Isayas 24:3 - Fanawbuid tagsibaliwas Fakayabian

³ Umrasras ban fia fagdaul daga ay wa ban e sawad fagayu taw tagbanwan sanya. Umfasludan ban takatanya aroro Yawi wan at ke longan.

Isayas 24:3 ပူးပေါင်းရင်းမြစ်များ

2 Krunika 36:21

Nu katanya, anfasludan Yawi at longan siginan at taglong Eremyas te, umsik mabaluanan ban at talun, ay kanya ban fag talun gfiangalay way kaduge fituk safuluk banwa.

Isayas 21:17

Wa ban ngayu at kumsawad at mabalyanan fag ngay tagfawayan.” Yawi, Israel at Dius taglong takatanya.

Isayas 22:25

“Ginanya ban fag menit, kafag fagrabingan umtong, ay fagayu at marabingan sanya umrufa wan. Umfasludan ban katanya aroro Yawi at Mabalyanan at nalong.”

Isayas 24:1

Fagayu am, dungugani! Yawi rumasras ban fagdaul daga, ay namasaruayan fagayu taw.

Isayas 24:2

Sadi way ban fagayu taw at fakadasugan, dewa sik tagfon fanggalangun ay sik taw, ay dewa sik fun ay sik fagsuguan, ay dewa sik tagfaebayad ay sik tagbayad, ay dewa sik tagfabedan ay sik tagbedan.

Isayas 24:4

Daga ban umgong ay umtugas. Ay fagdaul daga umkalyam ban, anggan at ngay takadungug ay at mabalyanan fag ngay taw.

Isayas 42:22

Dewa katanya, katsi, kafag ngay taw nafangkamulan wan, ay nabulan at ngay ramraman, ay tiba ankubung sasad lusung ay sasad ubung, ay we nagubuk ya.

Isayas 5:6

Kwa ban gulit ya ku tanuman wat ubas. Ay kwa ban gfagud ya at ngay sanga ay ggulad ya at makmak tagfaut. Ay nanlong kban sa sangay linyabu te, ‘Lag karak ya.’ Nu katanya, umkayu ban at madugi fag makmak, ay umkata ban sik araw.”

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 13:15

Dungugani fia ay lag am kamatungudun aroro Yawi garingang.

Esekyel 36:4

Nu katanya, dungugani angku, am fag ngay fungsu, fag ngay buksul, fag ngay datag, fag ngay fagfamiluganan mamam, ay fag ngay furuan at kinrasras wan ay at mabaluanan wan, tibak talun at nafawayan ay at nafalingun.

Mikas 2:4

Ginanya ban, ngay taw gfalingun ayu siginan nu galubad at mabalu te, ‘Katsi afanyuan wami! Yawi nagbilug wan em ngay daga ay nafon sa sangay tagfandaya.’ ”

Mikas 4:4

Ginanya ban, ngay taw nanmalunggung manabayan sat mesa tanum wat ubas ay fun kayu igus at lanbung. Matuyan umfasludan ban takatanya, aroro Yawi at Mabalyanan at nalong.

Deuterunumyu 29:23

Ay fagdaul ban ay fagbanwanan umkata sik talun at yud e taw, asupre ay barara at natabun. Wa ban e gtanum ya sanya fag talun aroro we gtugbung ngay fananumun. Ay umrasras ban kata furuan Suduma ay Gumura, ay Adma ay Sebuyim, Yawi at nafaurianan aroro maksvn nu kadotama.

Deuterunumyu 29:28

Siginan Yawi at dotama maksvn, kanya naiyan at ngay taw siginan at talun ay nafatabanan sa tibak talun, ay kanya fagayu gbanwan wan sanya.”