Isayas 24:8 - Fanawbuid tagsibaliwas Fakayabian

⁸ ay wa ban e kadungug ya at masine fag ngay fagfawangun at awang, kata fagfadkalinganun ay fagfawangun ke ngay bakyang, ay wa ban e guro ya guseganan.

Isayas 24:8 ပူးပေါင်းရင်းမြစ်များ

Ub 3:7

Kwa nangus ansalug ya ginanya fag yabi, satu ro ginanya we nauseganan ya.

Ub 30:31

Ay mabaluanan kway lang gdungugan nu e gfawang ku fagfawangun ke ngay bakyang ay tulali.

Alubad. 137:2

Ay nasayang way lang mi em ngay fagfawangun si sangay kayu at ngay sanga.

Isayas 16:10

Nalyam way siginan sa ngay tanuman rawvg fagusegananun, aroro e nafamin wan at ngay masine fag tanuman. Ay we galubad ya ay we gfanguroan sas wa tanuman wat ubas. Ay we fagturisan rawvg laman at fanginum. Yawi nafaragang wan nu guseganan gfanguroan.

Isayas 5:12

Gina am maful si ay fagmafulun, ay amatanganan sa way baliwa ay ngay fagfawangun ke ngay bakyang, ay ngay fagfadkalinganun, ay tulali, ay anggan ay ngay fanlangu. Dewa katanya, wam gamatangan ya sabaliwa Yawi at nafakamulun laman sa ayu.

Isayas 5:14

Ay fagfolian at sakbawan umbia ay umluang kata takalunus fag mela nu gfabia at bibig, laman sumakbo sanya takadungug fag ngay taw Erusalem ay at yud e fanambagun ay anggan ngay taw tagbarisanan kamanagsag.

Eremyas 16:9

Aroro au, Yawi at Mabalyanan, Israel at Dius, glong au te, ‘Lumag yay ban o nu gfaragang au ste fag talun at ngay taw nu guseganan, dewa at ngay bagu kadadwa nu guseganan.’

Eremyas 25:10

Ay wa ban am e fagusegananun ya ay e fagfanagsagun. Ay wa ban e kadungug ya at ngay bagu kadadwa nu guseganan. Ay wa ban e glubuk ya trigu ay nu nyabi ban we gfasalung ya salung.

Eremyas 7:34

Ay ginanya ban gfaragang kwan nu e guseganan sis furuan Erusalem at ngay fagaweanan. Ay si bans Uda wa yangay e kadungug ya at ngay bagu kadadwa nu guseganan, ay kanya ban fag talun umsik mabaluanan.”

Takabalu 5:14

Ngay fagtainan wa nanmalunggung ya sa sangay sakbawan furuan laman namon famalun, ay at ngay baguama wa namawang ya ngay fagfawangun.

Esekyel 26:13

Gfaragang kban nu galubad am ay nu gfawang am ay ngay fagfawangun ke ngay bakyang.

Esekyel 28:13

Ebi nu gbanwan o si oma stanuman Eden, sis Dius at tanuman. Ay sim bilug e famasine oma at mafanud fag gang: maraska, melo gladlaksiun, melo gbudbugulun, tagladlaksiun, tagridrirukun, mameloan, tagmedmeloun, melo ay melo gadganyangun. Ay sim bilug e famasine yangay gintu at nafalganan sa emu gina o kasalug fag menit.

Usea 2:11

Gfaragang kwan at ngay fagmafulun galay banwa, ay galay fagmafulun sabaliwa Magdanun nu Bagu Kasure, ay galay Famiangalay fag Menit.

Amus 6:7

Nu katanya, am waban fia fag ngay tagfangguna taguna at fagnantabanun sa tibak talun; ay umragang waban nu nanmaful am gugat ay nu gfiangalay am.

At Nafasure 18:22

Ay wa ban gdog ya kadungug sanya tagfawang tulali, fagfawangun ke ngay bakyang ay budyung ay tiba yak fagfawangun. Ay wa ban gdog ya kalag sanya ngay taw tagsaful kawat nusnga setaw. Ay wa ban batang ya gdog kadungug nu e glubuk.