Isayas 24:23 - Fanawbuid tagsibaliwas Fakayabian

²³ Magdanun ay menit umdulum ban, aroro Yawi at Mabalyanan gfunan ban sas Buksul Siun, sis furuan Erusalem. Ay sanya ban nu msure at kamasuloan sa sangay fagtainan at daga salubangan.

Isayas 24:23 ပူးပေါင်းရင်းမြစ်များ

Alubad. 97:1

Yawi gfunan, nu katanya, fagdaul daga ay fagayu furu tagsis swabilug dagat, useganani anya.

Nu Galin 15:21

Ay Miryam nalubad tuy fag alubad sa anya fagayu: “Fagayu am alubadi, aroro Yawi nababo wa fia. Ay naukas wan sas dagat ngay kabayu ay fagayu tagsakay sanya.”

Isayas 12:6

Ngay taw Siun, uroi alubadi nu guseganan am. Aroro mabalyanan si ayu taw Israel at Dius at yud e Malong.”

Isayas 13:10

Ngay galeme ban wa gdamlag ya. Ay menit dewa ansure, madulum way, ay magdanun wa gyamag ya.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Isayas 33:17

Am fag ngay taw Israel, lumag ban am sik mabalyanan fag fun nu gfunan sat tagbia fag fagfagtainanan.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 60:1

“Erusalem, alunggungi wan, ay yamagi kata menit, aroro andasug wan am tagfalangfe. Yawi ban at fagmabalyananun tagyamag emu.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Isayas 60:20

Kabavn au wan menit ay magdanun at yud kafalyu, ay umkalyam ban am ngay fagagwantanun.

Esekyel 48:35

“Nu katanya, fagdaul alad at kabaan siamk libuk sangbada. Ay siginan ginanya fag menit, furuan daul kangayan te, ‘Yawi gbanwan sanya.’ ”

Daniel 7:18

Dewa katanya, Tiba Tungud fag Dius ban namon sat ngay taw yud e malong fag fagmabalyananun laman ban gfunan kabavn.’

Daniel 7:27

Sanya ginan, Tiba Tungud fag Dius namon sat ngay taw at yud e malong fag fagmabalyananun laman gfunan sas fagayu fagfagtainanan sas fagdaul daga. Ay at fagfagtainanan ban we fakatabuan, ay fagayu ban tagfangguna gseg ay gfaning anya.

Uel 2:31

Ay menit ban umdulum ay magdanun ban umraska kata taguk. Yawi ban namafasludan fagayu takatanya gina andasug at nafalganan fag menit nu namaurianan ngay taw.

Uel 3:15

Ginanya ban, menit ay magdanun umdulum, ay ngay galeme wa gyamag ya.

Ubadyas 1:21

Ngay taw at nafalangfe ngay taw Israel nangundaud sas Buksul Siun laman namagtainan Isaw at fagagbilugun fag ngay buksul. Au Yawi tagfagtainan ban kabavn.”

Sakaryas 14:6

Ginanya ban fag menit, di maroy ay di marios.

Sakaryas 14:7

Ginanya ban fag menit saman tua tibak menit, aroro wa ban kayabi, menit way lang. Yawi way lang tagsaful te, ginanya ban fag menit nu kadasug.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Mateu 24:29

“Ay nu nlangfe wan kafag faurianan, ‘menit ban umdulum, ay magdanun wa gyamag ya, ay anggan ban ngay galeme katong siginans banwa, ay fagayu ke fagmabalyananun sis banwa muigan.’

Mateu 6:10

ay masine nu gfagtainan tuo ngay taw. Ay nusnga setaw am algan, masine nu umfasludan ste swa daga kata nu nfasludan sas banwa.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Ebreu 12:22

Ay andasug am sas Buksul Siun ay sa tagleleg fag Dius at furuan, tagsis banwa fag Erusalem, nu inda at yud katap ya fag ngay tagbarita nu maful guseganan.

At Nafasure 11:15

Ay at fafituk tagbarita nu nauyup at budyung, e nadungug au sik ngay aringang ayu daul siginans banwa te, “Fagmafagtainanun ste swa daga siwa tam Fun ay si tam Fun Isus. Kanya ban gfagtainan kabavn.”

At Nafasure 14:1

Ay sanya ginan nalag au Tupa Riangan nu malindug sis Buksul Siun, gfadgaloan 144,000k taw. Marirukan sit ngay dangasan Tupa Riangan at ngayan ay anggan at Mama at ngayan.

At Nafasure 19:4

Ay kafag duak safulu e ufatk fagtainan ay kafag ufatk tagleleg fag awatan malub ay gseg Dius gina gmalunggung sit faglunggungan, ay nalong te, “Anud. Segi tam Dius.”

At Nafasure 19:6

Sanya ginan nadog kyay nadungug kata ngayuk taw sis banwa nu garingang kata tagbungan nu gfawas ay kata at maksvn fag lingsi. Katatuy at longan: “Segi tam Dius, aroro tam Dius tam Fun at mabalyanan sas fagayu, ay kanya gfagtainan wan.

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.

At Nafasure 22:5

Ay sanya ban we yabi ya, ay wa ban gayudan ya salung ay menit at yamag, aroro Dius tam Fun, kanya waban kafag ngay fagsuguan at yamag. Ay kanya ban fagayu gfagtainan kabavn.