Isayas 24:19 - Fanawbuid tagsibaliwas Fakayabian

¹⁹ Fagdaul daga umkarang ban ay umbaltak,

Isayas 24:19 ပူးပေါင်းရင်းမြစ်များ

Alubad. 75:3

Gina ban fagdaul daga nauigan ay gina ngay taw kalimu, gfaogat kban fagdaul daga at fagtungkudan.

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 2:19

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban lumagyu nansuksuan sa sangay alian ay sa sangay daga luib sa sangay fungsu.

Naum 1:5

Fungsu, buksul ay fagdaul daga guigan sit salubangan, ay fagayu taw gtadtaruyan kalimu.

Abakuk 3:6

Ay nu nlindug o, fagdaul daga guigan, ay nu nadama o, ngay talun gtadtaruyan kalimu, ay taguna fag ngay buksul kabaras. Ay am ngay balyawvtan di gbadbalian kabavn.

Tap 16:31

Ay Muisis nu ntabu gfoyung, daga ankarang sis Datan ay Abiram at fagmalindugan,

Tap 16:32

ay daga naon anya fag dua anggan at ngay talanan, gasfuan Kura at ngay ufud fagayu, ay fagayu at ngay fagagbilugun.

Mateu 24:3

Ay gina Isus malunggung sis Buksul Ulibu, at ngay tagadal ankakbang sa anya gina yud sanya tibak taw ay glong anya te, “Foyungi emi te, seduge ban nu kafasludan takatanya, ay setain ban nu saful ami te, gakadasugun wo, ay nu kadasug at fakatabuan fag ngay menit?”

Deuterunumyu 11:6

Ay wa yangay nalag nu setain at nafakamulun sas Datan ay sas Abiram, Elyab at ngay baguama tagsiginans Rubin at kasugfunanan. Lutuk masakit ankarang ay nangvp anya fagayu, gasfuan at ngay kalongan, at ngay bale ramit ay fagayu tagbanwan sanya. Anfasludan fagayu takatanya si sangay taw Israel at daga salubangan.

2 Pedru 3:10

Tam Fun munakbang wan nu kadasug kata sik tagfangkamul. Ay ginanya ban fag menit tam banwa umkalyam gasfuan sik awang daul, ay nusnge wain umkamin sasad afuy, ay nu katanya tam daga ay tam ngay nafakamulun umsaful.

2 Pedru 3:12

Ay kaduge am gfanya tam Dius at menit, ugatani fia kaksvn ay fagmakatuun laman masakit kafag menit nu kadasug. Ay ginanya ban fag menit, afuy gfamin banwa, ay at kaksvnan ban nu masugba, fagayu nusnge wain umlanang.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.