Isayas 24:18 - Fanawbuid tagsibaliwas Fakayabian

¹⁸ Fagayu ban taw at lumagyu aroro e nalimuan umtong sasad lusung, ay fagayu ban at nalfas siginan sad lusung umsiuk sas sangdaw. Maksvn ban nu karak, ay daga at fagmatungkudan muigan.

Isayas 24:18 ပူးပေါင်းရင်းမြစ်များ

Fakasigadan 19:24

Yawi nafadasug wa vtv sik tagigang fag afuy sas furuan Suduma ay Gumura.

Fakasigadan 7:11

Ay gina sis falabi fituk menit sis faduak magdanun, maksvn nu karak ay fagayu bulbug nasawe. Ginanya, Nui at banwa unumk sandan.

2 Fun 7:2

Fun at fagadgalangan fag fagsuguan nalong sas Elisyu te, “Yawi ro dewa nafarak maksvn, wa mfasludan kata am longan.” Ay Elisyu nabalus te, “Lumag ro wo te, matuyan umfasludan takatanya, ay wa ro wo naon nusdi alay.”

Ub 20:24

Kanya dewa anlagyu sis fiso, gatayukan yay ro fia banyas.

Alubad. 18:15

Siginan nu guro kadotama, kanya nafalanggang dagat. Ay fagdaul daga anggan at fagtungkudan ansure.

Alubad. 18:7

Siginan Yawi at dotama fagdaul daga nauigan, ay nauigan yangay anggan ngay buksul at fagtungkudan.

Alubad. 18:8

Sik anus naduksun siginan at dungus, ay sik afuy tagigang ansure siginan at bibig.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Isayas 13:13

Nanguig kban banwa ay fagdaul daga. Ay ginanya ban fag menit, namakamulun au takatanya laman namasure au ku maksvn fag dotama.

Isayas 2:19

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban lumagyu nansuksuan sa sangay alian ay sa sangay daga luib sa sangay fungsu.

Isayas 2:21

Ay ginanya ban, Yawi gfalag at dotama ay at fagmabalyananun siginan nu guig fagdaul daga, ay ngay taw ban gfabulun glagyu nanuksuan sa sangay gang tagbia ay sa sangay daga luib sa sangay fungsu.

Isayas 42:22

Dewa katanya, katsi, kafag ngay taw nafangkamulan wan, ay nabulan at ngay ramraman, ay tiba ankubung sasad lusung ay sasad ubung, ay we nagubuk ya.

Isayas 8:14

Au ban ay fagsarirungan. Dewa katanya, nu sa sangay taw Israel ay sa sangay taw Uda, kata kway sik fakataidan fag gang. Ay nu sa sangay taw tagbanwan sis Erusalem, kata kway sik sangdaw.

Eremyas 48:43

Ngay taw Muab ban kadasug sa sik malimu, sa sik lusung ay sa sik sangdaw.

Eremyas 48:44

Nusnga sinu ban at nalagyu aroro kalimu umtong sasad lusung. Ay nusnga sinu at kinlangfe siginans lusung umsangdaw sas sangdaw, aroro gfaurianan kwan Muab nu ndasug ban ku nafalganan fag buknga. Au, Yawi, taglong tuy.

Takabalu 3:47

Ay nadalan ami sat maksvn fag fagmalimuun, fag fagafanawaun, fag fanrasras ay fag faurianan.”

Esekyel 11:8

Kalimu wayam awayan, dewa katanya, kanya ban fag awayan ku famabul ayu. Au, Yawi ay Fun, taglong tuy.

Esekyel 12:13

Dewa katanya, ggamat kban anya kata sik mangilafang ay nantaban sas talun Babilunya sa sangay taw Kaldea at talun. Dewa katanya, kanya ban wa glag, ay sanya waban nu kabul.

Esekyel 15:7

Anud, namaurianan kban kafag ngay taw. Dewa ban anlakwi siginan sad afuy, kanya ban fagayu kairug yay. Ay sumaful ban te, au Yawi.

Amus 5:18

Afanyuan am tagfanya Yawi at menit. Lag am gamatangan te, ginanya ban umlangfe am. Aroro ginanya waban fag menit nu gfaurianan au ayu.

Amus 5:19

Ay kata ban am sik taw tagamatangan te, anlangfe wan siginan sik liun, ay aroro mangaro, nafablang yay fia sik usu. Ay gamatangan yangay te, anlangfe wan aroro siwa at bale, ay aroro mangaro gina nated at dingding sik ule nagat anya.