Isayas 24:5 - Fanawbuid tagsibaliwas Fakayabian

⁵ Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Isayas 24:5 ပူးပေါင်းရင်းမြစ်များ

2 Samwel 23:5

Katanya ku ngay kasugfunanan sis Dius at daga salubangan, aroro kanya nawat sik nasadian at yud ban e fakatabuan laman sa angku. Masine ay matuyan at nawat fag nasadian ay wa ban e manantubus ya. Nu katanya, gtuyan au te, Dius namalangfe tua ban angku. Ay kanya gfon sa angku fagayu ku fakaylatun.

2 Fun 21:12

Nu katanya, au Yawi, Israel at Dius, namadasug au fagidapun sas Erusalem ay sas Uda, ay fagayu at nadungug takatanya umlimu.

2 Fun 21:15

Umfasludan takatanya sa anya fagayu aroro nafakamulun at mauri sa ku daga salubangan, ay kanya fagayu nafadotama angku, siginan nu gfaduksun au at ngay mangaguyang siginans talun Igiptu dasug katsi.”

2 Krunika 33:9

Dewa katanya, Manase nafaylat ngay taw Uda ay Erusalem, laman gfakamulun at mauri, ay kanya fagayu at nafakamulun mauri gtungud yap tua tibak gaban taw at nafakamulun mauri. Yawi nafamin kafag ngay taw si sangay taw Israel at daga salubangan.

Alubad. 105:10

Ay nafatuyan yangay sas Akub, ay anggan sat ngay kasugfunanan te, at nasadian ban gfataglayun tua kabavn.

Alubad. 55:5

Ay kalimu au maksvn gtadtaruyan.

Isayas 10:6

Gsugu kban anya fagayu laman namawayan ku fakadotamaun fag ngay taw at yud gfaning angku, ay laman nanrasras ay nansiad anya fagayu kata nu gsiad lifak sa sangaba dalan, ay namul yangay ban at ngay ramraman.”

Isayas 30:9

Aroro kanya fagayu sik ngay takamabo ay takamuagan, ay wa kaylat gdungugan ku foyungan.

Isayas 33:8

Ay we glao ya sa sangaba dalan. Ay nafamabo wan at nasadian ay wa gfae tungkul ya at ngay tagfatuyan. Ay we fagsuyuun ya taw.

Isayas 50:1

Yawi nalong sat ngay taw te, “O nunda naiyan kwan furuan Erusalem kata sik mangama at naiyan at mangena? Inday am rirukan am famatuyan? O nunda nafataban au emu sa tibak talun at taw kata sik taw at nafafagsuguanan at sisian sat fagbedanan, laman famayad at bedan? Duan! Am fagnatabananun aroro siginan am ngay asalanan. Erusalem, naiyan au emu, aroro nafamabo o.

Isayas 9:17

Nu katanya, tam Fun wa kaylat ngay taw Israel at ngay baguama, ay wa kafanyu at ngay yud e fagtainan ay ngay fagbubayun. Kanya fagayu mauri way ay wa gfaning Dius, ay mapla way at ngay longan. Dewa katanya, Yawi at dotama ya nalyam, ay mafalganan yay namaurianan anya fagayu.

Eremyas 11:10

Kanya fagayu nafakamulun at mauri kata at ngay mangaguyang at nafakamulun, ay ankuri ku longan ay naseg tibak fagsegan. Ngay taw Erusalem ay taw Uda wa nafaning em nasadian.

Eremyas 50:5

Kanya ban fagayu ginto te, ‘Dada dalan tagsas furuan Erusalem aroro glao ban mi sanya?’ Ay kanya ban fagayu nangawat sik nasadian at yud e fakatabuan laman sa angku ay gamatang tua ban gugat kafag nasadian.

Esekyel 16:59

“ ‘Fun Dius Yawi glong te, gfaurianan kban emu aroro nafaeyud o e masuad am fatuyanan siginan nu yud o gfaning ta nasadian.

Esekyel 20:13

“Dewa katanya, kafag ngay taw gina sis talun at yud e taw nafamabo angku, ay wa nafaning ku ngay suguan ay ku ngay faugali, dewa katanya, nu nafaning di, gleleg tua ban. Ay kafag ngay taw nafayud e masuad Famiangalay fag Menit ku nafalganan sa anya fagayu. Nu katanya, nalong au te, namadasug kban sanya fagayu ku dotama, laman namamin au anya fagayu sis talun at yud e taw.

Esekyel 20:24

Aroro kafag ngay taw wa nafaning ku ngay faugali, ay wa nafae masuad Famiangalay fag Menit. Nu bunway at fagugatanun gseg way at ngay fagtainan at ngay fagsegan.

Esekyel 37:26

Nangawat kban sik nasadian sa kafag ngay taw laman ban kanya fagayu manabayan tua gugat. Ay em nasadian ban di e fakatabuan. Namabanwan kban ay namaayu anya fagayu sat talun. Ay namawat kban ku bale, ay sanya tua ban gugat.

Daniel 7:25

Ay kanya ban gfalingun Tiba Tungud fag Dius. Dius at ngay taw we malong, ay kafag fun namauri yangay anya fagayu. Kanya namayud e masuad ngay fagmafulun ay faugali. Kanya nangagbilug Dius at ngay taw kaduge tuluk banwa ay sik wabilug.

Daniel 9:10

Yawi em Dius, wami nafaning am ngay suguan siginan am fagsuguan fag ngay taglong.

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Usea 6:7

Nafaning wayam Adan, wam nafaning tam nasadian. Natalyuyan am angku gina am si ay talun.

Lebitiku 20:22

“Faningi fagayu ku ngay suguan ay ku ngay faugali, laman ban kdi gaiyan ayu siginan ku nafon ayu fag talun laman ay fagbanwanan.

Mikas 2:10

Nu katanya, loi wan ste ginans talun Israel aroro wa ban am manabayan, aroro ay ngay asalanan nafasuya ay furuan. Tuy ban fag furuan umrasras ay wa ban e tungkul ya.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Deuterunumyu 32:15

Ngay taw Israel ansik ngay maramraman oma, dewa katanya, kanya fagayu nafamabo. Ay kanya fagayu antaglu oma ay anbitsug, dewa katanya, natalyuyan Dius at nawat anya fagayu, ay nafamabo at tagfalangfe.

Deuterunumyu 32:20

Kanya nalong te, “Gtalyuyan au anya fagayu ay nanlag kban nusnga setaw at fakadasugan, aroro kanya fagayu at mauri way fag gaban taw, ay at yud way matuyan fag ngay sisian.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Ebreu 9:1

Taguna fag nasadian e ngay faugali sabaliwa nu gseg, ay ste swa daga e bale ramit fagnansegan Dius.

Uswe 23:16

Anud, umfasludan ban sa ayu takatanya, nu dway am nafaning ay Dius Yawi at nasadian at suguan ayu. Ay nu gseg way ban am sa tibak fagsegan, matuyan kanya ban namadasug sa ayu at dotama, ay masakit ban am umkamin ste ginan fag talun at masine at nafon sa ayu.”

Uswe 24:25

Ginanya fag menit, Uswe nawat sik nasadian sa sangay taw gina sis Sekem, ay nafon sanya fagayu at nasadian ay at ngay faugali.