Isayas 25:2 - Fanawbuid tagsibaliwas Fakayabian

² Narasras wo at maaladan fag ngay furuan sa tibak talun. Ay narasras wo yangay tibak talun at ngay taw at mogat fag furuan, ay wa ban e gdog ya nangawat.

Isayas 25:2 ပူးပေါင်းရင်းမြစ်များ

Ub 12:14

Dius at narasras, we mafasine ya, ay nu naubung, we mafalfas ya.

Isayas 13:20

Ay wa ban e namanwan ya sanya kabavn. Anggan ngay taw Arabya wa ban kaylat ya namale at bale ramit sanya. Ay wa ban e namafangon ya sanya ngay tupa.

Isayas 13:21

Tagbanwan ban sanya ngay mela way lang. Kata ngay ebo ay tiba yak madot fag ngay mela. Sanya ban ngay kambing talun nu gfanulbuan.

Isayas 13:22

Ay ngay idu talun gsubang ay gbanwan sa sangay mogat fag ngay bale ay sa sangay bale daul. Munakbang wan talun Babilunya nu karasras; wa glugo ya.

Isayas 14:23

Ay fagdaul ban talun Babilunya namasik talun au ngay mela at fagbanwanan, ay kata sik bunaw tagamakmakun, ay rumasras kban kata nu e nawaris. Au, Yawi at Mabalyanan, taglong tuy.”

Isayas 17:1

Katatuy at foyungan sabaliwas furuan Damasku: “Dungugani! Wa ban glugo ya Damasku bunwa sik furuan ya aroro umrasras.

Isayas 17:3

Sis Israel fag ngay furuan at maaladan umrasras wan, ay Damasku at fagmabalyananun umkalyam ban. Ay at kumdasug ban sat ngay kinsawad fag ngay taw Aram kata yangay taw Israel at nadalan ebi. Au, Yawi at Mabalyanan taglong takatanya.

Isayas 21:9

Damai! E kadasug wa ngani sik taw gsakay si sik ngay kabayu at faguyudan. Ay kafag taw glong te, ‘Niklas wan Babilunya! Anggan fagayu at ngay fagsegan narit sas daga ay anrufa wan.’ ”

Isayas 23:11

Yawi nafalugde at take sas dagat baliwa ay nauig wan fagayu at fagfagtainanan. Ay nasugu te, rasrasi wan Kanaan at fagnangakbangan fag furuan.

Isayas 23:13

Fagayu am, damai talun Babilunya. Dada wan tagbanwan sanya? Taw Asirya narasras wan at maksvn fag afud, ay nafabayan wan nu marasrasan ay tagbanwan sanya, ngay mela way lang.

Isayas 24:10

Umrasras ban at furuan ay mabaluanan way. Madingdingan way ban fagayu bale laman we sumakbo.

Isayas 25:12

Ay rumasras ban tangabat ay at maksvn fag alad anggan umrapyag sas daga.

Isayas 26:5

At matuyan, e gfababa wa fia nusnga sinu takamatungudun, ay e rumasras wan at furuan anggan umrapyag sas daga.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 32:14

Wa ban e gbanwan ya sanya fag furuan at maksvn fag afud, ay tagsanya fag buksul ay bale fagulitan umsik talun way ban kabavn, ay ngay asnu at fagbanwanan ay ngay tupa at fagnanfangonan.

Isayas 32:19

Dewa arak yelu kadaul ngay gang ayu sirut gfarayaw ay araw ay rumasras ay ngay furuan,

Isayas 34:13

Ay tumugbung sanya sik ngay makmak madugi sit maaladan fag afud furuan. Ay sanya ban tagbanwan sik ngay ebo way lang ay ngay idu talun.

Isayas 37:26

Anud, narasras o ngay furuan ayu daul at ke ngay dingding alad. O nunda yo nasaful te, glugo wan nu e algan au takatanya? Siginan yay ebi anke algan kwan ay katsi nafafasludan kwan.

Eremyas 51:26

Wa ban e gang ya fangawat bale siginan emu. Ay umsik mabaluanan way ban o kabavn. Au, Yawi, taglong tuy.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Deuterunumyu 13:16

Ay fafuli fagayu ay nabul sanya ginan fag furuan ay folii sas wabilug fagaweanan ay irugi laman sik fagirugun fag fanggalangun sa ay Dius Yawi. Ay kanya ban fag furuan maiklasan way gugat, ay wa masine ya gdog nangawat.

At Nafasure 18:19

Ay kanya ban fagayu gwayway ay gfasat alfuyu dafug, fakatoglagan te kabalu, ay guro te, ‘Fangulan, fangulan, o fag furuan takadungug. Fagayu at ke sakayan lino, anramraman siginan am ramraman. Ay am ramraman nu kamin sik buknga way sirut!