at madulo, ay nadiri angku gina au si sik furuan at maligung at ngay fawayan.

Alubad. 48:12

Afagdauli sas furuan Siun ay tapi at fagulitan fag ngay bale ngabat.

Alubad. 48:4

Tibak talun at ngay fun anful laman namawayan Erusalem.

Isayas 12:1

Ginanya ban fag menit, galubad am te, “Yawi, guseganan au sa emu, aroro ebi, dewa o ndotama angku, katsi duan ya. Ay gfasun tuo angku.

Isayas 14:31

Am fag ngay taw Filistia, waywayi maksvn, aroro kadasug wan ay ngay fawayan kata sik anus siginans wala fag alvngvdan, ay tanan mabalyanan.

Isayas 2:11

Ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag.

Isayas 2:20

Ginanya ban fag buknga, kanya fagayu gukas wan at ngay fagsegan at mawatan sanbung salapi ay gintu. Ay kanya ban fagayu gfamato wan at ngay fagsegan sa sangay but ay sa sangay alebung.

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 31:5

Au wan Yawi at Mabalyanan. Galaga kwa fia furuan Erusalem kata sik manuk tungud tagulit at fugad. Gbalabag kwa fia, ay namalangfe, ay kwa ban gfabayan anya.”

Isayas 31:9

Fagayu at ngay tagfawayan lumagyu aroro kalimu, ay at ngay fagtainan wa nasaful te, tain ro at fakamulun gina nalag at ngay fawayan gfabat at famasaful fag ramit. Katanya Yawi at longan, at nafae afuy sis Siun, sis furuan Erusalem.

Isayas 33:5

Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.

Isayas 33:6

Kanya wan tagbakvd ayu, ay gdiri wa fia ayu ay namon ayu sik fagmamatanganun ay fagsafulun. Ay at mafanud tua fag fagmaramramanun, tagsuyu tua Yawi.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 5:1

Nangalubad au sik alubad laman sa ku fakesugun, sabaliwa at tanuman wat ubas: Ku fakesugun e tanuman wat ubas si sik buksul sit masine fag daga.

Isayas 56:5

masakbo tua ban sa ku bale, ay gfae fagusegananun kban anya gtungud tua nu nke sisian, laman ban ngay taw gamatang tua gugat anya fagayu.

Isayas 60:18

Di ban e gfangagras ya sim talun, ay wa ban e faurianan ya takadasug sa emu. Fakalangfeun ban gligung emu kata sik alad, ay fagayu ban tagsakbo sa emu gfauseganan ban angku.

Isayas 62:10

Ngay taw Erusalem, duksuni siginan ay furuan at ngay sakbawan, ay falganani ay fasinei ay ngay kaiban at dalan. Buli wan ngay gang, ay fabati sik famasaful sa sangay taw te, Yawi gfauli wan at ngay taw.

Isayas 62:11

Dungugani! Yawi nafabuba sik foyungan sas fagdaul daga, glong te, “Longi sa sangay taw Israel te, at Tagfalangfe andasug wan, ay gbuba ngay famonun.”

Eremyas 33:11

Ay gdog yay ban kadungug nu e guseganan sabaliwa at bagu kadadwa ay siginan tagbuba famauseganan fag fanggalangun sas Yawi at bale. Kanya ban fagayu glong te, ‘Guseganan tam sas Yawi at Mabalyanan aroro kanya matuyan. Ay nu kesug di e fakatabuan.’ Anud, ngay taw ban guseganan aroro namafoli kban fagmanabayanun stie fag daga kata ebi taguna. Au, Yawi, taglong tuy.”

Esekyel 40:5

Nalag au Yawi at bale ke alad gang. Ay kafag taw nabul at famasud fag kayu, at kabaan safuluk darafa gsugfunan, kata at faugali nu gfasud, ay kanya nafasud alad gang. At kabatan safuluk darafa gsugfunan ay at kadamvlan katanya yangay.

Sakaryas 2:5

Yawi nalong te, ‘Au ban sik dingding alad afuy sas furuan Erusalem, ay au yangay ban tagfae fagmasuloun kafag furuan.’ ”

Sakaryas 2:9

“Namaurianan au anya fagayu, ay at ngay fagsuguan namawayan anya fagayu ay namul at ngay fagagbilugun. Ay nu nfasludan ban takatanya, sumaful am te, Yawi at Mabalyanan at nasugu angku.”

Tap 21:17

Ay sanya wan ngay taw Israel nu galubad te, “Gfataglayun ban nangus gfon mamam ste fag bubun! Galubad tam sabaliwa tuy fag bubun

Mateu 16:18

Ay glong kyay sa emu te, o wan Pedru, at masuad te Gang, ay namaful kban ku ngay taw stae fag gang, ay dewa fakabulun at fagmabalyananun di ban mababo ku nafaful fag ngay taw.