Isayas 25:3 - Fanawbuid tagsibaliwas Fakayabian

³ Nu katanya, sik mabalyanan fag ngay taw gfauseganan tua ban emu ay ngay talun at ngay taw at madot sumeg tua ban emu.

Isayas 25:3 ပူးပေါင်းရင်းမြစ်များ

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Isayas 13:11

Namaurianan kwan fagdaul daga aroro sat fagmauriun ay anggan ngay tagasalanan aroro sat ngay asalanan. Ay namamin kwan fagayu taw takamatungudun. Ay gfaragang kwan ngay taw nu kamalabi.

Isayas 24:15

Nu katanya, fagayu taw tagbanwan sas fakamenitan ay tagbanwan sa sangay tigyangan dagat, segi Yawi, Israel at Dius.

Isayas 29:5

Dewa katanya, umdasug ban sik menit at ngay tagfawayan umkata sik dafug ay kata sik naglayapan takalayug sas tagmara. Ay umfasludan ban masakit takatanya sa anya fagayu.

Esekyel 38:23

Takatanya fag balyawvtan namalag au ku fagmabalyananun sas fagayu talun te, kdi e malong. Ay kanya ban fag ngay taw sumaful te, au Yawi.’ ”

Mikas 7:17

Ay kanya ban fagayu kata ule galafangan aroro sat fakaplaun maksvn, ay gduksun gtadtaruyan kalimu emu, em Dius Yawi.

Sakaryas 14:16

Sanya ginan, at kinsawad ban fag ngay taw sas fagayu talun at nanamawayan Erusalem nangadasug sanya fag furuan laman nanseg Yawi ay nangasadi nangaful sabaliwa nu Kawat ngay Fayag.

Sakaryas 14:9

Yawi namagtainan sas fagdaul daga. Kanya way lang at fagtoglagun fag Dius, ay at ngayan way lang ban takadungug.

At Nafasure 11:13

Ay ginanya yay anke uig maksvn. Ay at fasafuluk afud kafag furuan ankiklas wan, ay fituk libuk taw at kinbul. Ay tagleleg yay fag ngay taw anlimu maksvn ay nafauseganan tagsis banwa fag Dius.